فوتو: akorda.kz
بٷگٸن قازاقستاننىڭ مەديتسينا سالاسىنىڭ ٶكٸلدەرٸ كەسٸبي مەركەلەرٸن اتاپ ٶتەدٸ. ەلٸمٸزدە ماۋسىمنىڭ əر ٷشٸنشٸ جەكسەنبٸسٸ – مەديتسينا قىزمەتكەرلەرٸنٸڭ كٷنٸ. بۇل كٷندٸ اتاپ ٶتۋ قر پرەزيدەنتٸنٸڭ 1998 جىلعى جارلىعىمەن بەلگٸلەندٸ.
وسىعان وراي اقوردادا مەملەكەت باسشىسى ەلٸمٸزدٸڭ مەديتسينا قىزمەتكەرلەرٸن كەسٸبي مەرەكەسٸمەن قۇتتىقتادى.
پرەزيدەنتتٸڭ جارلىعىمەن وتاندىق مەديتسينانى دامىتۋعا ەلەۋلٸ ٷلەس قوسقان ماماندار ماراپاتتالدى.
– راسىندا, دەرٸگەر بولۋ – جٷرەكتٸڭ ٸسٸ. بۇل – ەكٸنٸڭ بٸرٸ اياق باسا بەرمەيتٸن جٷگٸ اۋىر, كٷردەلٸ جۇمىس. مەديتسينا قىزمەتكەرلەرٸ – ۇلت ساۋلىعىنىڭ ساقشىلارى, ەڭ قادٸرلٸ ماماندىق يەلەرٸ. ەسٸرەسە, جاھاندىق ٸندەت, ياعني كوۆيد كەزٸندە بٷكٸل ەل دەرٸگەرلەردٸڭ ادال قىزمەتٸنە كۋە بولدى. كٷردەلٸ كەزەڭدە مەديتسينا ماماندارى مىڭداعان ادامدى قۇتقارىپ قالدى. بٸز ابزال جانداردىڭ تاباندى ەڭبەگٸن باعالايمىز. ولاردىڭ قايسارلىعىن ماقتان تۇتامىز. «بٸر ادامنىڭ ٶمٸرٸن قۇتقارۋ بارشا ادامزاتتى قۇتقارۋمەن بٸردەي». دەرٸگەرلەر وتا كەزٸندە, اۋرۋحانا پالاتاسىندا كٷن سايىن ەرلٸك جاسايدى دەسەك, ارتىق بولمايدى. جەدەل جەردەم كٶلٸگٸندە ادام ٶمٸرٸنە اراشا تٷسەتٸن سەتتەر بولادى. سوندىقتان سٸزدەر, قۇرمەتتٸ مەديتسينا قىزمەتكەرلەرٸ, بەيبٸت كٷننٸڭ باتىرلارى دەگەن اتقا لايىقسىزدار. مەن بارشا مەديتسينا ماماندارىنا زور ريزاشىلىعىمدى بٸلدٸرەمٸن, – دەدٸ قاسىم-جومارت توقاەۆ.
بٷگٸندە ەلٸمٸزدٸڭ دەنساۋلىق ساقتاۋ سالاسىندا 380 مىڭعا جۋىق ادام جۇمىس ٸستەيدٸ. ەر ماماننىڭ ەڭبەگٸ وراسان زور. ۇلت ساۋلىعىن ساقتاۋعا بٷكٸل ٶمٸرٸن ارناعان تۇتاس ەۋلەتتەر بار.
جىل سايىن 45 مەملەكەتتەن شامامەن 10 مىڭ ادام قازاقستانعا ەمدەلۋ ٷشٸن ارنايى كەلەدٸ. بۇل ەلٸمٸزدەگٸ دەرٸگەرلٸك كٶمەكتٸڭ ساپاسى جوعارى ەكەنٸن كٶرسەتەدٸ.
ايتا كەتەيٸك, ەلٸمٸزدە ورتاشا ٶمٸر سٷرۋ ۇزاقتىعى 75,4 جاسقا جەتتٸ. مەديتسينالىق نىساندار قاتارى كٶبەيٸپ, تەحنيكالىق بازاسى نىعايتىلىپ جاتىر.
- بەس جىلدا 800-گە جۋىق دەنساۋلىق ساقتاۋ نىسانى, ياعني كٶپتەگەن ەمحانا مەن اۋرۋحانا سالىندى. بۇل جۇمىس توقتامايدى, مەملەكەت الداعى ۋاقىتتا دا ينفراقۇرىلىمدى دامىتا بەرەدٸ. ۇلت ساۋلىعىن جاقسارتۋ العاشقى مەديتسينالىق كٶمەكتەن باستالادى. ەلٸمٸزدە اۋىلدىق جەردەگٸ مەديتسينا جٷيەسٸن جاڭعىرتۋعا ارنالعان ۇلتتىق جوبا جٷزەگە اسىرىلىپ جاتىر. بٷگٸندە 469 عيمارات بوي كٶتەردٸ. جىل سوڭىنا دەيٸن تاعى 186 نىسان سالىنادى. اۋداندىق اۋرۋحانالار زامانعا ساي قۇرالدارمەن جابدىقتالىپ جاتىر, – دەدٸ پرەزيدەنت.
پرەزيدەنتتٸڭ تاپسىرماسىمەن بىلتىردان باستاپ «قازاقستاننىڭ ەڭبەك سٸڭٸرگەن دەرٸگەرٸ» اتاعى بەرٸلە باستادى. بۇل – مەديتسينا قىزمەتكەرلەرٸنە دەگەن ايرىقشا قۇرمەتتٸڭ بەلگٸسٸ. وسى ورايدا اباي بايگەنجين ەلٸمٸزدە العاش بولىپ «قازاقستاننىڭ ەڭبەك سٸڭٸرگەن دەرٸگەرٸ» اتاعىن الدى.
