مەجٸلٸسمەن قازىبەك يسا ٷكٸمەتكە دەپۋتاتتىق ساۋال جولداپ, الماتىداعى "جىن-ويناقتى" توقتاتۋدى تالاپ ەتتٸ, دەپ حابارلايدى Sputnik قازاقستان.
"عىلىم اكادەميياسىنىڭ عيماراتى – قازاق عىلىمى مەن رۋحانيياتىنىڭ سيمۆولى, قاسيەتتٸ وردا. وسى عيماراتتىڭ تٸل بٸلٸمٸ جاعىنداعى اۋماقتى جەرتٶلە ۇلتتىق نامىسىمىزعا تيەتٸن, قازاق عىلىمىنىڭ كيەلٸ ورنىن بىلعايتىن, ۇلت ۇستازى احمەت بايتۇرسىنۇلىنىڭ اسىل رۋحىن اياققا تاپتاپ, ەرۋاعىن شۋلاتاتىن "ماركا" گەي-كلۋبى مەن "بارۆيحا" تٷنگٸ كلۋبىنا اينالعان. تويىپ سەكٸرگەندەر مەن بٸر جىنىستىلاردىڭ جىن-ويناعى كيەلٸ ورىندى لاستاپ جاتىر. كەزٸندە قۇرمانعازى مەن پۋشكيندٸ سٷيٸستٸرٸپ قويعان بيلبورد وسى ٷڭگٸردەن شىققان", - دەدٸ يسا مەجٸلٸستٸڭ جالپى وتىرىسىندا.
دەپۋتاتتىڭ ايتۋىنشا, قازاق ٷشٸن كٷرەسكەن قاسيەتتٸ تۇلعا, ۇلتتىڭ ۇلى ۇستازى احمەت بايتۇرسىنۇلىنىڭ اتىنداعى تٸل بٸلٸمٸ ورداسىنىڭ استىندا "جىن ورداسىنىڭ ويناق سالۋى" ەلدٸڭ ۇعىمىنا سىيمايدى.
"بۇل جىن-ويناقتى شۇعىل توقتاتاتىن ۋاقىت جەتتٸ!", - دەپ اتاپ كٶرسەتتٸ يسا.
وسى ورايدا دەپۋتات كەلەسٸ جىلى ۇلت ۇستازى احمەت بايتۇرسىنۇلىنىڭ 150 جىلدىعى يۋنەسكو اياسىندا اتالىپ ٶتەتٸنٸن ەسكە سالدى. وسىعان بايلانىستى ٷكٸمەت جانىنان كوميسسييا قۇرىلىپ, جۇمىس جوسپارى جاسالدى. دەگەنمەن, ۇلت ۇستازىن ۇلىقتاۋعا ارنالعان شارالار بارشىلىق.
"قوستاناي وبلىسى جانگەلدين اۋدانىنىڭ ورتالىعىنان 100 شاقىرىم جەردەگٸ جٷزدەي وتباسى بار احاڭنىڭ تۋعان اۋىلىنا عالىمنىڭ اتىن بەردٸك دەيدٸ. اۋىل تٷگٸلٸ وبلىس بەرسە دە, لايىقتى ۇلت ۇستازىنىڭ اتىن الىس شالعايداعى جولسىز اۋىلمەن عانا شەكتەپ قويۋعا بولمايدى. الاش كٶسەمدەرٸ احمەت پەن مٸرجاقىپتىڭ تۋعان اۋىلدارىنىڭ اتى ەلٸ كٷنگە دەيٸن قىزىل بولشەۆيك, كەزٸندە ۇلتى مەن دٸنٸن ساتىپ, نيكولاي ستەپنوۆ بولعان جانگەلديننٸڭ اتىندا بولۋى ەلگە دە, ەرگە دە, ەڭ الدىمەن, ەرۋاققا قييانات. بۇل اۋداننىڭ اتى 150 جىلدىعىن ەلەم اتاپ ٶتكەلٸ وتىرعان احمەت بايتۇرسىنۇلىنىڭ اتىندا بولۋى كەرەك. بۇل تاريحي ەدٸلەتتٸلٸك بولار ەدٸ", - دەدٸ يسا.
دەپۋتاتتىڭ ايتۋىنشا, اۋىل تۇرعىندارى اۋداننىڭ اتىن اۋىستىرۋ تۋرالى اشىق حاتتى مەملەكەت باسشىسىنا دا جولداعان. ال وبلىس باسشىسى الاش كٶسەمٸنٸڭ تۋعان جەرٸنە اياق اتتاپ باسپاعان.
"تەۋەلسٸزدٸك رۋحىندا تەربيەلەنگەن كەز كەلگەن ەكٸم قوستاناي ٶڭٸرٸنە بارعاندا ەڭ الدىمەن الاش كٶسەمدەرٸنٸڭ تۋعان جەرٸنە بارىپ, ۇلتتىڭ ۇلى تۇلعالارىنا تاعزىم ەتۋگە تيٸس. ال ەكٸم ارحيمەد مۇحامبەتوۆتىڭ التى جىلدان استام ۋاقىتتا ول جاققا اتتاپ باسپاعانىن ەل شۋلاپ جازۋدا, ياعني, احاڭنىڭ تۋعان جەرٸندە تويدىڭ ويداعىداي ٶتۋٸ دە كٷمەندٸ. الاش كٶسەمٸنٸڭ اۋىلىنا باراتىن جول دا جوق", - دەيدٸ يسا.
"اقجول" فراكتسيياسى ٶكٸلدەرٸ ٷكٸمەتكە بٸرنەشە ۇسىنىس جولدادى.
ولار:
- احمەت بايتۇرسىنۇلىنىڭ تۋعان جەرٸندە مەموريالدى كەشەن سالۋ;
- بايتۇرسىن بابانىڭ قاراۋسىز قالعان قابٸرٸ مەن قورىمىن قالپىنا كەلتٸرۋ;
- قوستاناي قالاسىنداعى ەۋەجايعا احمەت بايتۇرسىنۇلىنىڭ اتىن بەرۋ;
- الماتىداعى احمەت بايتۇرسىنۇلى مۋزەيٸنە ۇلتتىق ستاتۋس بەرٸپ, مەملەكەت قامقورلىعىنا الۋ;
- احمەت بايتۇرسىنۇلى اتىنداعى تٸل بٸلٸمٸ ينستيتۋتىنا ايرىقشا ستاتۋس بەرۋ جەنە قارجىلىق قولداۋ جاساۋ;
- 2022 جىلدى مەملەكەتتٸك تٸل جىلى دەپ جارييالاۋ.
