بۇۇ بالالار قۇقىعى جٶنٸندەگٸ كوميتەتٸنٸڭ ەسەبٸنشە, ميانمادا اقپاندا بولعان ەسكەري تٶڭكەرٸستەن بەرٸ 76 بالا قازا بولىپ, مىڭعا جۋىعى قامالعان. بۇل تۋرالى كوميتەت 16 شٸلدەدە حابارلادى.
"ميانمادا بالالار ەسكەري تٶڭكەرٸستٸڭ كەسٸرٸنەن ٶمٸرلەرٸن جوعالتىپ جاتىر. بالالارعا كٷش قولدانعان. ولار قاڭعىعان وقتىڭ قۇربانى بولدى" دەدٸ كوميتەت ٶكٸلٸ ميكيكو وتاني.
1 اقپاندا ميانما ەسكەريلەرٸ تٶڭكەرٸس جاساپ, ەلدٸڭ ليدەرٸ اۋن سان سۋ چجيدٸ, پرەزيدەنت ۆين مينتتٸ جەنە بيلٸكتەگٸ دەموكراتيياشىلداردىڭ ۇلتتىق ليگاسى پارتيياسىنىڭ بٸرنەشە بەلدٸ مٷشەسٸن قاماۋعا العان.
تٶڭكەرٸستەن بەرٸ ەلدٸڭ تٷكپٸر-تٷكپٸرٸندە ەسكەري ٷكٸمەتكە قارسى نارازىلىق بولىپ جاتىر. كٶتەرٸلٸستٸ باسىپ-جانشۋ كەزٸندە كەمٸندە مىڭ ادام قازا تاپتى, 2600-گە جۋىق ادام تۇتقىندالدى.
سۋ چجيگە ٶمٸر بويى لاۋازىمدى قىزمەتپەن اينالىسۋعا تىيىم سالۋدى قاراستىراتىن بٸرقاتار قىلمىستىق ايىپتار تاعىلعان.
