بٷگٸنگٸ تاڭدا قازاقستاندىقتاردىڭ قانشا بٶلٸگٸ سپورتتى جانىنا سەرٸك ەتكەن? ٶتكەن ۋاقىتپەن سالىستىرعاندا, سالاۋاتتى ٶمٸر سالتى بٷگٸن نەلٸكتەن كەنجە قالىپ وتىر? ونىڭ سەبەپتەرٸ مەن سالدارى قانداي? اتىراۋلىق جاستاردى بۇقارالىق سپورتقا تارتۋعا نە كەدەرگٸ? وسى سەكٸلدٸ ساۋالدارعا سالا ارداگەرٸ, قازاقستاننىڭ ەڭبەك سٸڭٸرگەن جاتتىقتىرۋشىسى, ٷشٸنشٸ دان قارا بەلدٸگٸنٸڭ يەسٸ – قابيبەك مۇحيتوۆتان جاۋاپ ٸزدەپ كٶرگەنبٸز.
– قابيبەك سەدٸرۇلى, اتاجۇرتقا ورالعان قانداستارىمىزدىڭ, ياعني, ورالمانداردىڭ سپورتتاعى ٷلەسٸ قانشا?
– سٶزٸڭٸزدٸڭ جانى بار. بٷگٸندە كٶك بايراق بيٸكتە جەلبٸرەپ, جەڭٸس تۋى تٸگٸلٸپ جٷرسە, وندا ورالمان باۋىرلارىمىزدىڭ دا ٷلەسٸ بار ەكەنٸن اتاپ ٶتكٸم كەلەدٸ. ولاردىڭ دەنٸ – جاستار. ەرقايسىسىنىڭ ەلٸمٸزگە دەگەن اسقان سٷيٸسپەنشٸلٸگٸ مەن پەك ماحابباتى بٸزدەن ارتىق تٷسپەسە, كەم ەمەس. سوعان سەيكەس, جەڭٸسكە دەگەن ىنتا-جٸگەرلەرٸ زور. ەكٸنشٸدەن, ٶزدەرٸ قونىس اۋدارىپ كەلگەن ەلدە سپورتقا ەبدەن بەيٸمدەلٸپ, دەنە تەربيەسٸنە ەرتە جاستان تٶسەلگەن دايىن اتلەتتەر عوي. قالاي دەگەندە دە, كەۋدەنٸ كەرنەگەن قۇلشىنىس پەن ىنتا-ىقىلاس دەگەنٸن جاساتپاي قويمايدى عوي. سونداي مىقتىلاردىڭ بٸرٸ – ٶزدەرٸڭٸزگە جاقسى تانىس بوكسشى قانات يسلام. كەسٸپقوي بوكستاعى ٶزٸنٸڭ بيٸك بەدەلٸن ول حالىقارالىق ارەنادا ابىرويمەن قورعاپ شىققان بولاتىن. ال, شىن مەنٸندە, ول دا اسپان استى ەلٸ – كٶرشٸ قىتايدان كەلگەن قانداستارىمىزدىڭ بٸرٸ.
– ياعني, اتىمىزدى ەلەمگە ەيگٸلەپ جٷرگەن ازامات جاندار ورالمانداردىڭ اراسىندا از ەمەس دەيسٸز عوي?
– ەلبەتتە سولاي. مەسەلەن, كەشەگٸ لوندون تٶرٸندە ٶتكەن وليمپيادا ويىندارىندا ەكٸ مەرتە قاتارىنان كٷمٸس القا تاعىنعان ەدٸلبەك نييازىمبەتوۆ تە ٶزبەكستان مەملەكەتٸنەن, دەلٸرەك ايتسام, قاراقالپاقستاننان ورالعان قازاق. وسى جەردەن كەلگەن ەلدوس جاڭابەرگەنوۆ دەگەن سپورتشىمىز دا بوكستان ەلەم چەمپيونى اتانعان ەدٸ. كٶردٸڭٸز بە, مۇنداي مىسالداردى ودان ەرٸ دە تٸزە بەرۋگە بولادى. بۇدان نەنٸ ۇعىنامىز? دەمەك, سپورتقا بەيٸم قانداستارىمىز ەلەمنٸڭ قاي تٷكپٸرٸندە جٷرمەسٸن, بويعا بٸتكەن قابٸلەتتٸ شىڭداپ, دامىتۋعا تولىق مٷمكٸندٸك بار. ٶز كەزەگٸندە بٸزدٸڭ دە مەملەكەتٸمٸز ولارعا قولدان كەلەر كٶمەكتٸ اياماۋى كەرەك. ٶيتكەنٸ, سول جاسالعان قاقمورلىقتى ولار ەسەلەپ قايتاراتىندىعىنا كٷمەن جوق. ٶزٸم دە بٸر اتىراۋدا جٷز شاقتى ورالمان باۋىرلارمەن بايلانىسىپ وتىرامىن. سپورتقا تارتىپ, جٸگەرلەرٸن جانۋعا تىرىسامىن.
