جاپپاي تەرتٸپسٸزدٸكتەر كەزٸندە بانكوماتتاردان جارتى ميلليارد تەڭگە ۇرلاندى. ال بانكتەرگە كەلگەن جالپى شىعىننىڭ كٶلەمٸ ورتاشا ەسەپپەن 4 ميلليارد تەڭگەگە جەتتٸ, دەپ حابارلادى Sputnik قازاقستان اگەنتتٸگٸ كتك ارناسىنا سٸلتەمە جاساپ.
الماتىداعى تەرتٸپسٸزدٸكتەر كەزٸندە تونالعان بانكتەر مەن ميكروقارجى ۇيىمدارى شىعىن كٶلەمٸن ەلٸ ەسەپتەپ بٸتكەن جوق. ٶيتكەنٸ كەيبٸر بانكتەر تەرگەۋگە بايلانىستى بٷلٸنگەن بٶلٸمشەلەرگە كٸرە الماي جٷر.
قارجى نارىعىن رەتتەۋ جەنە دامىتۋ اگەنتتٸگٸ ەزٸرگە بانكتەرگە كەلتٸرٸلگەن شىعىنداردىڭ الدىن الا سوماسىن جارييالادى.
اگەنتتٸكتٸڭ باسقارما باستىعى دەۋرەن نىسانباەۆتىڭ ايتۋىنشا, بانكوماتتار مەن بانك بٶلٸمشەلەرٸنٸڭ باسىم بٶلٸگٸ الماتىدا تونالدى.
"بانكوماتتاردان ۇرلانعان جارتى ميلليارد تەڭگەدەن بٶلەك بۇزىلعان بانكوماتتاردىڭ شىعىنى 1,6 ميلليارد تەڭگەگە باعالانادى. سونداي-اق 871 ميلليون تەڭگە تۇراتىن تەحنيكا جويىلدى. بانك كەڭسەلەرٸ دە قيراتىلدى. ونىڭ شىعىنى - 757 ميلليون تەڭگە. بۇل سوما ەلٸ دە ٶزگەرۋٸ مٷمكٸن. زالالدىڭ تولىق قۇنىن تەرگەۋ اياقتالعاندا جارييالايمىز", - دەيدٸ نىسانباەۆ.
بۇدان بٶلەك, ميكروقارجى ۇيىمدارى دا زارداپ شەكتٸ. ولارعا كەلگەن شىعىننىڭ كٶلەمٸ شامامەن 653 ميلليون تەڭگەنٸ قۇرايدى.
جاپپاي تەرتٸپسٸزدٸكتەر كەزٸندە بۇزاقىلار كٶشە بويىندا جەنە بانك بٶلٸمشەسٸنٸڭ ٸشٸندە تۇرعان بانكوماتتاردى سىندىرىپ جارتى ميلليارد تەڭگەنٸ قولدى قىلعان. الماتىداعى فيليالدارعا 384 ميلليون تەڭگە, الماتى وبلىسىندا 140 ميلليون تەڭگەگە جەنە قوستاناي وبلىسىندا 101 ميلليون تەڭگەنٸڭ مٷلكٸ قيراعان.
ساراپشىلاردىڭ ايتۋىنشا, بانكوماتتان اقشا ۇرلاعانداردى تابۋعا بولادى. سەبەبٸ ەربٸر بانكنوتتىڭ سەرييالىق نٶمٸرٸ بار.
"ەربٸر قاعاز اقشانىڭ نٶمٸرٸ بار. سول بويىنشا ٸزدەپ تابۋعا بولادى. بٸراق دەل قازٸر وسى جۇمىسپەن ەشكٸم اينالىسپايدى دەپ ويلايمىن. بانكتەر دە بانكوماتقا سالىناتىن اقشانىڭ نٶمٸرٸن جازىپ وتىرمايتىن سيياقتى. وعان كٶپ كٷش كەتەدٸ. بۇل جەردە اۋديو-ۆيدەو باقىلاۋ قۇرالدارى ارقىلى ٸزدەيتٸن شىعار", - دەيدٸ ەكونوميست ارمان بەيسەمباەۆ.
