"تاليبان" قوزعالىسى بيلٸككە كەلگەننەن كەيٸنگٸ ساياسي داعدارىس سالدارىنان اۋعانستان حالقىنىڭ جارتىسىنا جۋىعىنا اشتىق قاۋپٸ تٶنٸپ تۇر. بۇل تۋرالى Reuters اگەنتتٸگٸنە ايتقان بۇۇ ازىق-تٷلٸك باعدارلاماسىنىڭ ديرەكتورى دەۆيد بيزلي "14 ملن ادام" دەپ ناقتى تسيفردى اتادى, دەپ جازادى ازاتتىق.
بيزليدٸڭ سٶزٸنە قاراعاندا, بٸرنەشە جىل قاتارىنان بولعان قۋاڭشىلىق, كونفليكت پەن كوروناۆيرۋس ٸندەتٸ جەنە ەكونوميكاداعى داعدارىستان كەيٸن اۋعانستاندى "اۋىر اپات" كٷتٸپ تۇر. گۋمانيتارلىق اپاتتىڭ الدىن الۋ ٷشٸن بٸرٸككەن ۇلتتار ۇيىمىنا قىركٷيەككە قاراي كەمٸ 200 ميلليون دوللار كەرەك. وعان دەيٸن حالىقتىڭ ازىق-تٷلٸگٸ تاۋسىلىپ, گۋمانيتارلىق كٶمەككە مۇقتاج اۋعاندار ەكٸ ەسە كٶبەيەدٸ.
بۇۇ اۋعانستانعا قاجەتتٸ كٶمەكتٸ اقش, كاتار جەنە پارسى شىعاناعى ەلدەرٸ بٶلە مە دەپ ٷمٸتتەنەدٸ. تەلٸپتەر بۇۇ كٶمەگٸ مۇقتاج ادامداردىڭ قولىنا جەتەتٸنٸنە كەپٸلدٸك بەرٸپ وتىر دەيدٸ بيزلي.
ساراپشىلاردىڭ باعالاۋىنشا, اۋعانستاندا 36 ميلليون ادام ٶمٸر سٷرەدٸ.
2020 جىلدىڭ قاراشاسىندا شەتەل تٶرت جىل ٸشٸندە اۋعانستانعا 12 ميلليارد دوللار گۋمانيتارلىق كٶمەك بەرۋدٸ ۇيعارعان ەدٸ. بٸراق كٶپ مەملەكەت بۇل كٶمەكتٸڭ اۋعانستان بيلٸگٸ ادام قۇقىعىن قالاي قورعاعانىنا قاراي بەرەتٸنٸن العا تارتقان.
بۇۇ تەلٸپتەر بيلٸككە كەلگەن سوڭ ادام قۇقىعىن بۇزىپ جاتقانىن سەنٸمدٸ دەرەككٶزدەردەن بٸلٸپ وتىرعانىن حابارلاعان. بۇل حابارعا قاراعاندا, اۋعانستاننىڭ بۇرىنعى بيلٸگٸنٸڭ قاۋٸپسٸزدٸك كٷشتەرٸندە قىزمەت ەتكەندەر مەن قاراپايىم اۋعان ازاماتتارىنىڭ ٶلتٸرٸلگەنٸ جايلى مەلٸمەتتەر بار. "تاليبان" مۇنداي قاتىگەزدٸك تۋرالى كەز-كەلگەن حاباردى زەرتتەپ, كٸنەلٸنٸ جاۋاپقا تارتاتىنىن مەلٸمدەگەن.
شاريعات زاڭىن ۇستاناتىن "تاليبان" قوزعالىسى 15 تامىزدا كابۋلدى العان سوڭ اۋعانستانعا تولىق باقىلاۋ ورناتقانىن جارييالاعان. سونان بەرٸ ەيەلدەر مەن قىزدارعا كٶبٸرەك قۇقىق بەرەتٸنٸنە, زورلىق-زومبىلىق كٶرسەتپەيتٸنٸنە, سٶز ەركٸندٸگٸنە دە ايرىقشا تىيىم سالمايتىنىنا حالىقارالىق قاۋىمدىستىقتى سەندٸرۋگە تىرىسىپ كەلەدٸ.