– سوندا, ولاردىڭ ٶز سپورتشىلارىمىزدان ايىرماشىلىعى نەدە?
– ەرينە, الدىڭعى تولقىن اعالار جاعى قاشاننان بەرٸ كەيٸنگٸ ۇرپاقتى ۇلتجاندىلىق پەن رۋحانيياتقا, ٸزگٸلٸك پەن ٸزەتتٸلٸككە تەربيەلەپ كەلەدٸ. ەيتسە دە, بٷگٸنگٸ جاڭارعان قوعامدا بۇرىنعى قۇندىلىقتارىمىز ەسكٸلٸك تارتىپ, ۇمىتىلىپ بارادى. اتا-بابامىز امانات ەتكەن قانشاما سالت-دەستٷرٸمٸز مۇراعات سٶرەلەرٸندە سارعايىپ بارا جاتىر دەسەڭٸزشٸ?! سونىڭ بٸرٸ – ۇلتتىق ويىندار. ال, بۇعان كٸم كٸنەلٸ? ونى ٶزٸمٸزدەن ٸزدەگەن ابزال بولار. سەبەبٸ, «جاھاندانىپ جاتىرمىز» دەپ اشتا جەگەن قۇيقانى توقتىقتا ۇمىتۋ دۇرىس ەمەس. ەندٸ قايتپەك كەرەك? «ەشتەن كەش جاقسى» دەمەكشٸ, ەلٸ دە كەشەگٸ قۇندىلىقتارىمىزدى قايتارۋعا ۋاقىت بار, مٷمكٸندٸك تە جەتەر. وسى ٸسكە ورالمان اعايىندى دا جۇمىلدىرعان جٶن سيياقتى. ولاي دەيتٸنٸم, قولدا بار التىننىڭ قادٸرٸ قاشاتىنى بار. تۋعان جەرٸندە تايراڭداپ جٷرگەن سوڭ, مەنمەندٸك, مەنسٸنبەۋشٸلٸككە بوي الدىراتىنداردى قايدا قوياسىز? ال, ورالماندار جىراقتا جٷرٸپ ەلٸن ساعىنادى, وتانعا ورالۋ ٷشٸن بەرٸنە دايار.
– تۋرا اقىن جىرلاعانداي, «جان ەمەس ماعان كەرەگٸ, كٶك تۋدىڭ جەلبٸرەگەنٸ» دەسەڭٸزشٸ!
– يە, مۇنى تاعى بٸر مىسالدان كٶرۋگە بولادى. ولارمەن ەتەنە تانىس بولعان سوڭ, ۇلتتىق دەستٷرٸمٸزدٸ كٶزدٸڭ قاراشىعىنداي ساقتاپ جٷرەتٸندەرٸنە كۋە بوپ جٷرەمٸن. ٶزٸڭٸز دە شەتەلدە كٶكپار تارتىپ, تەڭگە ٸلٸپ جٷرگەن قازاقتار تۋرالى ەستٸگەن بولارسىز? ولار ۇلتتىق ٶنەرگە سۋسىنداپ ٶسكەن جاندار. سولاردى ەلگە تارتىپ, باۋىرعا باسا بٸلسەك, تٶل سپورتىمىزدى تىعىرىقتان شىعارۋعا بولادى ەمەس پە? جاقىندا عانا ٶزٸڭٸزدٸڭ «ۇلتتىق سپورتتى قايتسەك دامىتامىز?..» دەگەن ماقالاڭىز «اتىراۋ» گازەتٸندە جارىق كٶردٸ. وندا سالا ماماندارى ۇلتتىق سپورتتىڭ كەنجە قالۋىنا قاتىستى ٶز پٸكٸرلەرٸن اشىق بٸلدٸرگەن. ەسٸرەسە, جەرگٸلٸكتٸ جەرلەردە ساياتشىلىقتىڭ دامىماي وتىرعانى ورىندى ايتىلعان. ەندەشە, مەنٸڭ دە ۇسىنىسىم بٸر كەدەگە جارار دەگەن ويدامىن.
