قازاقستاننىڭ دەپوزيتتەرگە كەپٸلدٸك بەرۋ قورى «Capital Bank Kazakhstan» اق سالىمشىلارىنا كەپٸلدٸك بەرٸلگەن ٶتەمٸنٸڭ ٷشتەن بٸرٸن ورىندادى, دەپ حابارلايدى "ۇلت اقپارات".
«Capital Bank Kazakhstan» اق سالىمشىلارىنا اگەنت بانك رەتٸندە تاڭداپ الىنعان «ەۋرازييالىق بانك» اق ارقىلى كەپٸلدٸك بەرٸلگەن ٶتەمدٸ تٶلەۋ 2021 جىلدىڭ 3 شٸلدەسٸندە – بانكتٸ بارلىق بانك وپەراتسييالارىن جٷرگٸزۋ ليتسەنزيياسىنان ايىرۋ كٷنٸنەن باستاپ 6 جۇمىس كٷننەن كەيٸن باستالدى.
العاشقى كٷندەرٸ قازاقستاننىڭ دەپوزيتتەرگە كەپٸلدٸك بەرۋ قورى كەپٸلدٸك بەرٸلگەن ٶتەمدٸ الۋعا ٶتٸنٸش بەرگەن 189 ازاماتقا اگەنت بانك ارقىلى شامامەن 518,7 ملن تەڭگە تٶلەدٸ. بۇل بانك سالىمشىلارى الدىنداعى مٸندەتتەمەلەردٸڭ جالپى كٶلەمٸنٸڭ 30,8 پايىزىن قۇرايدى.
قازاقستاننىڭ دەپوزيتتەرگە كەپٸلدٸك بەرۋ قورى كەپٸلدٸك بەرٸلگەن ٶتەمدٸ الۋعا جٷگٸنبەگەن سالىمشىلارعا تٶلەم مەرزٸمٸ كەزٸندە (2021 جىلدىڭ 2 شٸلدەسٸنەن باستاپ, سوڭعى كٷنٸن قوسا العاندا 2022 جىلدىڭ 3 شٸلدەسٸنە دەيٸنگٸ ارالىقتا) اگەنت بانكتٸڭ كەز كەلگەن بٶلٸمشەسٸنە بارىپ, ٶتەم الۋعا ٶتٸنٸش بەرۋگە كەڭەس بەرەدٸ. قولدا جەكە كۋەلٸك بولۋى كەرەك.
كەپٸلدٸك بەرٸلگەن ٶتەم سالىمشىعا ونىڭ قۇجاتتارى اگەنت بانككە كەلٸپ تٷسكەن كٷننەن باستاپ 5 جۇمىس كٷنٸ ٸشٸندە تٶلەنەدٸ.
بۇعان دەيٸن, «Capital Bank Kazakhstan» بانك ليتسەنزيياسىنان ايىرىلعانى تۋرالىجازعان بولاتىنبىز.
ليتسەنزييادان ايىرۋ كٷنگٸ جاعداي بويىنشا بانك اكتيۆتەرٸنٸڭ مٶلشەرٸ 38,5 ملرد تەڭگەنٸ, نەسيە پورتفەلٸ – 33,9 ملرد تەڭگەنٸ قۇرادى, ونىڭ ٸشٸندە 30,4 ملرد تەڭگە نەمەسە بانكتٸڭ نەسيە پورتفەلٸنٸڭ 89,8%-ى – 90 كٷننەن استام مەرزٸمٸ ٶتكەن جۇمىس ٸستەمەيتٸن كرەديتتەر.
