ليتسەنزيياسىنان ايىرىلعان Capital Bank Kazakhstan» بانك سالىمشىلارىنىڭ دەپوزيتتەرٸ «قازاقستاننىڭ دەپوزيتتەرگە كەپٸلدٸك بەرۋ قورى» اق-تىڭ كەپٸلدٸگٸمەن تولىق كٶلەمدە ٶتەلەدٸ. بۇل تۋرالى قارجى نارىعىن رەتتەۋ جەنە دامىتۋ اگەنتتٸگٸ حابارلادى.
«بانك سالىمشىلارىنىڭ, جەكە تۇلعالاردىڭ 99%-نىڭ دەپوزيتتەرٸ «قازاقستاننىڭ دەپوزيتتەرگە كەپٸلدٸك بەرۋ قورى» اق-تىڭ كەپٸلدٸگٸمەن تولىق كٶلەمدە ٶتەلەدٸ», - دەلٸنگەن اگەنتتٸك تاراتقان حابارلامادا.
اگەنتتٸك تٶراعاسىنىڭ 2021 جىلعى 24 ماۋسىمداعى №206 بۇيرىعىمەن ۋاقىتشا ەكٸمشٸلٸك تاعايىندالدى, وعان بانكتٸڭ بارلىق باسقارۋ ورگاندارىنىڭ ٶكٸلەتتٸكتەرٸ اۋىستى. ۋاقىتشا ەكٸمشٸلٸك بانكتٸڭ تاراتۋ كوميسسيياسى تاعايىندالعانعا دەيٸن ەرەكەت ەتەتٸن بولادى.
ۋاقىتشا ەكٸمشٸلٸكتٸڭ باسشىسى بولىپ اگەنتتٸكتٸڭ قىزمەتكەرٸ شولپان تايشىققىزى توقسەيٸتوۆا تاعايىندالدى. 2021 جىلعى 25 ماۋسىمنان باستاپ قر زاڭناماسىندا كٶزدەلگەن جاعدايلاردى قوسپاعاندا, كليەنتتەردٸڭ جەنە بانكتٸڭ ٶزٸنٸڭ بانك شوتتارى بويىنشا بارلىق وپەراتسييالار توقتاتىلدى.
اگەنتتٸك زاڭنامادا بەلگٸلەنگەن تەرتٸپپەن سوتقا بانكتٸڭ قىزمەتٸن مەجبٷرلەپ توقتاتۋ (تاراتۋ) تۋرالى ٶتٸنٸشپەن جٷگٸنەدٸ. سوت بانكتٸ مەجبٷرلەپ تاراتۋ تۋرالى ٸس قوزعاعان كٷننەن باستاپ بانكتٸ ۇستاۋعا ارنالعان اعىمداعى شىعىستارمەن بايلانىستى تالاپتاردى جەنە قازاقستان رەسپۋبليكاسىنىڭ زاڭناماسىندا بەلگٸلەنگەن ٶزگە دە جاعدايلاردى قوسپاعاندا, كرەديتورلاردىڭ بانككە تالاپتارى تاراتۋ ٶندٸرٸسٸندە عانا قويىلا الادى.
بارلىق قىزىعۋشىلىق تانىتقان سۇراقتار بويىنشا «Capital Bank Kazakhstan» اق-تىڭ ۋاقىتشا ەكٸمشٸلٸگٸنە +7 (727) 331 66 77 تەلەفونى ارقىلى حابارلاسۋعا بولادى.
ەسكە سالساق, قازاقستانداعى «Capital Bank Kazakhstan» بانك ليتسەنزيياسىنان ايىرىلدى.
سونىمەن قاتار, بۇعان دەيٸن ەلٸمٸزدەگٸ «Delta Bank» جەنە Tengri Bank بانكتەردٸڭ ليتسەنزيياسى توقتاتىلعان ەدٸ.
