قازاقستاندىق بلوگەر بوتا ميا 11 جاسار قىرعىزستاندىق اليحان اسقاربەكوۆكە جٷيرٸك ات تارتۋ ەتتٸ. ول بۇل سىيلىقتى قازاقستان اتىنان جاس بالانىڭ باتىل ەرٸ ٸزگٸ ەرەكەتٸ ٷشٸن العىس رەتٸندە بەرگەنٸن اتاپ ٶتتٸ, دەپ حابارلايدى ult.kz.
بۇل وقيعا ىستىقكٶلدە ٶتكەن بەيگەدەن كەيٸن كەڭ تانىلدى. حالىقارالىق جارىستا قازاقستاندىق شاباندوز اتىنان اۋىپ تٷسكەندە, اليحان مٷدٸرمەي, سەيگٷلٸكتٸ ۇستاپ الىپ, جارىستى اياعىنا دەيٸن جەتكٸزگەن. نەتيجەسٸندە قازاقستان قۇراماسى ٷشٸنشٸ ورىندى يەلەنگەن بولاتىن. جارىستان كەيٸن جاس بالاعا بارلىق جٷلدە قورى تابىستالىپ, ونىڭ «قازاق پەن قىرعىز — بٸر تۋعان» دەگەن سٶزٸ جەلٸدە كەڭ تاراپ كەتتٸ.
وسى وقيعانىڭ زاڭدى جالعاسى رەتٸندە بلوگەر اليحانعا تۇلپاردى ٶز قولىمەن تابىستاپ, بۇل سىيلىق باتىلدىق, ادالدىق پەن باۋىرمالدىقتىڭ بەلگٸسٸ ەكەنٸن ايتتى.
