فوتو: Gov.kz
بۋراباي اۋدانىنىڭ پروكۋراتۋراسى بۋراباي كەنتٸندەگٸ سەكەن سەيفۋللين اتىنداعى ورتا مەكتەپتە تاماقتاندىرۋدى ۇيىمداستىرۋ بارىسىندا ەلەۋلٸ زاڭبۇزۋشىلىقتاردى انىقتادى, دەپ حابارلايدى Ult.kz.
تەكسەرۋ نەتيجەسٸندە كەمەلەتكە تولماعانداردىڭ ٶمٸرٸ مەن دەنساۋلىعىنا قاۋٸپ تٶندٸرەتٸن بٸرقاتار فاكتٸلەر بەلگٸلٸ بولدى.
پروكۋراتۋرا مەلٸمەتٸنشە, كونكۋرس جەڭٸمپازى دەپ تانىلعان جەتكٸزۋشٸ كونكۋرسقا قاتىسۋ كەزٸندە ٶزٸنٸڭ بٸلٸكتٸلٸگٸ تۋرالى جالعان مەلٸمەتتەر ۇسىنىپ, ناقتىسىندا جۇمىس ٸستەمەيتٸن قىزمەتكەرلەردٸ — اسپازدار مەن داياشىلاردى كٶرسەتكەن.
كونكۋرستى جەڭٸپ العاننان كەيٸن جەتكٸزۋشٸ مەكتەپتەگٸ تاماقتاندىرۋ قىزمەتٸن ٸس جٷزٸندە كٶرسەتپەي, ٶز مٸندەتتەمەلەرٸن تيٸستٸ ٶكٸلەتتٸگٸ مەن رۇقسات قۇجاتتارى جوق ٷشٸنشٸ تۇلعاعا زاڭسىز تٷردە بەرگەن. ال بۇل تۇلعا جۇمىستاردى ورىنداۋعا الكوگولدٸ شامادان تىس تۇتىناتىن, سونداي-اق وسى سەبەپتەرمەن بۇرىن اتا-انالىق قۇقىقتارىنان ايىرىلعان ادامداردى تارتقان.
سونىمەن قاتار مەكتەپ ەكٸمشٸلٸگٸ جەتكٸزۋشٸنٸڭ بٸلٸكتٸلٸك تالاپتارىنا سەيكەستٸگٸن تيٸستٸ دەڭگەيدە تەكسەرمەي, ونى مەكتەپتەگٸ تاماقتانۋدى ۇيىمداستىرۋعا جول بەرگەن. بۇل جاعداي وقۋشىلاردىڭ ٶمٸرٸ مەن دەنساۋلىعىنا ەلەۋەتتٸ قاۋٸپ تٶندٸرگەنٸ اتاپ ٶتٸلدٸ.
پروكۋراتۋرانىڭ ۇسىنۋى نەگٸزٸندە جەتكٸزۋشٸمەن جاسالعان شارت بۇزىلىپ, ونى مەملەكەتتٸك ساتىپ الۋدىڭ جوسىقسىز قاتىسۋشىسى دەپ تانۋ تۋرالى سوتقا تالاپ ارىز بەرٸلدٸ. سونداي-اق مەكتەپ ديرەكتورى اتقارىپ وتىرعان قىزمەتٸنەن بوساتىلىپ, كونكۋرس كوميسسيياسىنىڭ مٷشەلەرٸ مەن اۋداندىق بٸلٸم بٶلٸمٸنٸڭ قىزمەتكەرٸ تەرتٸپتٸك جاۋاپكەرشٸلٸككە تارتىلدى.
