ۋكرايناداعى سوعىستا ٶلگەن بەيبٸت ادام سانى سەگٸز مىڭنان اسقان. بۇل اقپارات بٸرٸككەن ۇلتتار ۇيىمىنىڭ ادام قۇقىعى جٶنٸندەگٸ جوعارعى كوميسسارى باسقارماسىنىڭ اقپانداعى بايانداماسىندا ايتىلعان. مۇنى "بي-بي-سيدٸڭ" ورىس قىزمەتٸ حابارلادى.
"21 580 ادام ەرتٷرلٸ جاعدايدا حابار-وشارسىز كەتكەن, ونىڭ 8101-ٸ ٶلگەن. ٶلگەندەردٸڭ ٸشٸندە 2127 ەيەل مەن 488 بالا بار" دەپ جازىلعان باياندامادا.
"كٶپشٸلٸگٸ ەۋە سوققىلارى كەزٸندە, ٷلكەن اۋماققا جايىلاتىن جارىلعىش زاتتاردان, اۋىر ارتيللەرييامەن اتقىلاۋدان, دٷركٸندەتٸپ اتاتىن, جاپپاي قىرىپ-جوياتىن رەاكتيۆ جٷيە زىمىراندارى تٷسكەننەن قازا تاپقان" دەپ حابارلايدى "بي-بي-سي".
بۇۇ ادام قۇقىعى جٶنٸندەگٸ جوعارى كوميسسارى باسقارماسى ۋكرايناداعى بەيبٸت ادامدار احۋالى تۋرالى ايىنا بٸر رەت بايانداما جاسايدى. ونىڭ ەربٸرٸندە سٶز "ٶلگەنٸ ناقتى قۇجاتقا تٷسكەن ادامدار تۋرالى" ەكەنٸ ايتىلادى. بەيبٸت ادامدار اراسىندا ٶلگەندەر بۇدان ەلدەقايدا كٶپ بولۋى مٷمكٸن. ٶيتكەنٸ تولاسسىز ۇرىس جٷرٸپ جاتقان ەلدٸ مەكەندەردەن (ماريۋپول, سەۆەرودونەتسك, ليسيچانسك, سولەدار جەنە باحمۋت) تولىق اقپارات الۋ مٷمكٸن ەمەس.
ۋكرايناداعى سوعىستا رەسەي ەسكەريلەرٸ بەيبٸت ادامداردى جاپپاي ٶلتٸرگەنٸ بٸرنەشە رەت انىقتالعان. 2022 جىلعى ناۋرىزدا ۋكرينا ەسكەرٸ ازات ەتكەن بۋچا جەنە يرپەن قالالارىندا 700-دەن استام بەيبٸت ادامنىڭ مەيٸتٸ تابىلعان. سول ايدا رەسەي ماريۋپول دراما تەاترىن بومبالاپ, سوندا پانالاپ وتىرعان 300-دەن استام ادام ٶلگەن. رەسەي كراماتورسك ۆوكزالىن زىمىرانمەن اتقاندا, 50 ادام, چاسوۆ يار قالاسىنداعى كٶپقاباتتى ٷيدٸ اتقىلاعاندا, 48 ادام, دنەپردەگٸ تۇرعىن ٷيدٸ اتقىلاعاندا, 40-تان استام ادام ٶلگەن.
