بۇۇ باس حاتشىسى انتونيو گۋتتەريش بٷگٸن, 26 سەۋٸردە مەسكەۋدە رەسەي سىرتقى ٸستەر مينيسترٸ سەرگەي لاۆروۆپەن كەزدەسۋدەن سوڭ ۋكراينادا گۋمانيتارلىق دەلٸز اشۋ بويىنشا كەلٸسسٶز جٷرگٸزەتٸن بايلانىس توبى قۇرىلاتىنىن مەلٸمدەدٸ. گۋتتەريشتٸڭ سٶزٸنشە, بۇل توپقا بۇۇ, ۋكراينا جەنە رەسەي ٶكٸلدەرٸ كٸرەدٸ, ال توپتىڭ جۇمىسىن بۇۇ ٶكٸلدەرٸ ٷيلەستٸرەدٸ, دەپ حابارلايدى ازاتتىق.
"گۋمانيتارلىق دەلٸزدەر قاۋٸپسٸز بولۋى تيٸس. بەيبٸت تۇرعىنداردى قاۋٸپتٸ ايماقتان قۇتقارۋ ٷشٸن بارلىق تاراپ گۋمانيتارلىق دەلٸز شارتىن ساقتاۋى كەرەك. قاقتىعىس ايماقتارىندا اشىلاتىن گۋمانيتارلىق دەلٸزدەر شىنىمەن قاۋٸپسٸز بولۋى ٷشٸن گۋمانيتارلىق سۇراقتار بويىنشا بايلانىس توبىن قۇرۋدى ۇسىندىم" دەدٸ ول.
بۇۇ باس حاتشىسى ەكٸ تاراپتى تاعى دا بەيبٸت كەلٸسسٶزدەرگە شاقىردى.
"مەنٸڭ باستى ماقساتىم – ادامداردىڭ ٶمٸرٸن جەنە ولاردى قيىندىقتان قۇتقارۋ. رەسەي سٸم باسشىسى لاۆروۆ مىرزامەن اشىق كەلٸسسٶز جٷرگٸزدٸك. رەسەيدٸڭ ۋكرايناعا باسىپ كٸرۋٸ بۇۇ قارارىن بۇزادى. بۇل سوعىس جىلدام اياقتالعانى ۋكراينا حالقىنا دا, رەسەي حالقىنا دا جەنە بٷكٸل ەلەمگە دە جاقسى. اتىستى توقتاتىپ, جاعدايدى بەيبٸت جولمەن شەشۋگە شاقىرامىز, بٸراق بۇل قازٸرگە مٷمكٸن بولماي تۇر. قازٸر دونباسستا سوعىس جالعاسىپ جاتىر, ەسكەريلەر مەن بەيبٸت تۇرعىندار اراسىندا قازا تاپقاندار بار. گۋمانيتارلىق قۇقىقتار بۇزىلدى دەگەن, ەسكەري قىلمىس جاسالۋى مٷمكٸن دەگەن حابارلارعا الاڭدايمىن" دەدٸ ول.
گۋتتەريش بريفينگتە "بٸر انىعى, رەسەي اۋماعىندا قازٸر ۋكراينا ەسكەرٸ جوق, بٸراق ۋكراينا اۋماعىندا رەسەي ەسكەرٸ جٷر" دەدٸ. ال رەسەي سٸم باسشىسى سەرگەي لاۆروۆ گۋتتەريشتٸڭ بۇل سٶزٸن "شىن" دەپ مويىندادى.
بۇۇ باس حاتشىسى جۋرناليستەردٸڭ "رەسەي ۋكراينادا سوعىس قىلمىسىن جاساپ جاتىر" دەگەن كٷدٸككە قاتىستى سۇراعىنا "مۇنى تەۋەلسٸز تەرگەۋشٸلەر تەكسەرۋٸ تيٸس" دەپ جاۋاپ بەردٸ.
گۋتەرريش بٷگٸن, 26 سەۋٸردە رەسەي پرەزيدەنتٸ ۆلاديمير پۋتين جەنە وسى ەلدٸڭ سىرتى ٸستەر مينيسترٸ لاۆروۆپەن كەزدەسۋ ٷشٸن مەسكەۋگە كەلگەن ەدٸ. وسى كەزدەسۋدەن سوڭ بۇۇ باس حاتشىسى ۋكرايناعا بارادى دەپ جوسپارلانعان.
