ەلباسى نۇرسۇلتان نازارباەۆتىڭ حالىققا ارناعان دەستٷرلٸ جولداۋىن بارشا جۇرت اسىعا كٷتتٸ. بۇل جولعى «قازاقستاندىقتاردىڭ ەل-اۋقاتىنىڭ ٶسۋٸ: تابىس پەن تۇرمىس ساپاسىن ارتتىرۋ» تاقىرىبىندا ٶتكەن جولداۋدا ەلباسى حالقىمىز جەتكەن جەتٸستٸكتەردٸ سارالاي كەلٸپ, ەلٸمٸزدٸ جاڭعىرتۋ جٶنٸندەگٸ قاجەتتٸ باعدارلامالىق باستامالاردى جەتكٸزدٸ.
يە, تاريح ٷشٸن قىسقا مەرزٸم بولسا دا, ەلٸمٸز بيٸك بەلەستەردٸ باعىندىرىپ كەلەدٸ. ماقساتىمىز ايقىن, جوسپارىمىز جٷيەلٸ بولعاندىقتان, وزىق ەلدەرمەن تەرەزەمٸز تەڭەستٸ. ەسٸرەسە, تەۋەلسٸزدٸگٸمٸزدٸ العاننان بەرٸ سپورت سالاسى جىلدان-جىلعا قارىشتاپ دامىپ كەلەدٸ. وسى جولداۋدا دا مەملەكەت باسشىسى بۇقارالىق سپورتتى دامىتۋ, قارا دومالاق بالالار مەن قاراكٶز قىزدارىمىزدان ەل نامىسىن قورعايتىن سپورتشى شىعارۋ, ۇلتتىق سپورتقا دەگەن قىزىعۋشىلىقتى ارتتىرىپ, جاستاردى وتانسٷيگٸشتٸككە, پاتريوتيزمگە تەربيەلەۋ كەرەكتٸگٸن باستى نازارعا الدى.
ەلباسى ٶزٸنٸڭ جولداۋىندا: «ٶڭٸرلٸك دەڭگەيدەگٸ رەزەرۆتەردٸ تاۋىپ, بۇقارالىق سپورت پەن دەنە شىنىقتىرۋدىڭ قوجەتٸمدٸلٸگٸن ارتتىرۋ قاجەت. ٷكٸمەت جەنە ەكٸمدەرگە كەم دەگەندە 100 دەنە شىنىقتىرۋ-ساۋىقتىرۋ كەشەنٸن سالۋدى تاپسىرامىن. سونداي-اق, قولدانىستاعى ەسٸرەسە مەكتەپتەردەگٸ سپورت عيماراتتارىن تيٸمدٸ پايدالانىپ, دەنە شىنىقتىرۋمەن اينالىسۋ ٷشٸن اۋلالاردى, پاركتەردٸ, ساياباقتاردى جابدىقتاۋ كەرەك», – دەپ ايتتى. بۇقارالىق سپورتقا قولداۋ كٶرسەتٸپ وتىرسا, رۋحتى قازاق جۇرتىنان ەلٸ تالاي چەمپيوندار شىعارىنا سەنٸمٸمٸز مول. ٶسكەلەڭ ۇرپاق مىقتى بولسىن دەسەك, ٶز ەلٸنٸڭ شىنايى پاتريوتى بولۋ كەرەك. سوندىقتان, بولاشاق جاستاردى بٷگٸننەن باستاپ سالاۋاتتى ٶمٸر سالتىن ۇستانۋعا تەربيەلەۋ قاجەت. كەلەشەك ۇرپاعىمىز بٸلٸمدٸ, پاتريوت بولسا, ەل بولاشاعى دا جارقىن بولارى انىق.
يە, شالعايدا جٷرگەن تالانتتى بالالارعا قولداۋ كٶرسەتٸپ, قاجەتتٸ جاعداي جاساي بٸلسەك, ۇلت نامىسىن تۋ قىلار تۇلعالاردىڭ شىعارى سٶزسٸز. سول كەزدە شەتەلدٸك لەگيونەرلەرگە ارقا سٷيەمەي, قانشا قارجىنى جەلگە ۇشىرماي, جوعارعى جەتٸستٸكتەرگە قول جەتكٸزەر ەدٸك. ٶز سپورتشىلارىمىزعا كٶڭٸل بٶلٸنبەي, كەجەگەمٸز كەرٸ كەتكەنٸ - كەتكەن. بۇل مەسەلەگە بايلانىستى قاسىم-جومارت توقاەۆ تا سىني پٸكٸرٸن جاسىرماعان-دى.
