ەلەمدٸك بيرجادا Brent ماركالى مۇنايدىڭ باعاسى 6 ناۋرىزدان بەرٸ بٸرٸنشٸ رەت 43 دوللاردان استى, دەپ حابارلايدى "ۇلت اقپارات".
بيىلعى تامىز ايىندا جەتكٸزٸلەتٸن Brent ماركالى مۇناي فيۋچەرستەرٸنٸڭ باعاسى لوندوننىڭ ICE بيرجاسىندا 1,7% ٶسٸپ, باررەلٸ 43,02 دوللارعا جەتتٸ. ساۋدا الاڭىنىڭ سوڭعى مەلٸمەتتەرٸندە وسىلاي دەلٸنگەن.
مۇنايدىڭ بۇل تٷرٸنٸڭ قۇنى سوڭعى رەت 6 ناۋرىزدا 43 دوللاردان جوعارى بولعان ەدٸ. ودان كەيٸن كٷرت قۇلدىراپ كەتتٸ.
ال WTI ماركالى مۇنايدىڭ باررەلٸ 40,22 دوللار دەڭگەيٸندە تۇر. بۇل - ٶتكەن ساۋدا كەزٸندەگٸ باعادان 1,7 پايىز جوعارى.
وپەك+ مينيسترلەرٸ 6 ماۋسىمداعى كەڭەستە تاعى بٸر اي بويى, ياعني شٸلدەنٸڭ سوڭىنا دەيٸن مۇناي ٶندٸرۋدٸ ازايتۋ جٶنٸندە كەلٸسكەن بولاتىن. بۇل - مۇناي ٶندٸرٸسٸ تاريحىنداعى ەڭ اۋقىمدى تٶمەندەتۋ بولىپ وتىر.
