بٷگٸن ەلٸمٸزدە قازاق تازىسى مەن تٶبەتٸ كٷنٸ العاش رەت اتالىپ ٶتٸپ جاتىر. بۇل تۋرالى پرەزيدەنتتٸڭ باسپاسٶز حاتشىسى ايبەك سماديياروۆ مەلٸمدەدٸ, دەپ حابارلايدى ult.kz.
ونىڭ ايتۋىنشا, قۇماي تازى – قازاق حالقىنىڭ جەتٸ قازىناسىنىڭ بٸرٸ. تازى مەن تٶبەت عاسىرلار بويى كٶشپەندٸلەردٸڭ تۇرمىس-تٸرشٸلٸگٸمەن بٸتە قايناسىپ, ۇلتتىق مەدەنيەت پەن تاريحي مۇرانىڭ اجىراماس بٶلٸگٸنە اينالعان.
مەملەكەت باسشىسى قاسىم-جومارت توقاەۆ قازاقى يت تۇقىمدارىن ساقتاۋعا, كٶبەيتۋگە جەنە ولاردى حالىقارالىق دەڭگەيدە ناسيحاتتاۋعا ەرەكشە مەن بەرٸپ كەلەدٸ.
پرەزيدەنتتٸڭ تاپسىرماسىمەن سوڭعى جىلدارى بۇل باعىتتا بٸرقاتار جۇمىس اتقارىلعان. اتاپ ايتقاندا, قازاقى يت تۇقىمدارىن ساقتاۋ جەنە ٶسٸمٸن مولايتۋ تۋرالى زاڭ قابىلدانىپ, قازاقستان حالىقارالىق كينولوگييا فەدەراتسيياسىنىڭ مٷشەلٸگٸنە ەندٸ.
2024 جىلى قازاق تازىسى حالىقارالىق دەڭگەيدە الدىن الا مويىندالىپ, قازاقستان ونىڭ شىققان جەرٸ رەتٸندە رەسمي تٷردە بەكٸتٸلدٸ.
قازٸر قازاقتىڭ قۇماي تازىلارى حالىقارالىق ٸرٸ كٶرمەلەردە جٷلدەلٸ ورىندارعا يە بولىپ جٷر. اسىل تۇقىمدى يتتەردٸ كٶبەيتۋ جۇمىستارى دا قارقىن الىپ, تازى اسىراۋشىلاردىڭ قاتارى ارتىپ كەلەدٸ.
سونىمەن قاتار قازاقى يت تۇقىمدارى ۇلتتىق ورتالىعىنىڭ قۇرىلىسى اياقتالۋعا جاقىن.
ايبەك سماديياروۆتىڭ سٶزٸنشە, قازاق تازىسى مەن تٶبەتٸ كٷنٸن اتاپ ٶتۋ – ۇلتتىق مۇرانى ساقتاپ قانا قويماي, قازاقى يت تۇقىمدارىن ەلەمگە تانىتۋعا مٷمكٸندٸك بەرەتٸن ماڭىزدى قادام.
