دٷنيەجٷزٸلٸك ازىق-تٷلٸك باعدارلاماسىنىڭ مەلٸمەتٸنشە, ماداگاسكاردىڭ وڭتٷستٸگٸندە ميلليوننان استام ادام كليماتتىڭ جاھاندىق ٶزگەرۋٸنەن تۋىنداعان ەلەم تاريحىنداعى العاشقى اشتىق جاعدايىندا تٸرٸ قالۋ ٷشٸن جانتالاسىپ جاتىر. بۇل جايىندا بۇۇ-نىڭ جاڭالىقتار ورتالىعى مەلٸم ەتتٸ, دەپ حابارلايدى قازاقپارات.
ماداگاسكار - كٶلەمٸ جاعىنان ەلەمدەگٸ تٶرتٸنشٸ ارال سانالادى جەنە عالامنىڭ باسقا ەش جەرٸندە كەزدەسپەيتٸن ٶسٸمدٸكتەرٸ مەن جان-جانۋارلارى بار بٸرەگەي ەكوجٷيەگە يە. ارالدا ەدەتتە قۇرعاقشىلىق مامىردان باستاپ قازان ايىنا دەيٸن سوزىلادى. ال قاراشادا جاۋىن-شاشىن باستالاتىن. بٸراق, كليماتتىڭ جاھاندىق ٶزگەرۋٸ جەرگٸلٸكتٸ تۇرعىنداردىڭ داعدىلانعان تسيكلٸن تولىقتاي بۇزدى.
«ەرينە, جاۋىن-شاشىن ايتارلىقتاي ازايدى. جاڭبىر باستالعاندا جەرگٸلٸكتٸ تۇرعىنداردىڭ ٷمٸتٸ ويانادى. بٸراق, ارتىنان ول قىسقا عانا جاۋىن بولىپ شىعىپ, ارتى قايتادان قۇرعاقشىلىققا ۇلاسادى. وسىلاي جىلدان جىلعا قايتالانىپ كەلەدٸ. سوندىقتان ادامداردىڭ ازىق-تٷلٸك قورىن تولىقتىرۋعا ەشتەڭەسٸ جوق», - دەدٸ دٷنيەجٷزٸلٸك ازىق-تٷلٸك باعدارلاماسىنىڭ ٶكٸلٸ ەليس راحمۋن.
ەليس راحمۋن تاياۋدا ماداگاسكاردىڭ وڭتٷستٸگٸندە بولعان. بۇل ٶڭٸردەگٸ جٷزدەگەن مىڭ جەرگٸلٸكتٸ تۇرعىنعا بۇۇ مەن ونىڭ سەرٸكتەستەرٸ كٶمەك كٶرسەتٸپ جاتىر.
«كەيبٸر ٶڭٸرلەرٸندە تۇرعىندار ەلٸ دە بولسا ەگٸنشٸلٸكپەن اينالىسا الادى. بٸراق جاعداي جىلدان جىلعا قيىنداپ بارادى. ال كەيبٸر ٶڭٸرٸندە مٷلدەم ەشتەڭە ٶسپەيدٸ. سوندىقتان ادامدار شەگٸرتكە, جەمٸس-جيدەك جەنە كاكتۋس جاپىراعىمەن كٷنەلتۋگە مەجبٷر. كاكتۋس جاپىراعى بۇرىنىراقتا ٸرٸ قارا مال ازىعى رەتٸندە عانا پايدالانىلاتىن. ادامدار ونى ەش ۋاقىتتا جەگەن ەمەس», - دەدٸ ول.
ونىڭ اتاپ ٶتۋٸنشە, ارال تۇرعىندارىنا كٶمەك كٶرسەتٸلمەسە, وندا تاياۋ جىلداردا اشتىققا ۇشىراعاندار سانى گەومەترييالىق پروگرەسپەن ارتا تٷسەدٸ. سوندىقتان دٷنيەجٷزٸلٸك ازىق-تٷلٸك باعدارلاماسى كەلەر جىلدىڭ سەۋٸرٸنە دەيٸن ماداگاسكاردىڭ ميلليون تۇرعىنىنا قولداۋ كٶرسەتپەك. سول ٷشٸن 70 ميلليون دوللار جيناۋعا كٸرٸسٸپ وتىر.