– بەلكٸم, بۇل سٶزٸڭٸز دە راس شىعار. بٸراق, سٸز ايتىپ وتىرعان «كٸرە الماي جٷرگەندەردٸڭ» قاراسى قانشا? بٸلٸپ كٶردٸڭٸز بە? كٶپ پە, از با? سونشالىقتى كٶپ دەپ ايتا الماس ەدٸم. وسى سالادا بٸرازدان بەرٸ جٷرگەن سوڭ, سپورت ەلەمٸندە كٸمنٸڭ نەمەن اينالىسىپ جٷرگەنٸ ماعان بەس ساۋساقتاي بەلگٸلٸ. كەلٸسەمٸن, كەيبٸر ورىندارعا كٸرۋگە رۇقسات جوق. ٶيتكەنٸ, جەكە مەنشٸك يەلەرٸ بار. وعان كٸرٸپ, جاتتىعۋ جاساۋ ٷشٸن اقىسىن تٶلەۋ قاجەت. بۇلارعا كٶبٸنەسە فيتنەس ورتالىقتارى تەن. ال, قالىڭ بۇقارانىڭ قامى ٷشٸن بوي كٶتەرگەن سپورت سارايلارىنا كٸرۋگە كەدەرگٸ بار دەگەندٸ ەستٸمەپپٸن. مەسەلە وندا ەمەس. ياعني, ٶزٸڭٸز ايتقان جاستاردىڭ ٶزدەرٸ سپورت سارايلارىنا بارعىسى كەلە مە ەكەن? سوڭعى ون جىلدا ولار وندا كٸرمەك تٷگٸلٸ, ماڭىنا دا جولاماي بارادى.
– ەندەشە, تىعىرىقتان شىعار جول قايسى?
– ونى قوعام بولىپ ٸزدەمەسەك, بولمايدى. وسى ورايدا, ەسٸمە بٸر وقيعا ورالىپ وتىر. سوناۋ توقسانىنشى جىلدارى «گەولوگ» دەپ اتالاتىن سپورت زالى بولاتۇعىن. سول جەردە كەمٸندە جەتپٸس اداممەن بٸرگە جاتتىعۋ جاساپ جٷرگەنٸم بار-دى. ال, قازٸر كەرٸسٸنشە, زاماناۋي سپورت عيماراتتارى بولعانىمەن, ولارعا باراتىن ادام جوق. اقيقاتى وسى. نەگە ەكەنٸن بٸلمەيمٸن, بٸراق بٷگٸندە سپورتتان باق تايىپ بارادى. بولماسا, دەنە تەربيەسٸنٸڭ بەرەكەسٸ قاشتى ما, بٸلمەيمٸن. ەلٸمٸزدەگٸ فۋتبولعا قاتىستى ورىن الىپ جاتقان پروبلەمالار دا بٸر تٶبە. ەلەمدەگٸ نٶمٸرٸ بٸرٸنشٸ ويىنعا قازٸر قۇمارلىق بەسەڭدەدٸ. بٸراق ونى قىزۋ قولداۋ مەن شەكتەن تىس قارجىلاندىرۋ ارتپاسا, ازايعان ەمەس.
– سٶزٸڭٸز اۋىزىڭىزدا, سپورت سٷيەر قوعام قالىپتاستىرۋ ٷشٸن نە ٸستەۋٸمٸز كەرەك? مٷمكٸن, ونى ناسيحاتتاۋ جاعى كەنجە قالىپ وتىرعان بولار?
– قالاي دەسەك تە, بۇل ويلاندىرىپ, تولعاندىرىپ وتىرعان جايت. الدىمەن, مەسەلەنٸڭ مەنٸسٸنە قانىعىپ, سوسىن شەشۋ جولدارىن ٸزدەستٸرگەن جٶن. ايتالىق, كٷندەلٸكتٸ ٶمٸردٸڭ اجىراماس بٶلشەگٸنە اينالعان بۇقارالىق اقپارات قۇرالدارىنىڭ بٸرٸ – عالامتور جەلٸسٸن الىپ كٶرەيٸك. وعان جٷكتەلگەن بەينەروليكتەر سانىندا شەك جوق. ٸشٸندە كەرەگٸ دە, كەرەك ەمەسٸ دە بار. ەسٸرەسە, جاستاردىڭ ورتاسىندا ورىن العان تەكە-تٸرەستەر مەن تٶبەلەسۋدٸڭ نەبٸر «عاجاپ ٷلگٸلەرٸ» بار.
