قازاقستاننىڭ ەكس-پرەمەر-مينيسترٸ سەرٸك احمەتوۆتٸڭ ناقتى جازا مەرزٸمٸن باس بوستاندىعىن شەكتەۋ جازاسىنا اۋىستىرۋ تۋرالى قاراعاندى وبلىسى اباي اۋداندىق سوتىنىڭ قاۋلىسىنا اپەللياتسييالىق شاعىم تٷسپەگەندٸكتەن, سوت شەشٸمٸ زاڭدى كٷشٸنە ەندٸ, دەپ حابارلايدى قازاقپارات.
پروكۋراتۋرا احمەتوۆتٸ بوستاندىققا شىعارۋ تۋرالى شەشٸممەن كەلٸسٸپ, قارسى شاعىم تٷسٸرمەدٸ. سونداي-اق پروكۋرورلار ناقتى جازا مەرزٸمٸن باس بوستاندىعىن شەكتەۋ جازاسىنا اۋىستىرۋ مەسەلەسٸ قارالعان 5 قىركٷيەك كٷنگٸ سوت پروتسەسٸ بارىسىندا سوتتالۋشى احمەتوۆتٸڭ ٶتٸنٸشٸنە دە قولداۋ بٸلدٸرگەن بولاتىن.
21 قىركٷيەك كٷنٸ تاڭەرتەڭ سوت قاۋلىسى شۇعىل تٷردە ورىندالۋ ٷشٸن قىلمىستىق-اتقارۋ جٷيەسٸ دەپارتامەنتٸنٸڭ اباي اۋدانى قاراباس كەنتٸندە ورنالاسقان اك 159/18 كولونيياسىنىڭ ەكٸمشٸلٸگٸنە تاپسىرىلادى.
احمەتوۆ 2016 جىلدىڭ 11 ماۋسىمى كٷنٸ جاقسى تەرتٸبٸ جەنە مەكەمە قابىرعاسىندا تەربيەلٸك شارالارعا بەلسەندٸ قاتىسقانى ٷشٸن جازانى ٶتەۋدٸڭ جەڭٸلدەتٸلگەن تٷرٸنە كٶشٸرٸلگەن بولاتىن. 2017 جىلعى 5 قىركٷيەكتە بۇرىنعى ٷكٸمەت باسشىسىنا جازانىڭ ٶتەلمەگەن 4 جىل 26 كٷنٸ وسىنداي مەرزٸمگە باس بوستاندىعىن شەكتەۋ جازاسىنا الماستىرىلدى. سەرٸك احمەتوۆ بۇل مەرزٸمدٸ تۇرعىلىقتى جەرٸ بويىنشا ٶتەيدٸ.
ەسكە سالايىق, 2015 جىلدىڭ 11 جەلتوقسانىندا قاراعاندى وبلىسىنىڭ قىلمىستىق ٸستەر جٶنٸندەگٸ مامانداندىرىلعان اۋدانارالىق سوتى بۇرىنعى پرەمەر-مينيستر س. احمەتوۆ پەن باسقا دا تۇلعالارعا قاتىستى ٸس بويىنشا ٷكٸم شىعاردى.
ٷكٸمگە سەيكەس, بۇرىنعى س. احمەتوۆ قر قك-نٸڭ 176-بابىنىڭ 4-بٶلٸگٸنٸڭ «ب» تارماعى (سەنiپ تاپسىرىلعان بٶتەن مٷلiكتi يەلەنiپ الۋ نەمەسە ىسىراپ ەتۋ), قر قك-نٸڭ 310-بابىنىڭ 3-بٶلٸگٸ (كەسٸپكەرلٸك قىزمەتكە زاڭسىز قاتىسۋ), قر قك-نٸڭ 307-بابىنىڭ 3-بٶلٸگٸ (قىزمەت ٶكiلەتتiگiن تەرٸس پايدالانۋ), قر قك-نٸڭ 310-1-بابىنىڭ 3-بٶلٸگٸ (زاڭدى كەسٸپكەرلٸك قىزمەتكە كەدەرگٸ كەلتٸرۋ) بويىنشا كٸنەلٸ دەپ تانىلدى. وعان 10 جىل مەرزٸمگە باس بوستاندىعىنان ايىرۋ جازاسى تاعايىندالدى, سونداي-اق وعان مٷلكٸن تەركٸلەۋ جەنە مەملەكەتتٸك ورگانداردا لاۋازىمدى قىزمەت اتقارۋ قۇقىعىنان 5 جىلعا ايىرۋ بەلگٸلەندٸ. س.احمەتوۆ سوت زالىندا قاماۋعا الىندى.
قاراعاندى وبلىستىق سوتىنىڭ قىلمىستىق ٸستەر بويىنشا اپەللياتسييالىق سوتى 2016 جىلدىڭ 14 ناۋرىزىندا جەمقورلىق قىلمىستىق ٸسكە قاتىستى سوتتى بولعان 11 ادامنىڭ جازاسىن جەڭٸلدەتتٸ. سونىڭ ٸشٸندە سەرٸك احمەتوۆتٸڭ جازاسى 10 جىلدان 8 جىلعا دەيٸن ازايتىلدى.
قاراعاندى وبلىسىنىڭ اباي اۋداندىق سوتى 2017 جىلدىڭ 19 قاڭتارىندا احمەتوۆكە قاتىستى«قر تەۋەلسٸزدٸگٸنٸڭ 25 جىلدىعىنا وراي راقىمشىلىق جاساۋ تۋرالى» قر زاڭىنا سەيكەس راقىمشىلىق جاساپ, ونىڭ جازاسىنىڭ ٶتەلمەگەن تٶرتتەن بٸر بٶلٸگٸن 1 جىل 7 اي 11 كٷنگە قىسقارتتى.
