فوتو: Gov.kz
بۇرىنعى مەليوراتسييا جەنە سۋ شارۋاشىلىعى مينيسترٸ ناريمان قىپشاقباەۆ كٶكارال بٶگەتٸن 2 مەترگە كٶتەرۋدٸ ۇسىنىپ وتىر. سۋ شارۋاشىلىعى سالاسىنىڭ ارداگەرٸ سولتٷستٸك ارال تەڭٸزٸن ساقتاۋدىڭ ٶز نۇسقاسىن تانىستىردى. ونىڭ ايتۋىنشا, كٸشٸ ارالعا 30 ملرد تەكشە مەتردەن ارتىق سۋ جينالمايدى, دەپ حابارلايدى Ult.kz.
«كٸشٸ ارالعا 51 ملرد تەكشە مەتر سۋ جيناۋ مٷمكٸن ەمەس. سۋ مول كەلگەننٸڭ ٶزٸندە 30 ملرد-تان ارتىق جيناي المايمىز. سەبەبٸ, سىردارييانىڭ جالپى سۋ كٶلەمٸ 37 ملرد تەكشە مەتر. بٷگٸنگٸ تاڭدا ٶزەن بويىنداعى 4 مەملەكەتتٸڭ سۋعا دەگەن سۇرانىسى 3 ەسە ارتىپ كەتتٸ. 100 ملرد سۋ سۇراپ وتىر. حالىق سانى كٶبەيٸپ جاتىر, جاڭادان زاۋىت-فابريكالار سالىنۋدا, ەلدٸ مەكەندەر بوي كٶتەرۋدە. ودان ارتىق سۋ كەلەدٸ دەگەن بوس ەڭگٸمە»,- دەدٸ بۇرىنعى سۋ شارۋاشىلىعى مينيسترٸ ناريمان قىپشاقباەۆ.
سۋ سالاسىنىڭ ارداگەرٸ سىردارييا ٶزەنٸنٸڭ سۋ كٶلەمٸ تۇراقتى ەمەس ەكەنٸن دە ايتادى. تٸپتٸ 4-5 جىل قاتارىنان سۋى از جىلدار تسيكلٸ قايتالانىپ وتىرعان.
«مەن «كٸشٸ ارال» جوباسىن 1988 جىلى باستاعانمىن. 2006 جىلعا دەيٸن ارال تەڭٸزٸنەن بٸر دە بٸر شاباق اۋلانعان جوق. بالىقشىلاردىڭ بەرٸ جان-جاققا كٶشٸپ كەتتٸ. بٸز 12 شاقىرىم بٶگەتتٸ سالعالى تەڭٸزدٸڭ سۋ تۇششىلانىپ, قازٸر جىلىنا 8-10 توننا بالىق اۋلايتىن بولدى. ارال قالاسىندا 8 بالىق زاۋىتى سالىندى. ياعني, بٶگەت ٶزٸنٸڭ كەرەك ەكەنٸن دەلەلدەدٸ. ەندٸ تەك سول بٶگەتتٸ 2 مەترگە كٶتەرٸپ, بەرٸكتٸگٸن نىعايتۋ كەرەك»,- دەدٸ قازاقستاننىڭ ەڭبەك سٸڭٸرگەن گيدروتەحنيگٸ.
ەسكە سالساق, بٷگٸنگٸ تاڭدا سۋ رەسۋرستارى جەنە يرريگاتسييا مينيسترلٸگٸ سولتٷستٸك ارال تەڭٸزٸن ساقتاۋ جوباسىنىڭ بٸرنەشە نۇسقاسىن پىسىقتاۋدا. وسىعان قاتىستى ارال اۋدانىنىڭ تۇرعىندارىمەن قوعامدىق تالقىلاۋلار ٶتتٸ. جوبانى ٸسكە اسىرۋ سولتٷستٸك ارالدىڭ ساقتالۋىنا, سۋدىڭ تۇزدىلىعىنىڭ تٶمەندەۋٸنە جەنە تەڭٸز باسسەينٸندەگٸ ەكولوگييالىق جاعدايدىڭ جاقسارۋىنا ىقپال ەتەدٸ.
