سۋرەت اشىق دەرەككٶزدەن الىندى
رەسەيدەگٸ پروپاگانداشىل باسىلىمداردىڭ بٸرٸ «كومسومولسكايا پراۆدا» راديوسىنىڭ جۋرناليسٸ دميتريي ستەشين قازاقستانعا قاتىستى, سونىڭ ٸشٸندە, سولتٷستٸك قازاقستان تۋرالى مەلٸمدەمە جاسادى, دەپ حابارلايدى Azattyq Ruhy.
ول تٸكەلەي ەفيردەگٸ سۇحباتتا «مەسكەۋ قازاقستاننىڭ سولتٷستٸگٸن قايتارىپ الۋى تيٸس» دەگەن ماعىناداعى ارانداتۋعا جول بەرگەن. سۇحباتتىڭ ٷزٸندٸسٸ «سەياتەل ۆەترا» تەلەگرام-ارناسىندا جارييالانعان.
«قازاقستاندا ٸرٸ وبلىستاردى ورىس تٸلدٸ حالىق مەكەندەيدٸ. سوندىقتان بۇل جەرلەرگە بٸزدٸڭ تاريحي قۇقىعىمىز بار. ول قالالاردى بٸزدٸڭ اتا-بابالارىمىز سالعان. 1991 جىلى نەگە سٷيەنە وتىرىپ سول قالالاردى سىيلاي سالدىق?», - دەيدٸ جۋرناليست.
دميتريي ستەشين «قازاقستاننىڭ سولتٷستٸگٸندەگٸ وبلىستار رەسەيگە تيەسٸلٸ جەنە رەسەي ونى باسىپ الۋعا قۇقىلى» دەگەن پٸكٸردە.
ايتا كەتەيٸك, رەسەيدٸڭ كەيبٸر لاۋازىمدى تۇلعالارى بۇعان دەيٸن دە قازاقستاننىڭ اۋماقتىق تۇتاستىعىنا قاتىستى پٸكٸرلەرٸن اشىق ايتقان. مىسالى, رەسەي فەدەراتسيياسى مەملەكەتتٸك دۋماسىنىڭ بٸلٸم جەنە عىلىم جٶنٸندەگٸ كوميتەتٸنٸڭ تٶراعاسى ۆياچەسلاۆ نيكونوۆ بٸرٸنشٸ ارنادا «قازاقستاننىڭ تەرريتوريياسى - رەسەي تاراپىنان ٷلكەن سىيلىق» دەگەن ەدٸ. وسىعان بايلانىستى قازاقستان رەسپۋبليكاسىنىڭ سىرتقى ٸستەر مينيسترلٸگٸنە رەسەي فەدەراتسيياسىنىڭ ۋاقىتشا سەنٸمدٸ ٶكٸلٸ الەكساندر كوماروۆ شاقىرىلىپ, قر سٸم رەسەيلٸك ديپلوماتقا نوتا تاپسىرعان بولاتىن.
سونىمەن قاتار بۇرىنعى سەنات دەپۋتاتى, حالىقارالىق قاتىناستار, قورعانىس جەنە قاۋٸپسٸزدٸك كوميتەتٸنٸڭ تٶراعاسى مۇحتار قۇل-مۇحاممەد رەسەيلٸك دەپۋتاتتىڭ ايتقانى قازاقستاندىقتاردىڭ اشۋ-ىزاسىن تۋدىردى دەپ, ەلٸمٸزدٸڭ اۋماقتىق تۇتاستىعىنا قاتىستى وسىنداي ايىپتاۋلار مەن ارانداتۋشىلىق مەلٸمدەمەلەرگە جول بەرۋگە بولمايدى دەگەن ەدٸ.
