Májilismen Qazybek Isa Úkimetke depýtattyq saýal joldap, Almatydaǵy "jyn-oinaqty" toqtatýdy talap etti, dep habarlaidy Sputnik Qazaqstan.
"Ǵylym akademiiasynyń ǵimaraty – qazaq ǵylymy men rýhaniiatynyń simvoly, qasietti orda. Osy ǵimarattyń til bilimi jaǵyndaǵy aýmaqty jertóle ulttyq namysymyzǵa tietin, qazaq ǵylymynyń kieli ornyn bylǵaityn, ult ustazy Ahmet Baitursynulynyń asyl rýhyn aiaqqa taptap, árýaǵyn shýlatatyn "Marka" gei-klýby men "Barviha" túngi klýbyna ainalǵan. Toiyp sekirgender men bir jynystylardyń jyn-oinaǵy kieli oryndy lastap jatyr. Kezinde Qurmanǵazy men Pýshkindi súiistirip qoiǵan bilbord osy úńgirden shyqqan", - dedi Isa Májilistiń jalpy otyrysynda.
Depýtattyń aitýynsha, qazaq úshin kúresken qasietti tulǵa, ulttyń uly ustazy Ahmet Baitursynulynyń atyndaǵy til bilimi ordasynyń astynda "jyn ordasynyń oinaq salýy" eldiń uǵymyna syimaidy.
"Bul jyn-oinaqty shuǵyl toqtatatyn ýaqyt jetti!", - dep atap kórsetti Isa.
Osy oraida depýtat kelesi jyly ult ustazy Ahmet Baitursynulynyń 150 jyldyǵy IýNESKO aiasynda atalyp ótetinin eske saldy. Osyǵan bailanysty Úkimet janynan komissiia qurylyp, jumys jospary jasaldy. Degenmen, ult ustazyn ulyqtaýǵa arnalǵan sharalar barshylyq.
"Qostanai oblysy Jangeldin aýdanynyń ortalyǵynan 100 shaqyrym jerdegi júzdei otbasy bar Ahańnyń týǵan aýylyna ǵalymnyń atyn berdik deidi. Aýyl túgili oblys berse de, laiyqty ult ustazynyń atyn alys shalǵaidaǵy jolsyz aýylmen ǵana shektep qoiýǵa bolmaidy. Alash kósemderi Ahmet pen Mirjaqyptyń týǵan aýyldarynyń aty áli kúnge deiin qyzyl bolshevik, kezinde ulty men dinin satyp, Nikolai Stepnov bolǵan Jangeldinniń atynda bolýy elge de, erge de, eń aldymen, árýaqqa qiianat. Bul aýdannyń aty 150 jyldyǵyn álem atap ótkeli otyrǵan Ahmet Baitursynulynyń atynda bolýy kerek. Bul tarihi ádilettilik bolar edi", - dedi Isa.
Depýtattyń aitýynsha, aýyl turǵyndary aýdannyń atyn aýystyrý týraly ashyq hatty memleket basshysyna da joldaǵan. Al oblys basshysy Alash kóseminiń týǵan jerine aiaq attap baspaǵan.
"Táýelsizdik rýhynda tárbielengen kez kelgen ákim Qostanai óńirine barǵanda eń aldymen Alash kósemderiniń týǵan jerine baryp, ulttyń uly tulǵalaryna taǵzym etýge tiis. Al ákim Arhimed Muhambetovtyń alty jyldan astam ýaqytta ol jaqqa attap baspaǵanyn el shýlap jazýda, iaǵni, Ahańnyń týǵan jerinde toidyń oidaǵydai ótýi de kúmándi. Alash kóseminiń aýylyna baratyn jol da joq", - deidi Isa.
"Aqjol" fraktsiiasy ókilderi úkimetke birneshe usynys joldady.
Olar:
- Ahmet Baitursynulynyń týǵan jerinde memorialdy keshen salý;
- Baitursyn babanyń qaraýsyz qalǵan qabiri men qorymyn qalpyna keltirý;
- Qostanai qalasyndaǵy áýejaiǵa Ahmet Baitursynulynyń atyn berý;
- Almatydaǵy Ahmet Baitursynuly mýzeiine ulttyq statýs berip, memleket qamqorlyǵyna alý;
- Ahmet Baitursynuly atyndaǵy til bilimi institýtyna airyqsha statýs berý jáne qarjylyq qoldaý jasaý;
- 2022 jyldy Memlekettik til jyly dep jariialaý.
