بوزجىرا شاتقالىندا قوناق ٷي كەشەنٸ سالىنبايدى. بۇل اقپاراتتى ماڭعىستاۋ وبلىسى ەكٸمدٸگٸنٸڭ باسپاسٶز قىزمەتٸ راستادى, دەپ حابارلايدى قازاقپارات.
«جوبا باستاماشىسى - «Tethys Aktau IV» جشس-نىڭ اۋىزشا اقپاراتىنا سەيكەس, بوزجىرا شاتقالىنداعى قوناق ٷي كەشەنٸ مەن ەتنواۋىل قۇرىلىسىنىڭ جوباسى ينۆەستوردىڭ باستاماسىمەن توقتاتىلدى», - دەپ اتاپ ٶتتٸ ەكٸمدٸكتەن.
ايتا كەتەيٸك, 2021 جىلدىڭ باسىندا ٶڭٸردەگٸ ەكولوگييالىق تۋريزمدٸ دامىتۋ ماقساتىندا ينۆەستور ۇسىنعان جوبالاردىڭ بٸرٸ قاراقييا اۋدانىنداعى ەتنواۋىل ساپار ورتالىعى بولعان ەدٸ. باستاپقىدا ينۆەستور بوزجىرا شاتقالىنداعى جابايۇشقان قورىقشاسىنىڭ اۋماعىندا جوبانى ٸسكە اسىرۋدى ۇسىنعان. بٸراق, اتالعان اۋماق ەرەكشە قورعالاتىن ايماق بولعاندىقتان مەملەكەت باسشىسى ٷكٸمەتكە جوبانى جٷزەگە اسىرۋ ورنىن قايتا قاراۋدى تاپسىردى.
ماڭعىستاۋ وبلىسى ەكٸمدٸگٸ مەدەنيەت جەنە سپورت, ەكولوگييا, گەولوگييا جەنە تابيعي رەسۋرستار مينيسترلٸكتەرٸمەن بٸرلەسٸپ, قوعام ٶكٸلدەرٸمەن, ارداگەرلەرمەن, ەكوقورعاۋشىلارمەن, عالىمدارمەن, ەكولوگييا, بيولوگييا سالاسىنداعى ساراپشىلارمەن بٸرقاتار كەڭەستەر مەن كەزدەسۋلەر ٶتكٸزٸپ, جوبانى بوزجىرا شاتقالىنان 4 شاقىرىم قاشىقتىقتا, قورىقشادان تىس جەردە جٷزەگە اسىرۋ تۋرالى شەشٸم قابىلداندى.
ينۆەستور توپىراقتىڭ گەولوگييالىق جاعدايلارىن انىقتاۋ ٷشٸن ينجەنەرلٸك-گەولوگييالىق ٸزدەستٸرۋ جۇمىستارىن جٷرگٸزٸپ, قولدانىستاعى گرەيدەر جولدى قالپىنا كەلتٸردٸ.
«بۇعان قوسا, ينۆەستور ماڭعىستاۋ وبلىسىنىڭ ەكولوگييالىق تۋريزم ەرەكشەلٸكتەرٸن ەسكەرە وتىرىپ, ونى تابىستى جٷزەگە اسىرۋ ٷشٸن جوبا تۇجىرىمداماسىنا كەشەندٸ ٶزگەرتۋلەر ەزٸرلەپ جاتىر. جوبا تۇجىرىمداماسىنا كەشەندٸ ٶزگەرتۋلەر ەنگٸزۋگە قاتىستى كەيبٸر سەتتەردٸڭ تۋىنداۋىنا بايلانىستى ونىڭ قۇنى 38,6 ملرد تەڭگەدەن 39,8 ملرد تەڭگەگە دەيٸن اۋىتقىدى. جوبانىڭ ناقتى قۇنى وعان ٶزگەرٸستەر ەنگٸزۋمەن بايلانىستى جوعارىدا اتالعان پروتسەدۋرالار اياقتالعان سوق ناقتىلانادى», - دەپ اتاپ ٶتەدٸ ەكٸمدٸكتەن.
