قايتا ٶركەندەۋ دەۋٸرٸنٸڭ ٶكٸلٸ, فلورەنتييالىق سۋرەتشٸ ساندرو بوتتيچەلليدٸڭ «مەدالون ۇستاعان جٸگٸت» كارتيناسى نيۋ-يورك قالاسىندا ٶتكەن اۋكتسيوندا 92 ملن دوللارعا ساتىلدى, دەپ حابارلايدى "ۇلت اقپارات" Sotheby's اۋكتسيون ٷيٸنٸڭ سايتىنا سٸلتەمە جاساپ.
بۇل - سۋرەتشٸنٸڭ ساۋداعا شىعارىلعان ٷزدٸك جۇمىستارىنىڭ بٸرٸ. ساتىپ العان ادامنىڭ ەسٸمٸ اتالمايدى.
كارتينا 1470-1480 جىلدارى سالىنعان. بٸر كەزدەرٸ ول ۋەلستٸڭ (ۇلىبريتانييا) اقسٷيەكتەر ەۋلەتٸنە تيەسٸلٸ بولدى. كەيٸنگٸ رەت سۋرەت 1982 جىلعى اۋكتسيوندا 1,3 ملن-عا ساتىپ الىنعان بولاتىن.
«مەدالون ۇستاعان جٸگٸت» لوندونداعى ۇلتتىق گالەرەيا, نيۋ-يوركتەگٸ مەتروپوليتەن ٶنەر مۇراجايى سىندى ەلەمدٸك مۇراجاي-گالەرەيالارعا قويىلعان ەدٸ.
