ەڭبەك قىزمەتٸنە بايلانىستى جازاتايىم وقيعا كەزٸندە زارداپ شەككەندەر سانى ٶتكەن جىلى 2 133 ادامدى قۇرادى, ونىڭ ٸشٸندە 389 ادام (18,2%) – ەيەلدەر, دەپ حابارلايدى قازاقپارات.
ۇلتتىق ستاتيستيكا بيۋروسىنىڭ مەلٸمەتٸنشە, زارداپ شەككەندەردٸڭ جالپى سانىنان قازا تاپقاندار سانى 176 ادامدى قۇرادى, بۇل 2020 جىلعا قاراعاندا 27 ادامعا كەم.
جاراقاتتانۋدىڭ ەڭ جوعارى كٶرسەتكٸشٸ قاراعاندى وبلىسىندا ساقتالىپ وتىر. 2021 جىلى وندا 537 جاعداي تٸركەلدٸ, بۇل جالپى جاعدايلاردىڭ 25,2% قۇرايدى.
ەكٸنشٸ ورىندا شىعىس قازاقستان وبلىسى, وندا ٶندٸرٸستە 320 ادام جاراقات الدى (جالپى سانىنىڭ 15%).
توپتىق جازاتايىم وقيعالاردا 240 ادام, كەسٸبي اۋرۋ سالدارىنان – 351 ادام, 47 ادام ۋلانۋدان زارداپ شەكتٸ.
سونداي-اق ماس كٷيٸندە 24 ادام, ەسٸرتكٸ ەسەرٸندە بولعان 8 ادام قىزمەتتە جاراقات العان. پسيحيكالىق اۋىتقۋ سالدارىنان ٶندٸرٸستە 9 ادام زارداپ شەككەن.
ٶڭدەۋ ٶنەركەسٸبٸ جاراقات الۋ قاۋپٸ جوعارى سالا بولىپ وتىر, ٶتكەن جىلعى جازاتايىم وقيعالاردىڭ 26,8% وسى سالادا تٸركەلدٸ.
ەكٸنشٸ ورىندا تاۋ-كەن ٶندٸرۋ ٶنەركەسٸبٸ, وندا زارداپ شەككەندەردٸڭ 20,8%-ى جۇمىس ٸستەگەن. جازاتايىم وقيعالار سانى ەڭ از سالا – اۋىل, ورمان جەنە بالىق شارۋاشىلىعى, جاراقات العانداردىڭ ٷلەسٸ – 2,9%-ى.
زارداپ شەككەندەردٸڭ اۋىر دەرەجەدە جاراقات العاندار ٷلەسٸ – 44,6%, ورتاشا دەرەجەدە – 13%, جەڭٸل دەرەجەدە 32,5% قۇرادى. زارداپ شەككەندەردٸڭ 9,9% قايتىس بولدى.
ٶتكەن جىلى ەڭ كٶپ تارالعان كەسٸبي اۋرۋلار: دورسالگييا – سپەتسيفيكالىق ەمەس ارقاداعى اۋىرسىنۋ (200 ادام); راديكۋلوپاتييا – نەۆرولوگييالىق سيندروم (196 ادام) جەنە دٸرٸلدٸڭ جەنە باسقا دا سىرتقى سەبەپتەردٸڭ ەسەرٸ (146 ادام).
