قازاقستاندىقتار تانىمال كەسٸپكەر ەرٸ جۋرناليست بەيبٸت ەلٸبەكوۆ تٷسكەن جارناماعا نارازىلىق بٸلدٸردٸ, دەپ جازادى Sputnik اگەنتتٸگٸ.
روليك سيۋجەتٸ بويىنشا جۋرناليست بويجەتكەندٸ جٷكسالعىشقا جاتقىزىپ, اۆتوموبيلدٸڭ دىبىس وقشاۋلاعىشىن تەكسەرگەن.
ٶزٸن تەۋەلسٸز باق رەتٸندە تانىستىراتىن Batyr Jamal رەداكتسيياسى وسى جارناماعا نازار اۋداردى.
ۆيدەودا ەلٸبەكوۆ تانىمال ماشينانىڭ دىبىس وقشاۋلاعىشى تەڭدەسسٸز ەكەنٸن ايتادى دا, جان داۋىسى شىعا ايقايلاعان قىز جاتقان جٷكسالعىشتىڭ ەسٸگٸن جابادى.
جەلٸ قولدانۋشىلارى ۆيدەو استىنا پٸكٸر قالدىرىپ, بۇل زورلىقپەن قىز الىپ قاشۋ قىلمىسىنا قولداۋ كٶرسەتۋ ەكەنٸن ەسكەرتكەن. كەيبٸرەۋلەر بۇل ەدەيٸ حايپ ٷشٸن تٷسٸرٸلگەن ۆيدەو ەكەنٸن ايتتى.
ال بەيبٸت ەلٸبەكوۆتىڭ ٶزٸ جارنامادا قانداي دا بٸر تەرٸس ەرەكەتتٸ قولداۋعا دەگەن نيەت بولماعانىن مەلٸمدەدٸ. ول ۆيدەو اۆتورلارى "TikTok جەلٸسٸندەگٸ امەريكالىق تانىمال ۆيدەونى قايتالاماق بولعاندارىن" ايتتى.
"وسى ۆيدەو كٶڭٸلٸنە تيگەن ادامداردان كەشٸرٸم سۇرايمىن جەنە "قىز الىپ قاشۋعا" قاتىسى بار دەپ تانىلعان وسى كونتەكستكە قاتىستى جاۋاپكەرشٸلٸكتٸ سەزٸنە وتىرىپ, ۆيدەوروليكتٸ ٶز پاراقشامنان ٶشٸرۋدٸ جٶن كٶردٸم", - دەپ جازدى ەلٸبەكوۆ.
بۇعان دەيٸن قىرعىزستاندا بولعان قايعىلى وقيعا قازاقستاندىقتاردى بەي-جاي قالدىرماعان ەدٸ. بٸشكەكتە 27 جاستاعى ايزادا قاناتبەكوۆانى ۇرلاپ كەتكەن ازامات ونى بۋىندىرىپ ٶلتٸرگەنٸ بەلگٸلٸ بولدى. قىلمىسكەر سودان كەيٸن ٶز-ٶزٸنە قول جۇمساعان. وسى جاعدايدان كەيٸن قىرعىزستان جۇرتى ٸشكٸ ٸستەر مينيسترٸنٸڭ وتستاۆكاعا كەتۋٸن تالاپ ەتٸپ ميتينگٸگە شىقتى.
