Búgin Memleket basshysy Joldaýynda berilgen tapsyrmalardy oryndaýǵa arnalǵan Úkimet otyrysynda Tsifrlyq damý, innovatsiialar jáne aeroǵarysh ónerkásibi ministri Baǵdat Mýsin memlekettik qyzmetterdiń 100 paiyzyn smartfon arqyly qoljetimdi etýge múmkindik jasalatynyn aitty, dep habarlaidy QazAqparat.
«Memlekettik basqarýdy tsifrlandyrýǵa qatysty eki tapsyrma berildi. Bul Tsifrlyq transformatsiia ortalyǵynyń (TsTO) qyzmetin kúsheitýge qatysty. Ortalyq qazirdiń ózinde protsesterdi reinjiniringteý bóliginde naqty nátijeler berip jatyr. Eger qalai bolǵanyn salystyratyn bolsaq, onda normativtik-quqyqtyq aktiler men zańdar negizinen alǵysharttary bolyp, biz bar biznes-protsesterdi tsifrlandyrdyq. Endi TsTO retsizdikti avtomattandyrmaý úshin protsesterdi qaita qaraý boiynsha jumys júrgizetin bolady. Reinjiniring arqyly ótken protsester platformalyq modelde avtomattandyrylatyn bolady. Platformalyq modelge ótýdiń alǵysharttary túsinikti», - dedi Mýsin.
Onyń aitýynsha, búginde 400 aqparattyq júie bar. Alaida, biriktirýlerge bailanysty problemalar týyndaidy. Bul memlekettik qyzmetterdi elektrondyq alańdarǵa shyǵarýǵa kedergi keltiredi.
«Platformalyq modelge ótýdiń jiyntyǵy retinde data-driven government tujyrymdamasyn iske asyrý bolady. Bul memlekettik qyzmetterdiń 100 paiyzyn smartfon arqyly qoljetimdi etýge múmkindik beredi», - dedi ministr.