– دۇرىس ايتاسىز, سوڭعى كەزدەرٸ كٶشە بويىنداعى كيكٸلجٸڭگە قاراكٶز قىزدارىمىز دا ٷيٸر بولىپ جٷر...
– ال, ونى ٷيدە وتىرىپ-اق تاماشالاپ جاتقان سىرت كٶز ميىعىنان كٷلٸپ مەز-مەيرام بولۋدا. ونى ۇيالى تەلەفونىڭىزداعى «يۋتيۋب» قوسىمشاسىنان سٸز دە كٶرٸپ جٷرسٸز. بٸر قىزىعى, قولىن سەرمەپ, اياعىن كٶتەرۋگە ٷيٸر جانداردىڭ ونىسىن كەسٸبي دەڭگەيدە ٷيرەنۋگە قىزىقپاعانى قالاي? ياعني, سونداي جەكپە-جەك ٶنەرٸنٸڭ سان تٷرٸ سپورتتا دا جەتٸپ ارتىلادى. ولاي بولسا, سوعان سپورت زالىنا كەلٸپ ماشىقتانۋعا بولادى عوي. ەلدە بۇعان بٸزدٸڭ باپكەرلەرٸمٸز قاۋقارسىز با? جوق, كٸنەراتتى ولاردان ٸزدەگەنٸمٸز دۇرىس بولماس. سەبەبٸ, كٷندەلٸكتٸ قاعازباستىلىقتان باستارىن كٶتەرە الماي جٷر. سول ٷشٸن الاتىن جالاقىلارى دا ماردىمسىز. سول سەبەپتەن سوڭعى جىلدارى باسقا سالاعا بەت بۇرعاندارى قانشاما? سونىمەن, كٸمگە مٸن تاعامىز? جاۋاپ جوق.
– سوندا, باپكەرلەردٸڭ جالاقىسى كٶبەيسە, بارلىق مەسەلە شەشٸلە كەتە مە?
– قالاي دەسەم ەكەن, تٷسٸنٸكتٸ بولۋ ٷشٸن بٸر مىسال كەلتٸرەيٸن. ايتايىق, مەن تاەكۆوندوشى رەتٸندە بٸر مەكتەپتٸڭ باسشىسىنا بارىپ, وقۋشىلارعا جاتتىعۋ ۇيىمداستىرعىم كەلەتٸنٸن ايتايىن. ول مەنٸ قۇرعاق سٶزبەن شىعارىپ سالىپ, كەلەسٸ جولى بۇل ەڭگٸمەنٸ قوزعاماۋدى ٶتٸنەدٸ. نەگە? سەبەبٸ, ول شامادان ارتىق ەرٸ جەكە ٶزٸنە تيٸمسٸز مٸندەتتٸ موينىنا العىسى كەلمەيدٸ. كٸم قازٸر ٶز ۋاقىتى مەن قاراجاتىن قۇربان ەتكٸسٸ كەلەدٸ دەيسٸز? ەگەر سول مەكتەپتە جاتتىقتىرۋشى بولىپ قىزمەت ەتسەم, ماعان جالاقى تٶلەنۋٸ قاجەت بولادى. ونىڭ ٷستٸنە, جاڭا سپورت قۇرالدارى الىنۋى تيٸس. مۇنىسى قىپ-قىزىل شىعىن. بۇل ٷشٸن مەكتەپكە سوقىر تيىن دا تٶلەنبەيدٸ. قىسقاسى, قوسىمشا سپورت سەكتسيياسىن اشۋ ەشكٸمگە تيٸمسٸز. ال, ەگەر مەكتەپكە قارجىلاي قولداۋ كٶرسەتٸلٸپ, سپورت ٷيٸرمەسٸ اشىلسا, وقۋشىلار مٸندەتتٸ تٷردە قاتىسار ەدٸ. ٶيتكەنٸ, الىسقا قىر اسپاي, ٶز بٸلٸم ۇيالارىندا جاتتىعادى. وسىلايشا, بوس ۋاقىتىندا بٸر بۇرىشقا قامالعان بالا ۇيالى تەلەفون مەن پلانشەتتەن ەرمەك ٸزدەيدٸ. ەلەۋمەتتٸك جەلٸدە وتىرىپ, ۋاقىت وزدىرادى, ماعىناسىز ويىندار ويناپ, مي توزدىرادى.
