بۋرابايدا 19 جاستاعى استانالىق تاۋدان قۇلاپ, اياعىن سىندىرىپ الدى, دەپ حابارلايدى قازاقپارات.
اقمولا وبلىستىق تجد باسپاسٶز قىزمەتٸنٸڭ مەلٸمەتٸنشە, كەلەڭسٸز جاعداي بٷگٸن ساعات 16:47 شاماسىندا «تۋفەلكا» تاۋىندا بولعان.
«تاۋعا كٶتٸرلمەكشٸ بولعان نۇر-سۇلتان قالاسىنىڭ 19 جاستاعى تۇرعىنى 20 مەتر بيٸكتٸكتەن قۇلاپ كەتتٸ. سالدارىنان جٸگٸتتٸڭ اياعى سىنىپ, تٷرلٸ دەنە جاراقاتىن الدى. وعان قۇتقارۋ بەكەتٸ باسشىسىنىڭ مٸندەتٸن اتقارۋشى ماكسيم پونومارەۆ باستاعان قۇتقارۋشىلار – الەكساندر پوپوۆ, ەلٸبەك ايتجانوۆ, ەۆگەنيي لياحوۆ كٶمەككە كەلدٸ. قۇتقارۋشىلار زارداپ شەككەندٸ زەمبٸل ارقىلى تاۋ ەتەگٸندە تۇرعان جەدەل جەردەم كٶلٸگٸنە جەتكٸزدٸ», - ۆەدومستۆودان.
وسى رەتتە, تجد قىزمەتكەرلەرٸ دەمالۋشىلارعا تاۋداعى قاۋٸپسٸزدٸك شارالارىن ساقتاۋ قاجەتتٸگٸن ەسكەرتەدٸ.
