نيۋرنبەرگ سوتىندا جاۋاپ بەرٸپ تۇرعان گيتلەردٸڭ سەرٸگٸ گەرمان گەرينگ. گەرمانييا, نيۋرنبەرگ قالاسى, 21 قاراشا 1945 جىل
ۇلىبريتانييانىڭ بۇرىنعى پرەمەر-مينيسترلەرٸ گوردون براۋن مەن دجون مەيدجور جەنە ەلدٸڭ تاعى دا باسقا ساياساتكەرلەرٸ, زاڭگەرلەرٸ, عالىمدارى مەن قوعام قايراتكەرلەرٸ ۋكرايناعا باسقىنشىلىق جاساۋىنا بايلانىستى رەسەي پرەزيدەنتٸ ۆلاديمير پۋتين مەن ونىڭ اينالاسىنداعىلاردىڭ ٸس-ەرەكەتتەرٸن زەرتتەپ, تەرگەۋ ٷشٸن جاڭا حالىقارالىق تريبۋنال قۇرۋدى ۇسىندى, دەپ حابارلايدى ازاتتىق.
ەكٸنشٸ دٷنيەجٷزٸلٸك سوعىستان كەيٸن ناتسيستٸك ەسكەري قىلمىسكەرلەردٸ سوتتاۋ ٷشٸن ۇيىمداستىرىلعان نيۋرنبەرگ تريبۋنالى ٷلگٸسٸمەن حالىقارالىق سوت ورگانىن قۇرۋ تۋرالى پەتيتسيياعا 140 ادام اۆتور بولعان, وعان 780 مىڭنان استام ادام قول قويعان. قازٸر ينتەرنەتتە اشىق تۇرعان پەتيتسيياعا ەلەمنٸڭ كەز كەلگەن ازاماتى قول قويا الادى.
حالىقارالىق قىلمىستىق سوت قازٸردٸڭ ٶزٸندە پۋتيننٸڭ ۋكرايناعا باسقىنشىلىق ەرەكەتٸن زەرتتەپ جاتىر, بٸراق بي-بي-سيدٸڭ ايتۋىنا قاراعاندا ونىڭ مٷمكٸندٸگٸ شەكتەۋلٸ: بٸرٸككەن ۇلتتار ۇيىمى قاۋٸپسٸزدٸك كەڭەسٸنٸڭ سانكتسيياسىنسىز قىلمىستىق جاۋاپقا تارتا المايدى, ال قاۋٸپسٸزدٸك كەڭەسٸنٸڭ شەشٸمٸنە رەسەي ۆەتو قويا الادى.
بريتانييا ساياساتكەرلەرٸ ٶزدەرٸ ۇسىنعان تريبۋنالدى قالاي جۇمىس ٸستەتكٸسٸ كەلەتٸنٸ ەزٸرگە بەلگٸسٸز. نيۋرنبەرگ تريبۋنالى گەرمانييا جەڭٸلگەن سوڭ قۇرىلعان.
بۇعان دەيٸن اقش پرەزيدەنتٸ دجو بايدەن پۋتيندٸ "ەسكەري قىلمىسكەر" دەپ اتاعان ەدٸ. گوردون براۋن بۇل پٸكٸرمەن كەلٸسەدٸ جەنە "رەسەي بەيبٸت حالىقتىڭ تٶبەسٸنەن بومبا تاستاپ جاتىر, ونىسى – ەسكەري قىلمىس" دەپ سانايدى. ۋكراينادا سوعىس باستالعالى 3 اپتادا كٶپتەگەن ٷي مەن ازاماتتىق نىساندارعا سنارياد تٷسٸپ, جٷزدەگەن بەيبٸت ادام قازا بولعان ەدٸ. رەسەي قورعانىس مينيسترلٸگٸ "تەك قانا ەسكەري نىسانداردى اتتىق, ۋكراينا ەسكەرٸ بەيبٸت ادامداردى قالقان قىلىپ وتىر" دەگەن ۋەج ايتادى.
بريتانييانىڭ بۇرىنعى پرەمەرلەرٸنٸڭ تاعى بٸرٸ دەۆيد كەمەرون پولشاعا قاشىپ كەلگەن ۋكراينا بوسقىندارىنا گۋمانيتارلىق كٶمەك اپارا جاتقانىن ەلەۋمەتتٸك جەلٸگە جازدى.
بريتانييانىڭ قازٸرگٸ پرەمەرٸ بوريس دجونسون سەنبٸ كٷنٸ كونسەراۆتيۆتٸ پارتييا اكتيۆٸنٸڭ الدىندا سٶيلەگەندە, تٸپتٸ رەسەي اگرەسسيياسى اياقتالعان كٷندە دە ۆلاديمير پۋتينگە ىقىلاس بٸلدٸرۋدٸڭ كەرەگٸ جوق دەپ مەلٸمدەدٸ. دجونسوننىڭ سٶزٸنشە, 2014 جىلى رەسەي قىرىمدى اننەكسييالاعاندا باتىس رەاكتسيياسىنىڭ ەلسٸز بولعانى - پۋتيننٸڭ جاڭا اگرەسسيياسىنا جول اشقان. بوريس دجونسون رەسەي پرەزيدەنتٸ جۋىق ماڭدا قىزمەتٸنەن كەتە قويمايدى دەپ ەسەپتەيدٸ.
ۋكرايناعا باسقىنشىلىق باستالعالى بريتانييا مەسكەۋ ەرەكەتٸنە قاتاڭ ۇستانىمدا وتىر. ۋكرايناعا قارۋ بەرٸپ, لوندوندا بۇرىن-سوڭدى تۇرعان رەسەي بيزنەسمەندەرٸنە قاتاڭ سانكتسييا سالدى. الايدا بيلٸك وپپونەنتتەرٸ بۇل ەرەكەتتەر جەتكٸلٸكسٸز دەپ سانايدى.
