بٷگٸن ەلٸمٸزدەگٸ مەكتەپتەردٸڭ بەرٸندە سوڭعى قوڭىراۋ سوعىلىپ, تٷلەكتەر ٷلكەن ٶمٸرگە قانات قاعادى, دەپ حابارلايدى "ۇلت اقپارات".
پاندەمييا وسىمەن ەكٸنشٸ جىل قاتارىنان مەكتەپتەردەگٸ سوڭعى قوڭىراۋ رەسٸمٸنە ٶزگەرٸس ەنگٸزٸپ وتىر. 2020-2021 وقۋ جىلىندا 3 ملن 400 مىڭ بالا مەكتەپتە بٸلٸم الدى. ونىڭ ٸشٸندە قورىتىندى اتتەستاتتاۋعا باراتىن 264 800-دەن استام 9 سىنىپ تٷلەگٸ, 154 400-دەن استام 11 سىنىپ تٷلەگٸ بار.
بٸلٸم جەنە عىلىم مينيسترلٸگٸ بيىلعى سوڭعى قوڭىراۋ شارالارىن ٷش تٷرلٸ فورماتتا ٶتكٸزۋگە رۇقسات بەرٸپ وتىر. مەكتەپكە دەيٸنگٸ جەنە ورتا بٸلٸم بەرۋ كوميتەتٸنٸڭ تٶراعاسى مايرا مەلدەبەكوۆانىڭ ايتۋىنشا, دەستٷرلٸ فورماتتاعى سوڭعى قوڭىراۋ نەگٸزٸنەن 9 جەنە 11 سىنىپ تٷلەكتەرٸ ٷشٸن ۇيىمداستىرىلماق. بٸراق ٶزگە سىنىپتارعا جاپپاي شەكتەۋ قويىلىپ وتىرعان جوق.
«ەرتەڭ – ەلٸمٸزدەگٸ مەكتەپتەردٸڭ بەرٸ ٷشٸن سوڭعى قوڭىراۋ كٷنٸ. ونى ٶتكٸزۋ فورماتى بويىنشا بٸلٸم جەنە عىلىم مينيسترلٸگٸنٸڭ تاراپىنان مەتوديكالىق نۇسقاۋلىق جٸبەرٸلدٸ. ناقتىراق ايتساق, بٸرنەشە فورمات ۇسىنىلدى. بٸرٸنشٸدەن, اتتەستات الاتىن سىنىپتار ٷشٸن مەكتەپتەگٸ سوڭعى قوڭىراۋ ەكەنٸن ەسكەرە وتىرىپ, 9-11 سىنىپتارعا دەستٷرلٸ فورماتتا ٶتكٸزۋدٸ ۇسىندىق. ەكٸنشٸ فورمات بويىنشا ەر سىنىپ جەكە ٶتكٸزە الادى. جەكە وقۋشىلاردى شاقىرىپ تا, سىنىپ ساعاتى رەتٸندە دە ٶتكٸزۋگە بولادى. ٷشٸنشٸدەن, ٶزدەرٸ ٷيرەنگەن ونلاين فورمات بويىنشا ٶتكٸزە الادى», - دەيدٸ مايرا مەلدەباەۆا.
ەلدەگٸ ەپيدەميولوگييالىق احۋالعا بايلانىستى تٷلەكتەرگە اتتەستات تاپسىرۋ سالتاناتى ەر مەكتەپتٸڭ اۋلاسىندا ٶتۋٸ تيٸس. ياعني, بۇرىنعىداي ورتالىق الاڭداردا سالتاناتتى شارالار ۇيىمداستىرۋعا تىيىم سالىنىپ وتىر. بٸلٸم جەنە عىلىم مينيسترلٸگٸ اتتەستات تاپسىرۋ سالتاناتىنىڭ سوڭىن دۋماندى كەشكە ۇلاستىرۋعا دا جول بەرٸلمەيتٸنٸن ەسكەرتتٸ.
«بٸرٸنشٸدەن, بۇل ٸستٸ جەرگٸلٸكتٸ اتقارۋشى ورگاندار قاداعالاۋى كەرەك. بٸلٸم جەنە عىلىم مينيسترلٸگٸ تاراپىنان مەتوديكالىق نۇسقاۋ بەرٸلدٸ. سالتاناتتى شارا تەك مەكتەپتٸڭ اۋلاسىندا بولادى. ياعني, اتتەستات تاپسىرۋ رەسٸمٸ كەستە بويىنشا ٶتەدٸ. ودان ەرٸ قاراي جالعاستىرىپ, كەش ۇيىمداستىرۋعا مٷلدەم تىيىم سالىنعان. مۇعالٸمدەر وقۋشىلار اتتەستات العانشا بايلانىستا بولادى. ەربٸر وقۋشى, ەربٸر اتا-انا, ەربٸر مۇعالٸم قاۋٸپسٸزدٸك ٷشٸن تىيىم سالىنىپ وتىرعانىن تٷسٸنۋٸ كەرەك. سانتيتارلىق-ەپيدەميولوگييالىق احۋالعا بايلانىستى تٷسٸنٸستٸكپەن قاراعانى جٶن», - دەيدٸ مەكتەپكە دەيٸنگٸ جەنە ورتا بٸلٸم بەرۋ كوميتەتٸنٸڭ تٶراعاسى مايرا مەلدەبەكوۆا.
ەڭ باستىسى, بٷگٸن سوڭعى قوڭىراۋ سوعىلعانىمەن, وقۋ جىلى تولىق اياقتالمايدى. بٸلٸم جەنە عىلىم مينيسترلٸگٸ قاشىقتان وقىتۋدا كەتكەن ولقىلىقتاردىڭ ورنىن تولتىرۋ ٷشٸن 26 مامىر مەن 19 ماۋسىم ارالىعىندا جازعى مەكتەپ جوباسىن ٸسكە اسىرۋ تۋرالى شەشٸم قابىلداعان بولاتىن. وعان وقۋشىلاردىڭ قاتىسۋىن اتا-انالاردىڭ ٶزٸ شەشەدٸ. ياعني, كٸم دە كٸم بالاسى وقۋ جىلىندا الۋى تيٸس بٸلٸمدٸ تولىق مەڭگەرمەدٸ دەپ ەسەپتەسە, جازعى مەكتەپكە جازىلا الادى. «بەسٸنشٸ توقسان» وقۋشىلارىنا بٸلٸم الۋدىڭ بٸرنەشە فورماتى ۇسىنىلماق.
«قوسىمشا ساباقتار اتا-انانىڭ قالاۋىمەن ٶتكٸزٸلەدٸ. ونىڭ فورماتى دا ەرتٷرلٸ بولادى. كەيبٸر مەكتەپتەردە سىنىپتار دەستٷرلٸ فورماتتا جۇمىس ٸستەۋٸ مٷمكٸن نەمەسە ەر وقۋشىمەن جەكە جۇمىس جٷرگٸزٸلۋٸ مٷمكٸن. ياعني, فورمات وقۋشىنىڭ قانداي تاقىرىپتى يگەرمەگەنٸنە بايلانىستى بولادى», - دەدٸ مايرا مەلدەبەكوۆا.
