جامبىل وبلىسىنداعى «وتار» ەسكەري بازاسىندا ەلباسى - قر قك جوعارعى باس قولباسشىسى نۇرسۇلتان نازارباەۆ قاتىسۋىمەن جاۋىنگەرلٸك پاراد ٶتتٸ, دەپ حابارلايدى "ۇلت اقپارات". پاراد الدىندا مەملەكەت باسشىسى قازاقستاندىقتاردى وتان قورعاۋشى كٷنٸمەن قۇتتىقتادى.
«قىمباتتى قازاقستاندىقتار, ساردارلار مەن ساربازدار! قادٸرلٸ ارداگەرلەر! بارشاڭىزدى وتان قورعاۋشى كٷنٸ مەرەكەسٸمەن شىن جٷرەكتەن قۇتتىقتايمىن. باھادٷر بابالار ۇلى دالامىزدى اق بٸلەكتٸڭ كٷشٸمەن, اق نايزانىڭ ۇشىمەن قورعاپ, بٸزگە امانات ەتٸپ قالدىردى. «ۇراندى ەلدٸڭ ۇرپاعى ايبارلى كەلەدٸ» دەگەن دانا حالقىمىز. بٷگٸنگٸ ايبىندى ارمييامىز ٷشٸن ەلدٸڭ تىنىشتىعىن ساقتاپ, تەۋەلسٸزدٸكتٸڭ قورعانى بولۋ - مەرتەبەلٸ زور مٸندەت. جاۋجٷرەك جاۋىنگەرلەردٸڭ كٶتەرەتٸن جٷگٸ اۋىر. بٸراق ول - ابىرويلى بورىش, قاستەرلٸ پارىز. قارۋلى كٷشتەرٸمٸز - حالقىمىزدىڭ سەنٸمدٸ تٸرەگٸ, مەملەكەتتٸڭ بەرٸك قالقانى», - دەپ اتاپ ٶتتٸ ەلباسى.
پرەزيدەنت ازاماتتارىمىزدى وتانسٷيگٸشتٸككە تەربيەلەۋ ٸسٸندە ەسكەري دەستٷر ماڭىزدى رٶل اتقاراتىنىن اتاپ ٶتتٸ.
"جاۋىنگەرلٸك تۋ — تۋعان جەرگە ادالدىقتىڭ, ەرلٸك پەن باتىرلىقتىڭ نىشانى. قاسيەتتٸ بايراق رۋحى بيٸك, ەرجٷرەك ساربازداردى ەردايىم جەڭٸسكە جەتەلەيدٸ. باۋىرجان مومىشۇلىنىڭ "باتىرلىق ٶسكەن ورتاعا, كٶرگەن تەربيەگە بايلانىستى قالىپتاسادى" دەگەن سٶزٸ بار. ازاماتتارىمىزدى وتانسٷيگٸشتٸككە تەربيەلەۋ ٸسٸندە ەسكەري دەستٷر ماڭىزدى رٶل اتقارادى. ەر سارباز وتان قورعاۋشى رەتٸندە ٶزٸنٸڭ ەل الدىنداعى ەرەكشە جاۋاپكەرشٸلٸگٸن سەزٸنۋگە تيٸس. قارۋلى كٷشتەرٸمٸزدە جٸگەرلٸ جٸگٸتتەرمەن قاتار اياۋلى ارۋلارىمىز دا ەسكەري قىزمەتتٸ ابىرويمەن اتقارىپ جٷر. سوندىقتان بٷگٸنگٸ مەرەكە ەر ازاماتتارمەن قاتار ساپ تٷزەگەن قايسار قىزدارىمىزعا دا ورتاق", — دەدٸ ول.
نۇرسۇلتان نازارباەۆ مەملەكەتتٸڭ وتان قورعاۋشىلارعا ەرقاشان قامقورلىق كٶرسەتٸپ كەلەتٸنٸن ايتتى.
"قازاقستاندىق ەسكەري قىزمەتشٸلەر ەڭ قاتىگەز سوعىستا فاشيزمدٸ جەڭگەن بٸزدٸڭ ەكەلەرٸمٸز بەن اتالارىمىزدىڭ جاۋىنگەرلٸك ايبىنى مەن داڭقى دەستٷرٸنٸڭ لايىقتى مۇراگەرلەرٸ. بٸز ەرقاشان ولاردىڭ ٶمٸر مەن تۋعان جەردٸڭ گٷلدەنۋٸ ٷشٸن شەكسٸز باتىرلىعى مەن ٶشپەس ەرلٸگٸن جادىمىزدا ساقتايمىز. بٷگٸندە قازاقستان ارميياسى ەل تەۋەلسٸزدٸگٸن سەنٸمدٸ قورعاپ تۇر. ۇقشۇ اياسىندا ۇجىمدىق قاۋٸپسٸزدٸككە تابىستى جەردەمدەسۋدە. سونىمەن قاتار بۇۇ اياسىندا ماڭىزدى بٸتٸمگەرلٸك قىزمەتتەردٸ ابىرويمەن ورىنداپ كەلەدٸ
ٶتكەن جىلى ەسكەري قىزمەتشٸلەردٸڭ لاۋازىمدىق جالاقىسى 25 پروتسەنتكە ارتتى. ەسكەريلەردٸ تۇرعىن ٷيمەن قامتاماسىز ەتۋ مەسەلەسٸ شەشٸمٸن تاۋىپ كەلەدٸ. مۇنىڭ بەرٸ قارۋلى كٷشتەر ساربازدارىنىڭ ار-نامىسى مەن ايبىنىن ارتتىرۋعا جول اشادى. سوندىقتان مەن سٸزدەردٸ ەسكەري انتقا ادال بولادى دەپ سەنەمٸن!", — دەدٸ ەلباسى.
بۇدان بۇرىن حابارلانعانداي, 3 مىڭنان استام سارباز بٷگٸنگٸ پارادقا جٸتٸ دايىندالعان.
ەسكەري بازا اۋماعىندا جاۋىنگەرلٸك تەحنيكانىڭ ارنايى كٶرمەسٸ كٶپشٸلٸك نازارىنا ۇسىنىلعان. پارادقا كەلگەندەر وسى كٶرمەدەگٸ سوڭعى ٷلگٸدەگٸ ەسكەري تەحنولوگييالاردى تاماشالادى. دەستٷرلٸ تٷردە جەكە قۇرام سالتاناتتى مارشپەن جٷرٸپ ٶتتٸ. پارادقا 300-دەن استام ەسكەري تەحنيكا, 40-قا جۋىق اۆياتسييا تەحنيكاسى قاتىستى. ارمييالىق بٶلٸمشەلەر ەسكەري تەحنيكانىڭ زاماناۋي ٷلگٸلەرٸن ٸس جٷزٸندە قولدانۋ تەسٸلدەرٸن كٶرسەتتٸ.
.jpeg)