مىسىردا سىبايلاس جەمقورلىقپەن كٷرەس جٶنٸندەگٸ دٷنيەجٷزٸلٸك كونفەرەنتسييا ٶتتٸ, دەپ حابارلايدى قازاقپارات بۇۇ-نىڭ جاڭالىقتار سايتىنا سٸلتەمە جاساپ.
جيىندا بۇۇ-نىڭ باس حاتشىسى انتونيۋ گۋتەرريش پەن بۇۇ-نىڭ ەسٸرتكٸ جەنە قالمىس جٶنٸندەگٸ باسقارماسىنىڭ اتقارۋشى ديرەكتورى گەدا ۆالي سىبايلاس جەمقورلىق ەلەمنٸڭ بارلىق ەلدەرٸندە بار ەكەننٸن ايتتى. ونىڭ سالدارىنان سالىق تٶلەۋشٸلەردٸڭ قالتاسىنان شىققان تريلليونداعان دوللار اۋرۋحانالار مەن مەكتەپتەرگە جەتپەي, جەمقورلاردىڭ قالتاسىندا قالادى.
«سىبايلاس جەمقورلىق قوعامدا كەڭ تارالعان بولسا, ادامداردىڭ كٶشباسشىلار مەن مەكەمەلەرگە دەگەن سەنٸمٸنەن ايىرادى. ول تەڭسٸزدٸكتٸ ۋشىقتىرىپ, ارسىزدىققا اپارادى, ەيەلدەر مەن قىزداردىڭ جاعدايىن ودان سايىن قيىنداتا تٷسەدٸ. اشكٶزدٸك بارلىعىنا زييان كەلتٸرەدٸ», - دەدٸ بۇۇ باسشىسى بەينەجولداۋىندا.
انتونيۋ گۋتەرريش سىبايلاس جەمقورلارمەن بٸرگە كٷرەسۋگە شاقىردى.
«ٷمٸتتٸ قايتا جاعىپ, ينستيتۋتتارعا دەگەن سەنٸمدٸ قالپىنا كەلتٸرەيٸك. قاۋٸپسٸز جەنە ەدٸل بولاشاق ٷشٸن ەرەكەت جاسايتىن ۋاقىت كەلدٸ», - دەدٸ ول.
ايتا كەتسەك, 2003 جىلى 31 قازاندا بۇۇ-نىڭ باس اسسامبلەياسى سىبايلاس جەمقورلىققا قارسى كونۆەنتسييانى قابىلداپ, ول 2005 جىلى 14 جەلتوقساندا كٷشٸنە ەندٸ. بۇۇ-نىڭ سىبايلاس جەمقورلىققا قارسى كونۆەنتسيياسىنا مٷشە ەلدەر كونفەرەنتسيياسىنىڭ توعىزىنشى سەسسيياسى 17 جەلتوقسانعا دەيٸن سوزىلماق. كونفەرەنتسييا اياسىندا سىبايلاس جەمقورلىقتىڭ تٷرلٸ اسپەكتٸلەرٸنە ارنالعان 75 شارا ٶتەدٸ.
