فوتو: ۆيدەودان الىنعان سكرين
بٷگٸن — استانا كٷنٸ. سوعان وراي, قالادا 100-دەن استام مەرەكەلٸك ٸس-شارا ۇيىمداستىرىلىپ جاتىر. Jibek Joly ارناسىنىڭ «بٷگٸن LIVE» باعدارلاماسىنا قوناق بولعان استانا قالاسى مەدەنيەت جەنە ٶنەردٸ دامىتۋ بٶلٸمٸنٸڭ باسشىسى قالا قوناقتارىن قانداي توسىن سىيلار كٷتٸپ تۇرعانىن باياندادى.
— استانا قالاسىنىڭ ەكٸمدٸگٸ استانا كٷنٸنە وراي 100-دەن استام ٸس-شارا ۇيىمداستىرۋدى جوسپارلاعان. بۇل شارالاردىڭ قاتارىندا مەدەني-بۇقارالىق, سپورتتىق جەنە ەلەۋمەتتٸك باعىتتاعى باعدارلامالار قامتىلعان.
قالالىق مەدەنيەت باسقارماسى قۇرامىنداعى 14 مەكەمەنٸڭ بارلىق ۇجىمى مەرەكەگە بەلسەنە قاتىسادى.
5–6 شٸلدە كٷندەرٸ ەزٸربايجان مەمبەتوۆ اتىنداعى تەاتردا «ارماندار ورىندالادى» قويىلىمىنىڭ تۇساۋى كەسٸلەدٸ. ەرەكشەلٸگٸ — قويىلىمعا كەسٸبي ەرتٸستەر ەمەس, تٷرلٸ جۇمىسشى ماماندىق يەلەرٸ قاتىسادى.
سونداي-اق قالالىق «پەرفومانس» فەستيۆالٸ ٶتەدٸ. ول ورتالىق «Jetisu» ساياباعىندا شەرۋ تٷرٸندەگٸ ساحنالىق كوستيۋمدەرمەن باستالىپ, اشىق اسپان استىنداعى قويىلىمدارمەن جالعاسادى. كٸرۋ — تەگٸن.
6 شٸلدە كٷنٸ قالانىڭ شەت ايماقتارىنداعى 6 اۋداننىڭ 15 تۇرعىن ٷي الابىندا كٷندٸز كونتسەرت ٶتەدٸ.
كەشكە Astana Arena ستاديونىندا Open Air كونتسەرتٸ ۇيىمداستىرىلادى. وندا قازىبەك قۇرايىش, «دوس-مۇقاسان», Nazima, 2rar سىندى تانىمال ورىنداۋشىلار ٶنەر كٶرسەتەدٸ.
دەل سول سەتتە «قازاق ەلٸ» الاڭىندا جاستارعا ارنالعان Jastar Energy كونتسەرتٸ ٶتەدٸ. ميراس جٷنٸسوۆ, Artur جەنە ەرلان قاناتۇلى ساحناعا شىعادى, — دەيدٸ اقەركە جۇماباەۆا.
مەرەكە قارساڭىندا استانا قالاسىنىڭ تۇرعىندارى مەن قوناقتارىنا ارنالعان وتباسىلىق شارالار دا ۇيىمداستىرىلماق.
— استانا قالاسىندا «مەرەكەلٸك ساياباق» جوباسى اياسىندا اشىق اسپان استىندا تٷرلٸ وتباسىلىق ٸس-شارالار ٶتەدٸ. بالالارعا سۋرەت سالۋ, بەينەلەۋ, وتباسى بولىپ قاتىساتىن شىعارماشىلىق بەلسەندٸلٸكتەر ۇيىمداستىرىلادى.
سونىمەن قاتار, 1 ماۋسىمنان باستاپ «وتباسى TIME» جوباسى ٸسكە قوسىلعان. دەمالىس كٷندەرٸ قالا ساياباقتارىندا مەدەني-بۇقارالىق ٸس-شارالار مەن اشىق اسپان استىنداعى كينو كٶرسەتٸلٸمدەرٸ ٶتٸپ جاتىر. بۇل جوبالار وتباسىلارعا ارنالعان ساپالى ەرٸ مازمۇندى دەمالىس ۇسىنۋدى كٶزدەيدٸ, — دەيدٸ استانا قالاسى مەدەنيەت جەنە ٶنەردٸ دامىتۋ بٶلٸمٸنٸڭ باسشىسى.
اقەركە جۇماباەۆا استانالىق وتباسىلاردى ەكولوگييالىق شاراعا دا اتسالىسۋعا شاقىردى.
— استانا قالاسىنىڭ تازالىعىنا باسا مەن بەرٸلٸپ وتىر. «تازا قازاقستان» اكتسيياسى اياسىندا قولدانىلعان پلاستيك قاقپاقتاردان 4 مەترلٸك مىسىق مٷسٸنٸ جاسالادى.
كەز كەلگەن وتباسى ٶز پلاستيك قاقپاقتارىن ەكەلٸپ, وسى شاراعا قاتىسا الادى. بۇل جوبا ارقىلى سانالى تۇتىنۋ مەن ەكولوگييالىق مەدەنيەتتٸ قالىپتاستىرۋ ماقسات ەتٸلگەن.
سونىمەن قاتار, قالاداعى حالىقتىڭ تىعىزدىعى ەسكەرٸلٸپ, ٸس-شارالار بٸرنەشە جەردە قاتار ۇيىمداستىرىلادى, — دەدٸ ول.
ايتا كەتەلٸك بٷگٸن ورتالىق ازييا مەن ەۋرازييا كەڭٸستٸگٸندەگٸ ماڭىزدى ساياسي, ەكونوميكالىق جەنە مەدەني ورتالىققا اينالعان ەلوردامىز – استانا كٷنٸ.
