قازاقستاندا بالىق ٶسٸرۋ ٸسٸ جولعا قويىلىپ, بۇل باعىتتا اۋقىمدى جۇمىستار اتقارىلىپ كەلەدٸ. قر ٷكٸمەتٸنٸڭ اقپاراتىنا سٷيەنسەك, سوڭعى 7 جىلدا بالىق كٶلەمٸ 9 ەسە, ياعني 800 توننادان 7,4 تونناعا دەيٸن ٶسكەن. بۇل بالىق شارۋاشىلىعىمەن اينالىساتىن ماماندار مەن بالىقتى براكونەرلەردەن قورعايتىن ينسپەكتورلاردىڭ ەڭبەگٸ.
بالىقتى جاساندى ٶسٸرۋ بويىنشا تٷركٸستان وبلىسى كٶشباسشى باستاپ تۇر. ەلٸمٸزدەگٸ بالىقتىڭ 5 مىڭ تونناسى (68,7%) وسى ايماققا تيەسٸلٸ. ال الماتى وبلىسىندا 1000 توننا (12,8%) بالىق ٶندٸرەلەدٸ ەكەن. قالعان بالىق ٷلەسٸن سولتٷستٸك قازاقستان وبلىسى مەن شىعىس قازاقستان وبلىسى ەنشٸلەگەن. وسى بالىق شارۋاشىلعى دامىپ تۇرعان ايماقتارىمىزدا براكونەرلەر دە تىنىم تاپپايدى.
مەسەلەن, جاقىندا عانا الاكٶلدە زاڭسىز اۋلانعان بالىقتى تيەپ, الاڭسىز كەتٸپ بارا جاتقان ەكٸ كٶلٸك توقتاتىلدى.
ۇستالعان ەكٸ كٶلٸكتٸڭ جٷكسالعىشىنان تەرتٸپ ساقشىلارى 130 كەلٸگە جۋىق بالىق تەركٸلەدٸ. الاكٶل اۋدانىنىڭ پوليتسەيلەرٸ «براكونەر» جەدەل الدىن الۋ ٸس شاراسىن ٶتكٸزۋ بارىسىندا «نيۆا» جەنە «ۋاز» ماركالى اۆتوكٶلٸكتەرٸن توقتاتقان. ەكٸ كٶلٸك جٷرگٸزۋشٸلەرٸ 130 كيلوگرامعا جۋىق بالىققا قاتىستى ەشقانداي تيٸستٸ قۇجاتتار كٶرسەتە الماعان.
كٶلٸكتەگٸ بالىقتار تەركٸلەنٸپ, تيٸستٸ قابىلداۋ ورىندارىنا ٶتكٸزٸلدٸ. بالىقتان تٷسكەن قاراجات مەملەكەت پايداسىنا اۋدارىلادى. سونىمەن قاتار, قازٸرگٸ ۋاقىتتا اتالعان دەرەك بويىنشا مەملەكەتكە كەلتٸرٸلگەن ماتەريالدىق شىعىن انىقتالۋدا. تيٸستٸ تەكسەرۋلەردەن كەيٸن ناقتى پروتسەسسۋالدىق شەشٸم قابىلدانادى.
ەستەرٸڭٸزگە سالا كەتەيٸك, الماتى وبلىسىندا «براكونەر» جەدەل الدىن الۋ ٸس-شاراسى 31 تامىزعا دەيٸن جالعاسادى.
اتالعان شارانىڭ ماقساتى – تابيعات قورعاۋ زاڭناماسىنىڭ ساقتالۋىن قاداعالاۋ, قۇقىق بۇزۋشىلىقتاردى بولدىرماۋ, تابيعي بايلىعىمىزدى قورعاۋ. «براكونەر» جەدەل الدىن الۋ ٸس-شاراسى بارىسىندا پوليتسەيلەر تابيعات قورعاۋ ورگاندارىمەن بٸرلەسٸپ, تۇراقتى تٷردە رەيدتەر مەن تەكسەرۋلەر ۇيىمداستىرادى. حالىق اراسىندا تٷسٸندٸرۋ جۇمىستارىن جٷرگٸزٸپ, زاڭ تالابىنىڭ قاتاڭ ساقتالۋىن ەسكەرتەدٸ.