قاسىم-جومارت كەمەلۇلى: "بٸز كٶبٸنە شەتەلدٸك سپورتشىلاردى شاقىرامىز. جەڭٸس تە ەكەلەر. بٸراق بۇل كٶرسەتكٸش پە? جوق. بٸز قازاق جاستارى, قازاقستاندىق جاستار اراسىنان وليمپيادا چەمپيوندارىن, ەلەمدٸك جەنە قۇرلىقتىق چەمپيوناتتاردىڭ جەڭٸمپازدارىن دايىنداۋىمىز قاجەت. بۇل ٷشٸن بٸز بالالار مەن جاسٶسپٸرٸمدەر سپورتىن, دەنە شىنىقتىرۋدى, سالاۋاتتى ٶمٸر سالتىن دامىتۋعا ەكپٸن جاساۋعا تيٸسپٸز» , - دەپ قاتاڭ سىنعا الدى.
راسىندا, اۋىل-ايماقتاردا نەبٸر تالانتتى جاستارىمىز بار. ەڭ باستىسى, ولاردى ٸزدەپ تاۋىپ, تەربيەلەپ, باعىتتاپ, قاجەتتٸ جاعداي جاساي بٸلۋ قاجەت. سول كەزدە بٸز كٷتكەن نەتيجە كٶپ كەشٸكپەي ٶز جەمٸسٸن بەرەتٸن بولادى.
قر مەدەنيەت جەنە سپورت مينيسترٸ ارىستانبەك مۇحامەديۇلى بۇل باستاماعا قاتىستى: "مەملەكەت باسشىسى نۇرسۇلتان نازارباەۆ ەل دامۋى جولىندا العا قويعان مٸندەتتەرگە بايلانىستى جىل سايىن ٶز جولداۋلارىن جاساپ كەلەدٸ. بۇل جولعى جولداۋدا تۋريزم, سپورت سالالارىنا قاتىستى ٶتە قاجەتتٸ دٷنيەلەردٸ ايتتى. ەسٸرەسە, حالىقى بۇقارالىق سپورتقا تارتۋ ٷشٸن "ٶڭٸرلٸك دەڭگەيدەگٸ رەزەرۆتەردٸ تاۋىپ, بۇقارالىق سپورت پەن دەنەشىنىقتىرۋدىڭ قولجەتٸمدٸلٸگٸن ارتتىرۋ قاجەت" دەپ اتاپ ٶتتٸ. سونداي-اق, ٷكٸمەتكە جەنە ەكٸمدەرگە كەم دەگەندە 100 دەنەشىنىقتىرۋ-ساۋىقتىرۋ كەشەنٸن سالۋدى تاپسىردى. بۇدان بٶلەك, "قولدانىستاعى, ەسٸرەسە مەكتەپتەردەگٸ سپورت عيماراتتارىن تيٸمدٸ پايدالانىپ, دەنە شىنىقتىرۋ مەن اينالىسۋ ٷشٸن اۋلالاردى, ساياباقتاردى جابدىقتاۋ قاجەت" دەپ تاپسىردى. حالىقتى سالاۋاتتى ٶمٸر سالتىن ۇستانۋعا شاقىرعان مەملەكەت باسشىسىنىڭ ۇسىنىستارى دەل قازٸرگٸ سەتتەن باستاپ قولعا الىنىپ, قاجەتتٸ جۇمىستار اتقارىلاتىن بولادى. كەزەكتٸ جولداۋدا ەلەۋمەتتٸك سالادان باستاپ دەنساۋلىق, مەكتەپتەگٸ مەسەلەلەر, ينفراسترۋكتۋرا سەكٸلدٸ بارلىق سالاداعى ماڭىزدى مەسەلەلەر كٶتەرٸلدٸ. مەملەكەت باسشىسىنىڭ دەستٷرلٸ جولداۋىن قۇرمەتپەن قابىلداپ, باعدارعا الىنعان ماقسات-مٸندەتتەردٸ نەتيجەلٸ ٸسكە اسىرۋعا ٷلەسٸمٸزدٸ قوساتىن بولامىز", - دەگەن بولاتىن.
ەندەشە, بولاشىقتى بٷگٸننەن ويلاپ, بۇقارالىق سپورتقا باسا مەن بەرٸپ, بٸلەك سىبانا ٸسكە كٸرٸسۋٸمٸز قاجەت. ۋاقىت كەمەسٸ قاتەلٸكتەردٸ كەشٸرمەيدٸ. ەلدٸكتٸڭ تاريحى قازٸرگٸ سەتتەن باستالادى.
.jpeg)