بريۋسسەلدە قازاقستان-ەۋروپا ىنتىماقتاستىعىنىڭ جاڭا بەلەستەرٸ تالقىلاندى, دەپ حابارلايدى "ۇلت اقپارات" قر سىرتقى ٸستەر مينيسترلٸگٸنٸڭ باسپاسٶز قىزمەتٸنە سٸلتەمە جاساپ.
قازاقستاننىڭ ەو جانىنداعى ٶكٸلٸ, ەلشٸ مارعۇلان بايمۇحان «ەۋروپالىق قاتىناستار» سالاسىندا ماماندار دايارلاۋ جٶنٸندەگٸ جەتەكشٸ جوعارى وقۋ ورنىنىڭ باسشىسى, «ەۋروپا كوللەدجٸنٸڭ» رەكتورى, ەۋروپالىق وداقتىڭ بۇرىنعى سىرتقى ٸستەر جەنە قاۋٸپسٸزدٸك ساياساتى جٶنٸندەگٸ جوعارعى ٶكٸلٸ جەنە ەۋروپالىق كوميسسييانىڭ ۆيتسە-پرەزيدەنتٸ فەدەريكا موگەرينيمەن قازاقستان-ەۋروپالىق ىنتىماقتاستىق مەسەلەلەرٸن, سونداي-اق «ەۋروپالىق قاتىناستار» سالاسىندا ماماندار دايارلاۋ مٷمكٸندٸكتەرٸن تالقىلادى.
ف.موگەرينيدٸڭ پٸكٸرٸنشە, قازاقستان مەن ەو تيٸمدٸ سەرٸكتەستٸك قۇرۋعا ۇمتىلاتىن ەكٸجاقتى مٷددەگە نەگٸزدەلگەن سەنٸمدٸ ديالوگ قۇرا الدى.
ف. موگەرينيدٸڭ قر-ەو قارىم-قاتىناستارىن دامىتۋعا قوسقان ٷلەسٸ ەرەكشە ەكەنٸن اتاپ ٶتكەن جٶن. ەو سىرتقى ساياسي ۆەدومستۆوسىنىڭ باسشىسى رەتٸندە ول قازاقستان مەن ەۋروپالىق وداق اراسىنداعى كەڭەيتٸلگەن ەرٸپتەستٸك پەن ىنتىماقتاستىق تۋرالى كەلٸسٸمدٸ تالقىلاۋعا قاتىستى جەنە وعان قول قويدى. بۇل كەلٸسٸم ٶڭٸردەگٸ وسى ٸسپەتتەس العاشقى قۇجات بولىپ تابىلادى. بٷگٸنگٸ تاڭدا كەلٸسٸم قازاقستان مەن ەو اراسىنداعى ىنتىماقتاستىقتى جاڭا دەڭگەيگە شىعارىپ, ەكٸجاقتى قاتىناستاردىڭ كەڭ اۋقىمىن قامتيدى.
سونداي-اق, 2019 جىلى ەو-ورتالىق ازييا فورماتىنداعى قاتىناستارعا جاڭا سەرپٸن بەرگەن, ەۋروپالىق وداقتىڭ ورتالىق ازييا بويىنشا جاڭا ستراتەگيياسى قابىلداندى.
كەزدەسۋ بارىسىندا قازاقستانداعى ساياسي جەنە ەكونوميكالىق رەفورمالار, قر جەنە ەو اۋماعىنداعى ۆاكتسينالاۋ ٷردٸسٸنٸڭ ەرەكشەلٸكتەرٸ, قازاقستاندىق «QazVac» ۆاكتسيناسىن ٶندٸرۋ جەنە پايدالانۋ مەسەلەلەرٸ تالقىلاندى.
تاراپتار يادرولىق قارۋعا قارسى قوزعالىستى ٸلگەرٸلەتۋ جەنە جاڭا حالىقارالىق باستاماعا – يادرولىق قاۋٸپسٸزدٸك پەن يادرولىق قارۋدان ازات ەلەم ٷشٸن جاھاندىق كٶشباسشىلار اليانسىن قۇرۋعا ەرەكشە توقتالدى.
بۇۇ جوعارى دەڭگەيدەگٸ توبىنىڭ تەڭ تٶراعاسى جەنە يادرولىق قارۋدى تاراتپاۋ مەسەلەلەرٸمەن بەلسەندٸ اينالىسقان بۇرىنعى پارلامەنتاريي رەتٸندە ف.موگەريني باستاماعا قىزىعۋشىلىق بٸلدٸرٸپ, وسى باعىتتاعى ٶز تەجٸريبەسٸمەن بٶلٸستٸ.
تاراپتار قازاقستاندىق جوعارى وقۋ ورىندارى, ساراپشىلار قوعامداستىعى جەنە «ەۋروپا كوللەدجٸ» اراسىندا جەمٸستٸ ىنتىماقتاستىق ورناتۋ جەنە بٸرلەسكەن بٸلٸم بەرۋ جوبالارىن ٸسكە اسىرۋ مٷمكٸندٸگٸن ەگجەي-تەگجەيلٸ زەردەلەۋگە ۋاعدالاستى.
انىقتاما رەتٸندە: «ەۋروپا كوللەدجٸ» 1948 جىلى بريۋگگە (بەلگييا) اشىلدى. ەۋروپالىق قاتىناستار سالاسىنداعى ماگيسترلەردٸ دايىندايتىن اسا بەدەلدٸ جوعارى وقۋ ورنى بولىپ تابىلادى. قازٸرگٸ ۋاقىتتا بۇل جوو-دا 50-دەن استام ەلدٸڭ ستۋدەنتتەرٸ بٸلٸم الادى. ستۋدەنتتەر ەۋروپالىق قۇقىق, ەۋروپالىق ەكونوميكالىق جەنە ساياسي زەرتتەۋلەردٸ وقيدى. «ەۋروپا كوللەدجٸ» ەۋروپالىق ينستيتۋتتاردىڭ بولاشاق قىزمەتكەرلەرٸن دايارلاۋدىڭ نەگٸزگٸ ورتالىعى رەتٸندە تانىمال جەنە ەۋروپا ەلدەرٸ جەنە ٶزگە دە ەلدەرٸنٸڭ ساياسي ەليتالارى ٶكٸلدەرٸنٸڭ بٸلٸم ورداسى بولىپ تابىلادى.
