فرانتسييا باتىستىڭ باسقا بٸرقاتار مەملەكەتٸمەن بٸرگە بۇۇ-نىڭ نەسٸلشٸلدٸككە قارسى كونفەرەنتسيياسىنا جيىننىڭ "ٶتكەن تاريحىندا (بٸرقاتار) انتيسەميتتٸك مەلٸمدەمەلەر ايتىلۋىنا" بايلانىستى بويكوت جارييالادى.
فرانتسييا پرەزيدەنتٸ ەممانۋەل ماكروننىڭ كەڭسەسٸ 13 تامىزدا بۇۇ-نىڭ نەسٸلشٸلدٸككە قارسى كونفەرەنتسيياسىنىڭ كەلەسٸ وتىرىسىنا قاتىسپايتىنىن حابارلادى. بۇعان دەيٸن, 2001 جىلى وڭتٷستٸك افريكا قالاسىندا ٶتكەن بۇل شارا سونىڭ اتىمەن – دۋربان كونفەرەنتسيياسى دەپ اتالادى. ونىڭ قورىتىندىسىندا دۋربان دەكلاراتسيياسى مەن نەسٸلشٸلدٸككە قارسى ەرەكەت باعدارلاماسى قابىلدانعان.
دۋربان كونفەرەنتسيياسىنىڭ 20 جىلدىق مەرەيتويىنا وراي كەلەسٸ ايدا نيۋ-يوركتە جيىن ٶتكٸزٸلمەكشٸ. وسى شارادا تاعى دا انتيسەميتتٸك بەلسەندٸلٸك بوي كٶرسەتە مە دەپ الاڭداعان اقش, ۇلىبريتانييا, اۆسترالييا, يزرايل جەنە باسقا دا ەۋروپانىڭ بٸرقاتار ەلٸ بيىلعى كەزدەسۋگە بويكوت جارييالايتىنىن مەلٸمدەگەن.
دۋربان كونفەرەنتسيياسى يزرايل مەن پالەستيناعا قاتىستى تٷرلٸ تاراپتاردىڭ داۋ-دامايىنا, سونىمەن بٸرگە قۇلدىقتىڭ قازٸرگٸ مۇراسى جايلى پٸكٸر قاقتىعىسىنا تولى بولدى. (دۋرباندا 20 جىل بۇرىنعى جيىندا) اقش, كانادا جەنە يزرايل دەلەگاتسييالارى يزرايلدٸ سىناعان جەنە سيونيزمدٸ نەسٸلشٸلدٸككە ۇقساتقان رەزوليۋتسييا جوباسىن تالقىلاۋ بارىسىندا جيىننان شىعىپ كەتكەن بولاتىن. بٸراق اتالعان سىناۋ مەن تەڭەۋدٸ قامتيتىن مەتٸن جوباسىنىڭ تۇستارى كونفەرەنتسييانىڭ قورىتىندى قۇجاتتارى مازمۇنىنان الىنىپ تاستالىپ, ونىڭ مازمۇنى نەسٸلشٸلدٸكتٸ, نەسٸلٸنە بولۋ كەمسٸتۋدٸ, كسەنوفوبييا مەن (بٶتەن پٸكٸرٸنە) تٶزٸمسٸزدٸكتٸ ايىپتايتىن جەنە وندايدى تٷبٸرٸمەن جويۋعا شاقىراتىن فورمادا قابىلدانعان ەدٸ.
