«حاوس. تەرتٸپسٸزدٸك. بەلگٸسٸزدٸك. جەنە قورقىنىش». باس حاتشى انتونيۋ گۋتەرريش اۋعانستانداعى جاعدايدى بۇۇ قاۋٸپسٸزدٸك كەڭەسٸنٸڭ مٷشەلەرٸ الدىندا سٶيلەگەن سٶزٸندە وسىلاي سيپاتتادى. نيۋ-يورك ۋاقىتىمەن دٷيسەنبٸ كٷنٸ تاڭەرتەڭ قاۋٸپسٸزدٸك كەڭەسٸ اۋعانستانداعى وقيعاعا بايلانىستى شۇعىل وتىرىسقا جينالدى. بۇل تۋرالى بۇۇ جاڭالىقتار ورتالىعى حابارلادى.
اقپارات قۇرالدارىنىڭ حابارلاۋىنشا, جەكسەنبٸدە تەلٸپتەر كابۋلدى باسىپ الدى. اۋعانستان پرەزيدەنتٸ اشراف عاني مەن باسقا دا رەسمي ادامدار ەلدەن كەتتٸ. مىڭداعان ادامدار ٷيلەرٸ مەن مٷلٸكتەرٸن تاستاپ, اۋعانستاننان كەتٸپ جاتىر. ولار «تاليبان» باسىپ العان جەرلەرٸندە ورناتقان زورلىق -زومبىلىق پەن قاتاڭ تەرتٸپتەن قاشۋعا ەرەكەتتەنۋدە. «بۇل جەردە كٶپ نەرسە بار. پروگرەسس. ٷمٸت. تۇتاس بٸر ۇرپاق - اۋعاندىق جاس ەيەلدەر مەن قىزداردىڭ, ەرلەر مەن ۇلداردىڭ ارمانى», - دەدٸ بۇۇ باسشىسى ٶز سٶزٸندە.
«وسى قيىن سەتتە مەن بارلىق تاراپتاردى, ەسٸرەسە, «تاليباندى» بارىنشا ۇستامدى بولۋعا شاقىرامىن».
باس حاتشى بەيبٸت تۇرعىنداردى قورعاۋ, سونداي-اق گۋمانيتارلىق ۇيىمدارعا كٶمەككە مۇقتاج اۋعانستان حالقىنا كەدەرگٸسٸز قول جەتكٸزۋدٸ قامتاماسىز ەتۋ قاجەتتٸگٸنە باسا توقتالدى. بۇل جاعدايدا حالىقارالىق قاۋىمداستىق بٸرٸگٸپ, اۋعانستانداعى ادام قۇقىقتارىنىڭ, ەسٸرەسە ەيەلدەر مەن قىزداردىڭ قورعالۋىن قامتاماسىز ەتۋ ٷشٸن جەنە ەلدٸڭ تەرروريستٸك ۇيىمداردىڭ الاڭى مەن قورعانى رەتٸندە پايدالانىلۋىنا جول بەرمەۋ ٷشٸن قولدان كەلگەننٸڭ بەرٸن جاساۋى كەرەك.
«مەن قاۋٸپسٸزدٸك كەڭەسٸن, جالپى حالىقارالىق قاۋىمداستىقتى اۋعانستانداعى جاھاندىق تەرروريستٸك قاۋٸپ-قاتەردٸ باسۋ جەنە ادام قۇقىقتارىنىڭ ساقتالۋىن قامتاماسىز ەتۋ ٷشٸن بارلىق قۇرالداردى قولدانۋعا شاقىرامىن», - دەدٸ گۋتەرريش.
ونىڭ ايتۋىنشا, قازٸرگٸ ۋاقىتتا «تاليبان» باقىلاۋىنداعى اۋماقتاردا جٷرگەن بۇۇ قىزمەتكەرلەرٸنە قۇرمەتپەن قارايدى. «بٸز تەلٸپتەردٸ وسى ورايدا ديپلوماتييالىق ٶكٸلدەردٸڭ ٸسٸنە قول سۇقپاۋعا شاقىرامىز», - دەدٸ گۋتەرريش. ول بۇۇ اۋعاندىقتارعا قاجەتتٸ كٶمەك كٶرسەتۋدٸ جالعاستىراتىندىعىن ايتتى.
