بۋبليك پەن گولۋبەۆ رولان گارروستىڭ جارتىلاي فينالىنا شىقتى

قازاقستاندىقتار الەكساندر بۋبليك پەن اندرەي گولۋبەۆ جۇپتىق سىندا رولان گارروس تۋرنيرٸنٸڭ جارتىلاي فينالىنا شىقتى, دەپ حابارلايدى "ۇلت اقپارات".

قازاقستاندىق جۇپ فرانتسييا اشىق چەمپيوناتىنىڭ شيرەك فينالىندا موناكولىق حيۋگو نيس - گەرمانييالىق تيم پيۋتسپەن كٷش سىناستى.

ا.بۋبليك پەن ا.گولۋبەۆ ماتچتى بٸردەن برەيكپەن باستادى – 2:0. تاعى بٸر برەيك – 5:2. بۇدان كەيٸن موناكولىق-گەرمانييالىق جۇپ ەسەپتٸ قىسقارتقانىمەن, سەت قازاقستاندىقتاردىڭ ەنشٸسٸندە كەتتٸ – 6:4.

قازاقستاندىق جۇپ ەكٸنشٸ سەتتە دە 2:0 ەسەبٸمەن العا شىقتى. اقىرى وسى باسىمدىلىقتى ساقتاپ, كەزدەسۋدٸ سەتتٸ اياقتادى – 6:4.

بەسەكە 1 ساعات 16 مينۋتقا سوزىلدى. 

قازاقستاندىق جۇپ فينالعا شىعۋ ٷشٸن يسپانييالىقتار پابلو اندۋحار – پەدرو مارتينەسپەن تالاسادى.

وسىلايشا ا.بۋبليك پەن ا.گولۋبەۆ جۇپتىق سىندا قازاقستان تەننيسٸ تاريحىندا تۇڭعىش رەت فرانتسييا اشىق چەمپيوناتىنىڭ جارتىلاي فينالىنا شىعىپ وتىر.

ەسكە سالا كەتەيٸك, بۇدان بۇرىن ەلەنا رىباكينانىڭ «ٷلكەن دۋلىعا» تۋرنيرٸنٸڭ 23 دٷركٸن چەمپيونى سەرەنا ۋيليامستٸ ۇتقانىن, تيموفەي سكاتوۆتىڭ الماتى جارىسىن جەڭٸسپەن باستاعانىن جازعان بولاتىنبىز.

سونداي-اق ە.رىباكينا جۇپتىق سىندا دا رولان گارروس تۋرنيرٸنٸڭ شيرەك فينالىنا شىقتى.