براكونەرلەردٸڭ قولىنان زارداپ شەككەن «وحوتزووپروم «ٶب» رمقك ورتالىق ٶڭٸرلٸك فيليالىنىڭ ينسپەكتورى سامات وسپانوۆ اۋرۋحانادان ساۋىعىپ شىقتى, دەپ حابارلايدى قازاقپارات تٸلشٸسٸ.
«ناۋقاستىڭ جاعدايى قاناعاتتانارلىق. جاراسى جازىلدى. سولجاق قولى مەن يىعىن تولىق قوزعالتا الادى. ودان ەرٸ ستانتسيونارلىق كٶمەكتٸ قاجەت ەتپەيدٸ. تەك تۇرعىلىقتى مەكەنجايى بويىنشا ەمحاناداعى حيرۋرگكە كٶرٸنٸپ تۇرادى», - دەدٸ تٸلشٸ ساۋالىنا جاۋاپ بەرگەن اقمولا وبلىستىق كٶپبەيٸندٸ اۋرۋحاناسى باس دەرٸگەرٸنٸڭ ورىنباسارى دميتريي چايكوۆ.
ناۋقاس پەن ونىڭ ەيەلٸ وبلىستىق كٶپبەيٸندٸ اۋرۋحانا, جارقايىڭ اۋداندىق اۋرۋحاناسىنىڭ, سونداي-اق, ساناۆياتسييا قىزمەتٸنٸڭ دەرٸگەرلەرٸ مەن ماماندارىنا العىستارىن بٸلدٸردٸ.
ايتا كەتەيٸك, وسىعان دەيٸن حابارلاعانىمىزداي, 23-شٸ شٸلدەدە شامامەن ساعات 11.00-دە «وحوتزووپروم «ٶب» رمقك ورتالىق ٶڭٸرلٸك فيليالىنىڭ ينسپەكتورلارى اقمولا وبلىسى جارقايىڭ اۋدانىندا تابيعاتتى قورعاۋ زاڭناماسىن بۇزعاندارعا قارسى كيٸك اتۋ فاكتٸسٸن انىقتايدى. زاڭ بۇزۋشىلاردىڭ ٸزٸنە تٷسكەن ەكٸ ينسپەكتورعا قارسى وق اتىلىپ, سونىڭ سالدارىنان 1976 جىلعى ينسپەكتور كٶز جۇمدى, ال, ونىڭ 1975 جىلعى ەرٸپتەسٸ جارالانىپ, جارقايىڭ اۋداندىق اۋرحاناعا جاتقىزىلعان ەدٸ.
قايتىس بولعان قورىقشىنىڭ ارتىندا تٶرت بالاسى – ٷش قىزى مەن بٸر ۇلى قالدى. قر پرەزيدەنتٸ قاسىم-جومارت توقاەۆ براكونەرلەردٸڭ قولىنان قازا بولعان «وحوتزووپروم «ٶب» رمقك ورتالىق ٶڭٸرلٸك فيليالىنىڭ ينسپەكتورى قانىش نۇرتازينوۆتىڭ وتباسىنا كٶڭٸل ايتتى.
وسى قىلمىسقا بايلانىستى ارنايى جەدەل-تەرگەۋ توبى قۇرىلىپ, كٷدٸكتٸلەردٸ ۇستاۋ بويىنشا كەشەندٸ شارالار قولعا الىندى. كٷدٸكتٸلەردٸ ۇستاۋعا جارقايىڭ, ەسٸل جەنە جاقسى اۋداندارىنىڭ پوليتسييا بٶلٸمٸنٸڭ جەكە قۇرامى تارتىلدى. پاترۋلدٸك قىزمەت ناريادىنان كٷدٸكتٸلەردٸڭ كٶلٸگٸنە تۇسپالداۋ بەرٸلدٸ. جارقايىڭ جەنە كٶرشٸ اۋدانداردىڭ اۋماعىندا 10 بلوك بەكەت قويىلعان بولاتىن.
ارتىنشا, بۇل ٸستٸ قر ٸشكٸ ٸستەر مينيسترٸ مەن اقمولا وبلىستىق پد باسشىسى ٶز باقىلاۋىنا الدى. سونىمەن قاتار, اتالعان وقيعاعا بايلانىستى قر قك 99 بابىنىڭ 1 بٶلٸگٸ بويىنشا قىلمىستىق ٸس قوزعالعان بولاتىن. جەدەل ٸزدەستٸرۋ شاراسى بارىسىندا كٷدٸكتٸلەر ارقالىق قالاسىنىڭ 45 جاستاعى تۇرعىنى مەن ونىڭ 20 جاستاعى بالاسى ۇستالدى.
كەيٸن وسى وقيعادان قازا تاپقان «وحوتزووپروم» ٶب» رمقك ينسپەكتورى قانىش سەرٸكۇلى نۇرتازينوۆقا قر پرەزيدەنتٸ قاسىم-جومارت توقاەۆ تاعايىنداعان مەملەكەتتٸك ناگرادا - قىزمەت بابىندا ەرەن ەرلٸگٸ مەن جانقييارلىعى ٷشٸن I دەرەجەلٸ «ايبىن» وردەنٸ, ال, ونىڭ ەرٸپتەسٸ سامات وسپانوۆقا ٸI دەرەجەلٸ «ايبىن» وردەنٸ تاپسىرىلدى.
