بٷگٸن مەملەكەت باسشىسى جولداۋىندا بەرٸلگەن تاپسىرمالاردى ورىنداۋعا ارنالعان ٷكٸمەت وتىرىسىندا تسيفرلىق دامۋ, يننوۆاتسييالار جەنە اەروعارىش ٶنەركەسٸبٸ مينيسترٸ باعدات مۋسين مەملەكەتتٸك قىزمەتتەردٸڭ 100 پايىزىن سمارتفون ارقىلى قولجەتٸمدٸ ەتۋگە مٷمكٸندٸك جاسالاتىنىن ايتتى, دەپ حابارلايدى قازاقپارات.
«مەملەكەتتٸك باسقارۋدى تسيفرلاندىرۋعا قاتىستى ەكٸ تاپسىرما بەرٸلدٸ. بۇل تسيفرلىق ترانسفورماتسييا ورتالىعىنىڭ (تستو) قىزمەتٸن كٷشەيتۋگە قاتىستى. ورتالىق قازٸردٸڭ ٶزٸندە پروتسەستەردٸ رەينجينيرينگتەۋ بٶلٸگٸندە ناقتى نەتيجەلەر بەرٸپ جاتىر. ەگەر قالاي بولعانىن سالىستىراتىن بولساق, وندا نورماتيۆتٸك-قۇقىقتىق اكتٸلەر مەن زاڭدار نەگٸزٸنەن العىشارتتارى بولىپ, بٸز بار بيزنەس-پروتسەستەردٸ تسيفرلاندىردىق. ەندٸ تستو رەتسٸزدٸكتٸ اۆتوماتتاندىرماۋ ٷشٸن پروتسەستەردٸ قايتا قاراۋ بويىنشا جۇمىس جٷرگٸزەتٸن بولادى. رەينجينيرينگ ارقىلى ٶتكەن پروتسەستەر پلاتفورمالىق مودەلدە اۆتوماتتاندىرىلاتىن بولادى. پلاتفورمالىق مودەلگە ٶتۋدٸڭ العىشارتتارى تٷسٸنٸكتٸ», - دەدٸ مۋسين.
ونىڭ ايتۋىنشا, بٷگٸندە 400 اقپاراتتىق جٷيە بار. الايدا, بٸرٸكتٸرۋلەرگە بايلانىستى پروبلەمالار تۋىندايدى. بۇل مەملەكەتتٸك قىزمەتتەردٸ ەلەكتروندىق الاڭدارعا شىعارۋعا كەدەرگٸ كەلتٸرەدٸ.
«پلاتفورمالىق مودەلگە ٶتۋدٸڭ جيىنتىعى رەتٸندە data-driven government تۇجىرىمداماسىن ٸسكە اسىرۋ بولادى. بۇل مەملەكەتتٸك قىزمەتتەردٸڭ 100 پايىزىن سمارتفون ارقىلى قولجەتٸمدٸ ەتۋگە مٷمكٸندٸك بەرەدٸ», - دەدٸ مينيستر.
