توقتار وڭعاربايۇلى ەۋبەكٸروۆ 1946 جىلى 27 شٸلدەدە قاراعاندى وبلىسى قارقارالى اۋدانىندا دٷنيەگە كەلگەن.
ول 1988 جىلى كەڭەس وداعىندا تۇڭعىش رەت جانارماي قۇيدىرۋ ارقىلى سولتٷستٸك پوليۋسكە ۇشۋ ساپارىن ەرلٸكپەن ورىندادى. وسى كەزدە اۆياتسييا سالاسىنداعى ەرەن ەڭبەگٸ ٷشٸن توقتار ەۋبەكٸروۆكە «كەڭەس وداعىنىڭ باتىرى» اتاعى بەرٸلدٸ.
1991 جىلى 2 قازاندا تۇڭعىش قازاق عارىشكەرٸ توقتار ەۋبەكٸروۆ ەل تاريحىندا ٶشپەس ٸز قالدىردى. عارىشقا كٶتەرٸلەر سەتتە انا تٸلٸمٸزدە «حالقىم, سەن ٷشٸن وتقا دا, سۋعا دا تٷسۋگە دايىنمىن!» دەپ ۇران تاستاعان باتىردىڭ بۇل سٶزٸ وتانعا دەگەن ٶشپەس ماحابباتتىڭ ٷلگٸسٸ.
عارىشتا 7 كٷن, 22 ساعات, 13 مينۋت ماڭىزدى زەرتتەۋلەر جٷرگٸزگەن حالىق قاھارمانىنىڭ ەرلٸگٸ ەل جادىنان ٶشپەيدٸ!