– سايىپ كەلگەندە, جاستاردى سپورتقا قالاي شاقىرامىز?
– بۇل رەتتە, تاياقتىڭ ەكٸنشٸ ۇشى اتان-اناعا كەلٸپ تيەدٸ. بالانىڭ قالاعان ٸسپەن اينالىسۋىنا ەڭ الدىمەن سولار مٷددەلٸ ەمەس پە? ەگەر بالا و باستان سپورتقا ٷيٸر بولسا, نەگە جاعدايىن جاساماسقا, قوسىمشا جاتتىعۋلارعا جازباسقا? ٶكٸنٸشكە وراي, بٷگٸنگٸ ەكە-شەشە ۇل-قىزدارىنىڭ سپورتشى ەمەس, باس-باسىنا تاقتا وتىرىپ شٸرەنگەن قارنى جۋان بي بولعانىن قالايدى. وندا, تەك بٸلٸم مەن عىلىمعا قۇشتار شەكٸرتتەردٸ عانا تەربيەلەيٸك. سپورتتى جٶنٸنە قويا سالايىق. جىراقتان جيناپ العان جات جۇرتقا تٶردەن ورىن بەرٸپ, چەمپيون بولايىق. تٸزگٸننەن قاعىلعان قازاق بالاسى سولاردىڭ جەڭٸسٸنە قولىن, ونىمەن قوسا سانىن دا سوقسىن. اقساقالدارىمىز الاقان جايىپ, باتا بەرسٸن. بۇل بٸزگە كەرەك پە?
– فۋتبولعا ورالساق, جاسىل الاڭداعى ون بٸر ويىنشىنىڭ بٸرٸ قازاق بولسا, سوعان ەسٸمٸز شىعىپ قۋانامىز. بۇل قالاي بولعانى?
– راس, قاي سالانىڭ دا بٸر جاندى جەرٸ, ياعني, نەزٸك تۇسى بولادى. مٸنە, سول تۇسقا كەلگەندە, باتىرا ايتتىڭىز. «بەرٸ دە جاقسى بولادى» دەپ العا ۇمتىلعان جاقسى عوي, ەرينە. بٸراق بٸر مەزگٸل اقيقاتتىڭ دا استارىنا ٷڭٸلٸپ كٶرگەن ارتىق ەتپەيدٸ. قۇدايعا شٷكٸر, ٶزگە ايماقتارمەن سالىستىرعاندا, اتىراۋ – تاريح پەن تاعىلىمعا باي ٶلكە. ەكونوميكالىق-ەلەۋمەتتٸك جاعىنان دا وسال ەمەس. قايبٸر باستاماعا دا قولداۋ بٸلدٸرۋگە قارجى جەتەدٸ. تەك سونى تيٸمدٸ جۇمساپ وتىرمىز با? بايلىق بەلدەن كەلسە دە, دٷنيەنٸ دٷر سٸلكٸندٸرٸپ جاتقان چەمپيوندار كٶرٸنبەيدٸ.
ماقۇل, جەڭٸسكە جەتكەن سپورتشى ٶز ەلٸندە قانداي قۇرمەتكە دە لايىق دەلٸك. سونى ەسكەرٸپ, استىنا تەمٸر تۇلپار مٸنگٸزٸپ, قولىنا پەتەر كٸلتٸن قىستىرامىز. كەشەگٸ وليمپيادا جەڭٸمپازدارىنىڭ ەڭبەگٸ 250 مىڭ اقش دوللارىنا باعالاندى. ال, ەگەر وسىنداي قىمبات سىيدىڭ بەرٸن جيىپپ, بۇقارالىق سپورتتى دامىتاتىنداي بٸر يگٸ ٸس جاساۋعا بولماس پا ەدٸ? وسىنى دا ۇمىتپاعان دۇرىس سيياقتى.
– جالپى, سپورت پەن دەنە تەربيەسٸندە «ناسيحات» دەگەن ۇلى ۇعىم بار. بەلكٸم, سول جەتپەي جاتقان بولۋ كەرەك. قالاي ويلايسىز?
