فوتو Depositphotos.com
قىتايلىق اۆتوٶندٸرۋشٸ BYD ٶزٸنٸڭ تاريحىنداعى ەڭ اۋقىمدى كەرٸ شاقىرتۋ ناۋقانىن جارييالادى — 2015 جىلدان 2022 جىلعا دەيٸن شىعارىلعان Tang جەنە Yuan Pro سەريياسىنداعى 115 مىڭنان استام كٶلٸك سەرۆيستٸك تەكسەرٸسكە جٸبەرٸلەدٸ. بۇل تۋرالى 17 قازاندا قىتايدىڭ نارىقتى رەتتەۋ جٶنٸندەگٸ مەملەكەتتٸك باسقارماسى حابارلادى.
2015–2017 جىلدارى شىعارىلعان BYD Tang كٶلٸكتەرٸنٸڭ بٸر بٶلٸگٸندە ەلەكترقوزعالتقىشتى باسقاراتىن ەلەكتروندى بلوكتاعى اقاۋ انىقتالعان. سيرەك جاعدايلاردا كونتروللەر زاريادتى دۇرىس تاراتپاي, باسقارۋ تاقشاسى قىزىپ كەتۋٸ مٷمكٸن. سونىڭ سالدارىنان كٶلٸك ەلەكتر رەجيمٸندە قوزعالۋ مٷمكٸندٸگٸن جوعالتادى. بۇل تەۋەكەلدٸڭ الدىن الۋ ٷشٸن BYD باعدارلامالىق جاساقتامانى جاڭارتۋدى جوسپارلاپ وتىر — ەندٸ جٷيە اككۋمۋلياتوردى قاۋٸپسٸز تەسٸلمەن, تٸكەلەي ەلەكتروموتور ارقىلى رازريادتايتىن بولادى.
2021–2022 جىلدارى شىعارىلعان Yuan Pro مودەلدەرٸندە اككۋمۋلياتور بلوگىنىڭ تىعىزداعىشتارى كەيدە دۇرىس ورناتىلماعانى بەلگٸلٸ بولدى. سونىڭ سالدارىنان گەرمەتيكالىق جابىلۋ دەڭگەيٸ تٶمەندەۋٸ مٷمكٸن. ەگەر كٶلٸك ۇزاق ۋاقىت بويى سۋدان جوعارى جىلدامدىقپەن ٶتسە, اككۋمۋلياتور ٸشٸنە ىلعال ەنۋ قاۋپٸ بار, بۇل قۋاتتىڭ تٶمەندەۋٸنە جەنە ەلەكترجٷيەنٸڭ ٸستەن شىعۋىنا ەكەلەدٸ.
مۇنداي كٶلٸكتەردە ٶندٸرۋشٸ اككۋمۋلياتور قورابىن قوسىمشا گەرمەتيكپەن نىعايتىپ, سۋ ٶتكٸزبەۋ قورعانىسىن قالپىنا كەلتٸرەدٸ.
بۇعان دەيٸن BYD وتقا تۇتانۋ قاۋپٸنە بايلانىستى Fangchengbao Bao 5 گيبريدتٸ جول تالعامايتىن كٶلٸكتەرٸنٸڭ 6843 داناسىن, سونداي-اق رۋلدٸك باسقارۋ بلوگىنداعى اقاۋعا بايلانىستى Dolphin جەنە Yuan Plus ٷلگٸسٸندەگٸ شامامەن 97 مىڭ ەلەكتروموبيلدٸ كەرٸ شاقىرعان بولاتىن.
