فوتو: astanatv.kz
2026 جىلدىڭ بٸرٸنشٸ توقسانىندا تەڭگەنٸڭ دوللارعا قاتىستى نىعايۋى سالدارىنان بٸرىڭعاي جيناقتاۋشى زەينەتاقى قورىنىڭ (بجزق) ينۆەستيتسييالىق تابىسى شامامەن 240 ملرد تەڭگەگە تٶمەندەدٸ. بۇل تۋرالى ۇلتتىق بانك تٶراعاسىنىڭ ورىنباسارى ەلييا مولدابەكوۆا مەلٸمدەدٸ, دەپ حابارلايدى Ult.kz Nege.Aqsha telegram اناسىنا سٸلتەمە جاساپ.
قور اكتيۆتەرٸنٸڭ شامامەن 40%-ى شەتەل ۆاليۋتاسىندا ورنالاستىرىلعان. قاڭتار-ناۋرىز ايلارى ارالىعىندا تەڭگە دوللارعا قاتىستى شامامەن 5,5%-عا نىعايدى. سونىڭ سالدارىنان ۆاليۋتالىق اكتيۆتەردٸ تەڭگەگە قايتا ەسەپتەۋ كەزٸندە ولاردىڭ قۇنى تٶمەندەگەن.
ۇلتتىق بانكتە بۇل ناقتى شىعىن ەمەس ەكەنٸن اتاپ ٶتتٸ. ينۆەستيتسييالىق تابىس وڭ دەڭگەيدە قالىپ وتىر – جىل باسىنان بەرٸ قور شامامەن 272 ملرد تەڭگە تابىس تاپقان.
