2019 جىلى قازاقستاندا قاۋٸپتٸ ٶندٸرٸس نىساندارىندا 28 وقىس وقيعا تٸركەلدٸ, وندا 11 ادام قازا تاپقان, دەپ حابارلايدى "ۇلت اقپارات" قر ييدم يندۋسترييالىق دامۋ جەنە ٶنەركەسٸپتٸك قاۋٸپسٸزدٸك كوميتەتٸنە سٸلتەمە جاساپ.
بىلتىرعى وقىس وقيعالار كەزٸندە 24 ادام زارداپ شەككەن, ونىڭ ٸشٸندە 11 ادام قازا تاپسا, 7 ادام اۋىر, 6 ادام جەڭٸل دەرەجەدە جاراقات العان.
كوميتەتتٸڭ مەلٸمدەۋٸنشە, بارلىق اپاتتار ەگجەي-تەگجەيلٸ تەرگەلٸپ, تيٸستٸ شارالار قابىلداندى.
ەوقىس وقيعالار كٶمٸر, تاۋ-كەن, مەتاللۋرگييا, مۇناي-حيمييا, مۇناي-گاز ٶندٸرۋ, جارىلىس جۇمىستارىن جٷرگٸزەتٸن وبەكتٸلەردە, قازاندىق جەنە گاز شارۋاشىلىقتارىندا, كٶتەرگٸش قۇرىلىستاردا ورىن العان.
تەكسەرۋ اكتٸلەرٸنە سەيكەس جازاتايىم وقيعالاردىڭ نەگٸزگٸ سەبەبٸ ەسكٸرگەن, مورالدىق جەنە فيزيكالىق تۇرعىدان توزعان, قىزمەتتٸڭ نورماتيۆتٸك مەرزٸمٸن ٶتەگەن جابدىقتاردى پايدالانۋدان», دەلٸنگەن حابارلامادا.
وسى مەسەلەنٸ شەشۋ ٷشٸن قر ييدم يندۋسترييالىق دامۋ جەنە ٶنەركەسٸپتٸك قاۋٸپسٸزدٸك كوميتەتٸنٸڭ باستاماسى بويىنشا كەسٸپورىندارمەن بٸرلەسٸپ جىل سايىن تەحنيكالىق قايتا جاراقتاندىرۋدىڭ جيىنتىق جوسپارى ەزٸرلەندٸ, قازٸرگٸ ۋاقىتتا 1 424 تەحنيكالىق قۇرىلعى مەن 66 تەحنولوگييالىق جەلٸ اۋىستىرىلدى.
مامانداردىڭ مەلٸمەتٸ بويىنشا, تٸركەلگەن وقىس وقيعالاردىڭ كەلەسٸ سەبەبٸ –ٶنەركەسٸپتٸك قاۋٸپسٸزدٸك تالابى مەن ەرەجەسٸن بۇزۋ. ٷشٸنشٸدەن, ٶندٸرٸستٸك باقىلاۋدىڭ تٶمەن بولۋى, يا بولماسا تٸپتٸ جٷرگٸزٸلمەۋٸ جەنە قىزمەتكەرلەردٸڭ بٸلٸكتٸلٸگٸنٸڭ تٶمەندٸگٸ.
«وسىعان بايلانىستى ٶنەركەسٸپتٸك قاۋٸپسٸزدٸك سالاسىنداعى نورماتيۆتٸك قۇقىقتىق بازانى ودان ەرٸ جەتٸلدٸرۋ ماقساتىندا قازاقستان رەسپۋبليكاسى ٷكٸمەتٸنٸڭ 2019 جىلعا ارنالعان زاڭ جوبالاۋ قىزمەتٸ شەڭبەرٸندە ٶنەركەسٸپتٸك قاۋٸپسٸزدٸك مەسەلەلەرٸ جٶنٸندەگٸ زاڭ جوباسى ەزٸرلەندٸ جەنە مەجٸلٸسٸنە ەنگٸزٸلدٸ.
زاڭ جوباسى ٶنەركەسٸپتٸك قاۋٸپسٸزدٸك سالاسىنداعى زاڭناما نورمالارىن جەتٸلدٸرۋگە جەنە مەملەكەتتٸك قاداعالاۋدى جٷزەگە اسىرۋدىڭ تيٸمدٸلٸگٸن ارتتىرۋعا باعىتتالعان», دەلٸنگەن حابارلامادا.
بۇدان بٶلەك, كوميتەت قىزمەتكەرلەرٸ مۇناي جەنە گاز سالالارىنىڭ قاۋٸپتٸ ٶندٸرٸس وبەكتٸلەرٸ ٷشٸن ٶنەركەسٸپتٸك قاۋٸپسٸزدٸكتٸ قامتاماسىز ەتۋ ەرەجەلەرٸن قايتا قارادى. سونداي-اق قازٸرگٸ زامانعى نورمالارعا جەنە حالىقارالىق تەحنولوگييالىق تالاپتارعا سەيكەس اتالعان نورماتيۆتٸك قۇقىقتىق اكتٸلەردٸ جان-جاقتى قاراۋ جەنە ولارعا ٶزگەرٸستەر ەنگٸزۋ جوسپارلانعان.
يندۋسترييالىق دامۋ جەنە ٶنەركەسٸپتٸك قاۋٸپسٸزدٸك كوميتەتٸ 221 مىڭنان استام قاۋٸپتٸ ٶندٸرٸستٸك وبەكتٸلەردٸ قامتيتىن 9 مىڭعا جۋىق كەسٸپورىندا ٶنەركەسٸپتٸك قاۋٸپسٸزدٸك سالاسىندا مەملەكەتتٸك قاداعالاۋدى جٷزەگە اسىرادى. نەگٸزٸنەن بۇل كەنٸشتەر مەن كٶمٸر شاحتالارى, كارەرلەر, مەتاللۋرگييالىق, حيمييالىق جەنە مۇناي ٶڭدەۋ زاۋىتتارى, ماگيسترالدى قۇبىرلاردىڭ اتوم ٶنەركەسٸبٸ وبەكتٸلەرٸ جەنە باسقالار.
«2019 جىلى ٶندٸرٸس وشاقتارىندا 1447 تەكسەرۋ جٷرگٸزٸلدٸ. تەكسەرۋ قورىتىندىسى بويىنشا بارلىعى 50 193 زاڭ بۇزۋشىلىق انىقتالدى. 168 ملن تەڭگەدەن استام قارجىعا 1 885 ايىپپۇل سالىندى, ونىڭ 1 422-سٸ زاڭدى تۇلعاعا جەنە 463-ٸ جەكە تۇلعاعا», دەلٸنگەن حابارلامادا.
