Búgin elimizde Qazaq tazysy men tóbeti kúni alǵash ret atalyp ótip jatyr. Bul týraly Prezidenttiń baspasóz hatshysy Aibek Smadiiarov málimdedi, dep habarlaidy ult.kz.
Onyń aitýynsha, qumai tazy – qazaq halqynyń jeti qazynasynyń biri. Tazy men tóbet ǵasyrlar boiy kóshpendilerdiń turmys-tirshiligimen bite qainasyp, ulttyq mádeniet pen tarihi muranyń ajyramas bóligine ainalǵan.
Memleket basshysy Qasym-Jomart Toqaev qazaqy it tuqymdaryn saqtaýǵa, kóbeitýge jáne olardy halyqaralyq deńgeide nasihattaýǵa erekshe mán berip keledi.
Prezidenttiń tapsyrmasymen sońǵy jyldary bul baǵytta birqatar jumys atqarylǵan. Atap aitqanda, qazaqy it tuqymdaryn saqtaý jáne ósimin molaitý týraly zań qabyldanyp, Qazaqstan Halyqaralyq kinologiia federatsiiasynyń músheligine endi.
2024 jyly qazaq tazysy halyqaralyq deńgeide aldyn ala moiyndalyp, Qazaqstan onyń shyqqan jeri retinde resmi túrde bekitildi.
Qazir qazaqtyń qumai tazylary halyqaralyq iri kórmelerde júldeli oryndarǵa ie bolyp júr. Asyl tuqymdy itterdi kóbeitý jumystary da qarqyn alyp, tazy asyraýshylardyń qatary artyp keledi.
Sonymen qatar Qazaqy it tuqymdary ulttyq ortalyǵynyń qurylysy aiaqtalýǵa jaqyn.
Aibek Smadiiarovtyń sózinshe, Qazaq tazysy men tóbeti kúnin atap ótý – ulttyq murany saqtap qana qoimai, qazaqy it tuqymdaryn álemge tanytýǵa múmkindik beretin mańyzdy qadam.