– جەرگٸلٸكتٸ جەڭٸمپازدار ەسٸمٸن جاستار تۇرماق, كەيدە جاتتىقتىرۋشى باپكەرلەردٸڭ ٶزدەرٸ دە بٸلمەي جاتادى. ەلدە بۇقارالىق اقپارات قۇرالدارى ٶكٸلدەرٸنٸڭ نازارىنا ٸلٸكپەي جٷر مە? ەكٸنشٸدەن, ەل نامىسىن قورعاۋعا بٸز كٸمدەردٸ لايىق كٶرەمٸز? بۇل مەسەلەگە سوڭعى ۋاقىتتا كٶڭٸل بٶلٸنبەي كەتتٸ. جٷزدەن جٷيرٸك, مىڭنان تۇلپار شىعادى. بۇل مىڭ ادامنىڭ ٸشٸنەن تەك بٸرەۋٸ عانا تۇلپار بولادى دەگەن سٶز. قاي سپورت تٷرٸن الىپ قاراساڭىز دا, اتىراۋلىق جاتتىعۋشىلار سانى جٷزگە جەتپەيدٸ. بۇل جاعدايدا جٷيرٸك شىقپايدى. ياعني, سپورتشىلار قاتارى سەيٸلگەن سايىن, ەل نەمەسە ەلەم چەمپيونىن شىعارۋ مٷمكٸندٸگٸ دە ازايادى. مەسەلەن, ميلليوننان استام تۇرعىنى بار الماتى قالاسىنان چەمپيون شىعۋ مٷمكٸندٸگٸ ٶتە زور. جٷلدەگەرلەردٸڭ كٶبٸسٸ وڭتٷستٸك ٶڭٸرلەردەن شىعىپ جاتقانى دا سوندىقتان.
ٷشٸنشٸدەن, سپورتقا قۇشتار وقۋشىعا دەگەن ۇستاز بەن قوعامنىڭ قاتىناسى ەرەكشە بولۋ كەرەك دەپ ەسەپتەيمٸن. كەز كەلگەن ادام سپورتشى بولا بەرمەيدٸ. ايتالىق, بٸر بالا تەحنيكالىق, ال, ەكٸنشٸسٸ گۋمانيتارلىق باعىتتا العىر كەلەدٸ. ولار سول باعىتتا عانا قابٸلەتتەرٸن شىڭداپ, ەرتەڭ ەل مەرەيٸن ٶسٸرۋٸ مٷمكٸن. سپورتتىق سايىستارعا قاتىسىپ جٷرگەن بالالار دا سونداي قۇرمەتكە لايىق. ەندەشە, بالاسىنىڭ سپورتقا قىزىعۋشىلىعىن بايقاعان اتا-انا سول بويدا قولداۋ تانىتۋى قاجەت. مىسالى, مەن وقىپ جٷرگەنٸمدە, ۇستازدارىم ەمتيحان كەزٸندە تالاي جەڭٸلدٸكتەر جاسايتىن. قالعاندارىن دا مەننەن ٷلگٸ الۋعا شاقىراتىن.
– نەگە?
– ٶيتكەنٸ, سپورتتىق سايىستارعا قاتىسىپ جٷردٸم عوي. سونىڭ ارقاسىندا, ايرىقشا ىقىلاس, رۋحاني جىلۋدى سەزەتٸنمٸن. ونىڭ ٶزٸ جەڭٸسكە دەگەن جٸگەرٸمدٸ جاني تٷسەتٸن. ول كەزدەردە «وت ماسسى – ك ماستەرستۆۋ!», ياعني, «بۇقارالىقتان – شەبەرلٸككە!» دەگەن ۇران بولدى. قايسىبٸر مەكەمەدە بولماسىن, كٶپشٸلٸكتٸ ڭقاتىسۋىمەن ىلعي بٸر سپورتتىق شارا ۇيىمداستىرىلىپ وتىراتىن. قازٸر سونىڭ بٸرٸ دە جوق. سپورت زالىندا كٶزگە كٶرٸنەر-كٶرٸنبەس بولىپ بٸر قۇرمەت تاقتاسى ٸلۋلٸ تۇر. بارى سول. جۇمىرتقادان جٷن قىرىققان مٷشكٸل حالدەمٸز. ەيتەۋٸر, دٷنيە مەن دوللاردىڭ سوڭىنا جەتە الماي جٷرگەن بٸرەۋ...
– ەسەرلٸ ەڭگٸمەڭٸزگە العىس بٸلدٸرە وتىرىپ, ەر باستاعان ٸسٸڭٸزگە سەتتٸلٸك سەرٸك بولعاي دەمەكپٸز!
ەڭگٸمەلەسكەن: مٶلدٸر بالتابەكقىزى
.jpg)