2021 جىلى تەڭٸز, قاشاعان, قاراشىعاناق كەن ورىندارىنىڭ وپەراتورلارى مەملەكەت بيۋدجەتٸنە 7,5 ملرد دوللار تٸكەلەي تٶلەم جاسادى. بۇل جايىندا قر پرەمەر-مينيسترٸ ەليحان سمايىلوۆتىڭ مەجٸلٸس دەپۋتاتتارىنىڭ ساۋالىنا بەرگەن جاۋابىندا ايتىلعان, دەپ حابارلايدى قازاقپارات.
«2021 جىلى 3 ٸرٸ وپەراتوردىڭ قىزمەتٸنەن مەملەكەتتٸك بيۋدجەتكە جالپى تٸكەلەي تٶلەم كٶلەمٸ 7,5 ملرد دوللاردان اسىپ تٷستٸ», - دەلٸنگەن ٷكٸمەت باسشىسىنىڭ جاۋابىندا.
پرەمەر-مينيستردٸڭ دەرەگٸنشە, «تەڭٸزشەۆرويل» كومپانيياسى ەلٸمٸزدٸڭ بيۋدجەتٸنە 4,5 ملرد دوللار تٶلەدٸ.
رەسپۋبليكا قاراشىعاناق جوباسىنان 2,6 ملرد دوللار الدى.
ونىڭ ٸشٸندە پروفيت-ويل (ينۆەستوردىڭ كٸرٸسٸن قالىپتاستىراتىن جەنە رەسپۋبليكا بيۋدجەتٸنە كەتەتٸن مۇنايدىڭ بٶلٸگٸ) تٷرٸندەگٸ 1,98 ملرد دوللار - ۇلتتىق قورعا, جەنە سالىق تٷرٸندە 0,65 ملرد دوللار - جەرگٸلٸكتٸ جەنە رەسپۋبليكالىق بيۋدجەتكە اۋدارىلدى.
ال سولتٷستٸك كاسپيي جوباسىنان ەلٸمٸزگە 0,4 ملرد دوللار (باسىم تٶلەم تٷرٸندە 274 ملن دوللار جەنە پروفيت-ويل تٷرٸندە 170 ملن دوللار) تٷستٸ.
