فوتو: مۋحتور حولدوربەكوۆ/ Kazinform
دەرەككٶزدەردٸڭ حابارلاۋىنشا, جۋىردا بۇرىنعى ٸشكٸ ٸستەر مينيسترٸ ەرلان تۇرعىمباەۆ ۇستالدى, دەپ حابارلايدى «ۇلت اقپارات» Kazinform-عا سٸلتەمە جاساپ.
تۇرعىمباەۆ 2022 جىلعى قاڭتار وقيعاسى كەزٸندە قىزمەتتٸك ٶكٸلەتتٸگٸن اسىرا پايدالاندى دەگەن باپ نەگٸزٸندە قوزعالعان ٸس بويىنشا ۇستالدى.
شانحاي ىنتىماقتاستىق ۇيىمى ٶڭٸرلٸك تەرروريزمگە قارسى قۇرىلىمىنا اككرەديتاتسييالانعان سوڭ ول استاناعا كەلٸپ, قىلمىستىق ٸسكە قاتىسۋشى دەپ تانىلدى.
ايتا كەتەيٸك, ەرلان تۇرعىمباەۆ قر ٸشكٸ ٸستەر مينيسترلٸگٸن 2019 جىلدان باستاپ باسقارىپ كەلەدٸ. ول لاۋازىمىنان قاڭتار وقيعالارىنان سوڭ, 2022 جىلى بوساتىلعان بولاتىن. بۇدان سوڭ ول جارتى جىلداي پرەزيدەنتتٸڭ كەڭەسشٸسٸ, ال 2023 جىلى شىۇ ٶڭٸرلٸك تەرروريزمگە قارسى قۇرىلىمىنىڭ كەڭەسشٸسٸ قىزمەتٸنە تاعايىندالدى.
