بۇۇ جٷيەسٸندە قازاقستاننان 71 ۆولونتەر قىزمەت ەتەدٸ, ونىڭ ٸشٸندە 42 ەيەل بار. بۇل تۋرالى قر اقپارات جەنە قوعامدىق دامۋ مينيسترلٸگٸ ازاماتتىق قوعام ٸستەرٸ كوميتەتٸنٸڭ تٶراعاسى مادييار قوجاحمەت ايتتى, دەپ حابارلايدى قازاقپارات.
«حالىقارالىق ۆولونتەرلٸكتٸ دامىتۋ جۇمىستارى دا بەلسەندٸ جٷرگٸزٸلۋدە. بٷگٸندە بۇۇ جٷيەسٸندە قازاقستاننان 71 ۆولونتەر قىزمەت ەتەدٸ, ونىڭ ٸشٸندە 42 ەيەل بار جەنە قر اقپارات جەنە قوعامدىق دامۋ مينيسترلٸگٸ مەن بۇۇە اراسىنداعى ەرٸپتەستٸك تۋرالى كەلٸسٸم شەڭبەرٸندە 7 ۆولونتەر بۇۇ-نىڭ تٷرلٸ اگەنتتٸكتەرٸنە جٸبەرٸلگەن», - دەدٸ مادييار قوجاحمەت ورتالىق كوممۋنيكاتسييالار قىزمەتٸندە ٶتكەن باسپاسٶز مەسليحاتىندا.
سپيكەردٸڭ ايتۋىنشا, قازاقستان مەن رەسەيدٸڭ ۆولونتەرلٸك ۇيىمدارى كٶشباسشىلارىنىڭ قاتىسۋىمەن ۆولونتەرلٸك كەڭەس جۇمىس ٸستەيدٸ, بٷگٸن دە وسى كەڭەستٸڭ وتىرىسى ٶتەدٸ.
«ٶتكەن جىلى مەملەكەت باسشىسى ق.توقاەۆ بۇۇ باس اسسامبلەياسىنىڭ 75-شٸ سەسسيياسىندا الداعى جىلداردىڭ بٸرٸن ۆولونتەرلەردٸ جۇمىلدىرۋدىڭ حالىقارالىق جىلى دەپ جارييالاۋ باستاماسىن كٶتەردٸ. بٷگٸنگٸ تاڭدا جاۋاپتى مينيسترلٸكتەر مەن بۇۇ ونى ٸلگەرٸلەتۋ بويىنشا جۇمىس جٷرگٸزۋدە. اتاپ ايتقاندا, دامۋ ماقساتىندا ەرٸكتٸلەردٸ جۇمىلدىرۋدىڭ حالىقارالىق جىلىن جارييالاۋ تۋرالى بۇۇ-نىڭ تيٸستٸ قارارىن قابىلداۋ مەسەلەسٸ قاراستىرىلۋدا.
سونىمەن قاتار, مەملەكەت باسشىسىنىڭ تاپسىرماسىمەن بيىل الداعى ورتا مەرزٸمدٸ كەزەڭگە ارنالعان جەنە تۇجىرىمدامالىق قادامداردى كٶزدەيتٸن ۆولونتەرلٸكتٸ دامىتۋدىڭ 2021 - 2023 جىلدارعا ارنالعان جول كارتاسى ەزٸرلەندٸ. قازٸر جوبانى قر ٷكٸمەتٸنٸڭ قاۋلىسىمەن قابىلداۋ كٷتٸلۋدە», - دەيدٸ م. قوجاحمەت.
