15 قاراشا - اقىن, جازۋشى, دراماتۋرگ بەيٸمبەت (بيمۇحامەد) جارماعامبەتۇلى مايليننٸڭ تۋعان كٷنٸ, دەپ حابارلايدى "ۇلت اقپارات".
بەيٸمبەت مايلين 1894 جىلى قوستاناي وبلىسىندا تۋعان. ارعىنباي قاجىنىڭ مەدرەسەسٸندە, قوستانايداعى ورىس-قازاق مەكتەبٸندە, ۋفاداعى عالييا مەدرەسەسٸندە, ترويتسك قالاسىنداعى ۋەزيفا مەدرەسەسٸندە وقىعان.
1923-1925 جىلدارى قوستاناي گۋبەرنييالىق «اۋىل» گازەتٸندە, 1925-1928 جىلدارى «ەڭبەكشٸ قازاق» گازەتٸندە, 1928-1932 جىلدارى رەسپۋبليكالىق «اۋىل تٸلٸ» گازەتٸندە ەدەبي قىزمەتكەر, رەداكتور بولدى. 1932-1937 جىلدارى - «سوتسياليستٸك قازاقستان» گازەتٸنٸڭ بٶلٸم مەڭگەرۋشٸسٸ, رەداكتوردىڭ ورىنباسارى, «قازاق ەدەبيەتٸ» گازەتٸنٸڭ باس رەداكتورى قىزمەتتەرٸن اتقارعان.
ۋفاداعى عالييا مەدرەسەسٸندە وقىعان جىلدارى تاتاردىڭ ع.يبراگيموۆ, م.عافۋري سىندى اقىن-جازۋشىلارىمەن شىعارماشىلىق بايلانىستا بولدى. وسى وقۋ ورنىنداعى «ساداق» قولجازبا جۋرنالىندا «مۇسىلماندىق بەلگٸسٸ» اتتى تۇڭعىش ٶلەڭٸ جارىق كٶردٸ. ونىڭ العاشقى شىعارمالارى - «قوستاناي ۋەزٸ, دامبار بولىسى» وچەركٸ, «مۇقتاجدىق», «كٶڭٸلٸمە» اتتى ٶلەڭٸ, «مال», «شۇعانىڭ بەلگٸسٸ» پوۆەسٸ, «بولعان ٸس» ەڭگٸمەسٸ «ايقاپ» جۋرنالىندا, «قازاق» گازەتٸندە جارييالاندى. «كەدەيگە», «گٷلدەنسە اۋىل - گٷلدەنەمٸز بەرٸمٸز», «جازعى جايلاۋدا», «ناۋرىز تٷلەگٸ», «كٶك سيىر», «بٸزدٸڭ جاستار», «مىرقىمباي», «ەيت, شۋ... الا اتىم», «قاراسور», «بەر, مىرقىمباي, قولىڭدى!», «ەي, مىرقىمباي», «بايدىڭ قىزى», «رەزييا قىز», «قاشقىن كەلٸنشەك», «زايكٷل», «مارجان», «قاندى كەك», «سەكسەن سوم», «كٷلپاش», «تالاق», «قارا شەلەك», «اقتالعان ەڭبەك», «سارى الا تون», «شاپايدىڭ حاتى», «ارىستانبايدىڭ مۇقىشى», «داۋدىڭ باسى - دايرابايدىڭ كٶك سيىرى», «بيعايشانىڭ حاتى», «اشتىق قۇربانى», «سويقاندى سودىرلار», «كەسٸندٸلەر», «الىپتاردى ارالاعاندا», «شۇعانىڭ بەلگٸسٸ», «راۋشان - كوممۋنيست», «ازامات ازاماتىچ», «قىزىل جالاۋ», «قوڭسىلار», «تارتىس» اتتى پوەمالار, فەلەتوندار, وچەركتەر, پوۆەستەر مەن رومانداردىڭ, 25 پەسانىڭ, ليبرەتتو مەن ستسەنارييلەردٸڭ اۆتورى.
بەيٸمبەت مايلين 1938 جىلى جازىقسىز تۇتقىندالىپ, ساياسي رەپرەسسييانىڭ قۇربانى بولدى. ونىڭ ەيەلٸ گٷلجامال مايلينا دا قاماۋعا الىنىپ, قارلاگ-قا جٸبەرٸلگەن.
2019 جىلدىڭ 25 ماۋسىمىندا قر پرەزيدەنتٸ قاسىم-جومارت توقاەۆتىڭ جارلىعىمەن قوستاناي وبلىسىنىڭ تاران اۋدانى بەيٸمبەت مايلين اۋدانى بولىپ ٶزگەردٸ.
