بجزق-داعى جىمقىرۋ ٸسٸ بويىنشا تٶرت فيگۋرانت ەكٸ ايعا قاماۋعا الىندى, - دەپ حابارلايدى "ۇلت اقپارات" kaz.tengrinews.kz پورتالىنا سٸلتەمە جاساپ.
الماتى قالالىق المالى اۋداندىق سوتى "بجزق" اق باسقارما تٶراعاسى رۋسلان ەردەناەۆقا, "بجزق" اق قاتەرلەردٸ باسقارۋ دەپارتامەنتٸنٸڭ قارجى قاتەرلەرٸ باسقارماسىنىڭ باسشىسى مۇسا باحتوۆقا, "الاتاۋمۇنايالتىن" باقىلاۋ كەڭەسٸنٸڭ تٶراعاسى, سونداي-اق, "بۋزگۋل اۋرۋم" جشس قۇرىلتايشىسى باقىتجان كەنجەباەۆقا, "بۋزگۋل اۋرۋم" جشس ازات نايزاعاريناعا قاتىستى قاماۋعا الۋ تٷرٸندەگٸ بۇلتارتپاۋ شاراسىن تاڭداۋ تۋرالى قاۋلى شىعاردى", - دەپ حابارلادى الماتى قالالىق سوتىنىڭ اقپاراتپەن قامتۋ بٶلٸمٸنٸڭ باسشىسى دياس ماحامبەتوۆ.
ماحامبەتوۆتىڭ مەلٸمەتٸنشە, سوتقا دەيٸنگٸ تەرگەۋ ورگاندارى رۋسلان ەردەناەۆقا جەنە ٶزگە كٷدٸكتٸلەرگە مٷلٸككە قارسى اۋىر قىلمىس جاسادى دەگەن كٷدٸك كەلتٸرٸپ وتىر. ولارعا قر قىلمىستىق كودەكسٸنٸڭ 189-بابىنىڭ 4-بٶلٸگٸنٸڭ 2-تارماقشاسى بويىنشا ايىپ تاعىلدى - "سەنiپ تاپسىرىلعان بٶتەن مٷلiكتi يەمدەنiپ الۋ نەمەسە تالان-تاراجعا سالۋ".
"سوتتىڭ قاۋلىسىمەن كٷدٸكتٸلەرگە قاتىستى ەكٸ اي مەرزٸمگە قاماۋعا الۋ تٷرٸندەگٸ بۇلتارتپاۋ شاراسى تاڭدالدى", - دەدٸ دياس ماحامبەتوۆ.
تٶرت فيگۋرانت سوتتىڭ قاۋلىسىنا شاعىم تٷسٸردٸ.
اشىق دەرەككٶزدەرگە سٷيەنسەك, رۋسلان ەردەناەۆتىڭ ەكٸ ورىنباسارى بولعان - سەۋلە دٷيسەنوۆا مەن دابىر مەدەتبەكوۆ. بٸراق ەزٸرشە قايسىسى قاماۋعا الىنعانى بەلگٸسٸز.
ايتا كەتەيٸك, ۇلتتىق بانك ٶكٸلٸ الەكساندر تەرەنتەۆ 6 قاڭتارداعى باسپاسٶز مەسليحاتىندا بجزق-عا قاتىستى قىلمىستىق ٸستٸڭ ۇلتتىق بانكتٸڭ ٶتٸنٸشٸنەن كەيٸن قوزعالعانىن مەلٸمدەگەن.
ەسكە سالايىق, 2016 جىلدىڭ 21 جەلتوقسانىنان باستاپ قر ۇلتتىق بانكٸنٸڭ قاتىسۋىمەن "بٸرىڭعاي جيناقتاۋشى زەينەتاقى قورى" اكتسيونەرلٸك قوعامىنىڭ قىزمەتٸنە تەكسەرٸس جٷرگٸزٸلگەن بولاتىن. سول كەزدە تەكسەرٸستٸڭ بجزق اكتسيونەرلٸك قوعامىنىڭ مەنشٸكتٸ اكتيۆتەردٸ ينۆەستيتسييالاۋعا قاتىستى جاسالعان وپەراتسييالارى بويىنشا جٷزەگە اسىرىلىپ جاتقانى ايتىلعان ەدٸ. "بجزق" اق-تىڭ مەنشٸكتٸ اكتيۆتەرٸ ونىڭ كاپيتالى جەنە شارۋاشىلىق قىزمەتٸنٸڭ نەتيجەلەرٸ ەسەبٸنەن قالىپتاستىرىلادى ەكەن. "بجزق" اق مەنشٸكتٸ اكتيۆتەردٸ دەربەس باسقارادى", - دەگەن ەدٸ بانكتەگٸلەر.
"ازاماتتاردىڭ زەينەتاقى جيناقتارى "بجزق" اق-تىڭ بالانسىنان بٶلٸنگەن جەنە بٶلەك ەسكەرٸلەدٸ. ۇلتتىق بانك زەينەتاقى جيناقتارىن ينۆەستيتسييالاۋدى قازاقستان رەسپۋبليكاسىنىڭ ۇلتتىق قورىن باسقارۋ جٶنٸندەگٸ كەڭەس ماقۇلداعان 2016 جىلعا ارنالعان باعىتتار بويىنشا عانا جٷزەگە اسىرادى. بۇل رەتتە 2016 جىلى زەينەتاقى اكتيۆتەرٸن ەكونوميكانىڭ ناقتى سەكتورىنىڭ جەكە كومپانييالارىنىڭ قارجى قۇرالدارىنا ينۆەستيتسييالاۋ كٶزدەلمەيدٸ" دەلٸنگەن ەدٸ ۇب حابارلاماسىندا.
