بٸرٸككەن ۇلتتار ۇيىمىنىڭ بوسقىندار جٶنٸندەگٸ اگەنتتٸگٸ (بۇۇ بجكب) اۋعانستانمەن كٶرشٸ ەلدەردٸ شەكارانى اشىق ۇستاۋعا شاقىرىپ وتىر. ٶيتكەنٸ اۋعانستاننىڭ ەدەۋٸر بٶلٸگٸن باسىپ العان "تاليبان" راديكالدى قوزعالىسى بەلسەندٸ ٸس-قيمىلىن ەرەكشە قارقىنمەن ٷدەتٸپ جاتىر.
"بٸز گۋمانيتارلىق اپات قارساڭىندا تۇرمىز. قاۋٸپسٸز باسپانانىڭ جوقتىعى سانسىز بەيبٸت تۇرعىننىڭ ٶمٸرٸنە قاۋٸپ تٶندٸرۋٸ مٷمكٸن. بۇۇ بجكب اۋعانستانمەن كٶرشٸ ەلدەر ٷكٸمەتتەرٸنە قاجەت بولعان جاعدايدا گۋمانيتارلىق شارا اۋقىمىن كەڭەيتۋگە كٶمەكتەسۋگە دايىن" دەپ مەلٸمدەدٸ بۇۇ بجكب ٶكٸلٸ شابييا مانتوو 13 تامىزدا جەنەۆادا ٶتكەن باسپاسٶز بريفينگٸندە.
بۇۇ ٶكٸلٸ بۇل مەلٸمدەمەسٸن اۋعانستاندا مىڭداعان ەر جەنە ەيەل مەن بالالار "تاليبان" قوزعالىسىنىڭ قارۋلى بەلسەندٸلٸگٸ ارتقان شاقتا باسساۋعالاپ جان-جاققا قاشىپ جاتقاندا جاسادى. سونىمەن بٸر مەزەتتە بۇۇ دٷنيەجٷزٸلٸك ازىق-تٷلٸك باعدارلاماسىنىڭ باسپاسٶز ٶكٸلٸ اۋعانستان حالقىنىڭ ٷشتەن بٸر بٶلٸگٸ ازىق-تٷلٸككە قولى جەتپەي قينالۋى مٷمكٸن ەكەنٸن ەسكەرتتٸ.
"ەكٸ ميلليون بالا شۇعىل كٶمەككە زەرۋ. بٸز بۇدان دا ٶتكەن, ەڭ سوراقى جايت ەلٸ الدا ما دەپ قورقامىز" دەدٸ اتالعان بۇۇ باعدارلاماسىنىڭ ٶكٸلٸ تومسون فيري.
فيري 2021 جىلدىڭ سوڭىنا دەيٸن ادامداردى اشتىقتان قۇتقارۋعا 200 ميلليون دوللار قاجەت بولاتىنىن ايتتى.
بۇۇ دەرەگٸ بويىنشا, جىل باسىنان بەرٸ شامامەن 390 مىڭ ادام قونىس اۋدارۋعا مەجبٷر بولعان. بٸراق ٸس جٷزٸندە ونداي ادامداردىڭ سانى بۇدان ەلدەقايدا كٶپ بولۋى مٷمكٸن.
13 تامىزدا حالىقارالىق جەتەكشٸ گۋمانيتارلىق كٶمەك بەرۋ ۇيىمدارىنىڭ بٸرٸ اۋعانستاندا الدا بولاتىن "ٷلكەن گۋمانيتارلىق داعدارىسقا ەزٸرلەنٸپ جاتقانىن" مەلٸمدەگەن.
