ەدٸلەت ۆيتسە-مينيسترٸ المات ماداليەۆ 2019 جىلى سوت-ساراپتاما, سوت اكتٸلەرٸن ورىنداۋ جەنە مەملەكەتتٸڭ مٷلٸكتٸك قۇقىقتارىن قورعاۋ بويىنشا جۇمىس باعىتتارىن باياندادى, دەپ حابارلايدى قازاقپارات.
«2019 جىلى سوت-ساراپتاماعا 190 مىڭنان استام ماتەريال كەلٸپ تٷستٸ. ورىندالعان ساراپتامالاردىڭ ٷلەسٸ 96 پايىزدان استى. وسىلايشا, مينيسترلٸكتٸڭ ستراتەگييالىق جوسپارىنىڭ تيٸستٸ كٶرسەتكٸشٸنە قول جەتكٸزٸلدٸ. بۇل رەتتە, ورىندالماي قايتارىلعان ماتەريالدار سانى ايتارلىقتاي قىسقاردى (2019 جىلى – 2 238, 2018 جىلى – 3 014). قايتالاما ساراپتامالار سانى 11 پايىزعا ازايدى (257-دەن 229-عا دەيٸن, ونىڭ 153-ٸ راستالعان, 30-ى راستالعان جوق, 26-ى ٸشٸنارا راستالعان)», - دەپ ناقتىلادى ۆيتسە-مينيستر ۆەدومستۆونىڭ كەڭەيتٸلگەن القا مەجٸلٸسٸندە.
ونىڭ سٶزٸنە قاراعاندا, 2019 جىلى اقىلى قىزمەتتەر بويىنشا ٶسٸمگە قول جەتكٸزٸلدٸ. جىلدىڭ كورىتىندىسى بويىنشا 386 ملن تەڭگە كٶلەمٸندە اقىلى قىزمەتتەر كٶرسەتٸلدٸ.
بۇدان بٶلەك ول حالىقپەن جۇمىس كٶرسەتكٸشتەرٸنە توقتالدى.
«ەسەپتٸك كەزەڭدە بارلىعى 383 ٶتٸنٸش كەلٸپ تٷستٸ. بۇل ٶتكەن جىلمەن سالىستىرعاندا 25 پايىزعا ارتىق (2018 ج. - 306 ٶتٸنٸش). الايدا, ارىزداردىڭ باسىم بٶلٸگٸ ٶزٸنٸڭ راستاۋىن تاپپاعانىن اتاپ ٶتكەن جٶن. تەكسەرۋ بارىسىندا تەك 6 ٶتٸنٸش راستالدى. قاراۋ نەتيجەلەرٸ بويىنشا 16 قىزمەتكەر تەرتٸپتٸك جاۋاپكەرشٸلٸككە تارتىلدى», - دەدٸ ا. ماداليەۆ.
